အရှေ့တောင်အာရှတွင် အကျင့်ပျက်ခြစားမှု တိုက်ဖျက်ခြင်း (အပိုင်း-၁)

မိတ်ဆက်
ဒီအခန်းမှာတော့ အာရှဖွံ့ဖြိုးမှုဘဏ်(ADB) ကနေ လတ်တလောမှာ ပြင်ဆင်ပေးနေ တဲ့ governance assessments တွေကိုမှီပြီး ကမ်ဘောဒီယား၊ လာအို၊ ထိုင်းနဲ့ ဗီယက် နမ်တွေမှာ အကျင့်ပျက်ခြစားမှုတွေကို ထိထိရောက်ရောက် တိုက်ဖျက်နေတဲ့ လတ်တ လောတိုးတက်မှု ဖြစ်စဉ်တွေကို လေ့လာကြပါမယ်။ ဒီဖြစ်စဉ်တွေက နိုင်ငံတစ်နိုင်ငံ ချင်းစီသာမကပဲ ဒေသတွင်းမှာ အင်အားစုတွေ အချင်းချင်းပေါင်းစုပြီး ရှေ့ဆက်ဖြစ် ထွန်းလာမယ့် အားထုတ်မှုတွေကို ထောက်ကူပေးနေပါတယ်။ ဒီနိုင်ငံလေးနိုင်ငံက ခြ စားမှုတိုက်ဖျက်ရေး အားထုတ်မှုတွေဟာ မတူညီတဲ့ချဉ်းကပ်ပုံတွေကို အသုံးပြုတဲ့နေ ရာမှာ ဘယ်လိုအကြောင်းတရားတွေ ဖြစ်လာစေတယ်၊ ဘယ်လိုနောက်ဆက်တွဲ ဖြစ် ရပ်မျိုးတွေ ဖြစ်လာစေတယ်ဆိုတာကို နှိုင်းယှဉ်ဝေဖန်ကြည့်ဖို့ အင်မတန်စိတ်ဝင်စားစ ရာကောင်းတဲ့ ဒေသတွင်းဖြစ်စဉ်တွေ ဖြစ်လာသလို၊ တူညီမှုတွေကိုရော၊ ကွဲလွဲမှုတွေ ကိုပါ ထင်သာမြင်သာရှိလာစေခဲ့တယ်။

နောက်ခံအကြောင်း
ကောင်းမွန်တဲ့အစိုးရ၊ စီးပွားရေးဖွံ့ဖြိုးမှု၊ ဆင်းရဲမွဲတွေမှု လျော့ချရေး ဒီအကြောင်းအ ရာတွေနဲ့ ပတ်သက်လို့ debate တွေ လုပ်ကြတဲ့အခါမှာ လာဘ်စားမှုတိုက်ဖျက်ရေးက အခရာကျတဲ့ အချက်ဖြစ်လာနေတယ်။ ဒီဆောင်ရွက်မှုအတွက် တွန်းအားတွေက လည်း နေရာပေါင်းစုံကနေ ထွက်ပေါ်လာနေတယ်။ အကူအညီတွေနဲ့ နိုင်ငံခြားရင်းနှီး မြှုပ်နှံမှုတွေ တိုးတိုးပြီး စီးဝင်လာနေတာက ကတွတ်ပေါက်က စောင့်နေတဲ့ ဗျိုင်းတွေ အတွက် မက်လုံးတွေ ပိုတက်လာတယ်။ အရင်စစ်အေးကာလက အလှမ်းဝေးတဲ့ နိုင်ငံ တွေကို ပထဝီနိုင်ငံရေးအကျိုးအမြတ် တစ်ခုတည်းကိုပဲကြည့်ပြီး ငွေရေးကြေးရေးအရ မသမာမှုတွေလုပ်နေကြတာတွေကို မျက်စိတစ်ဖက် မှိတ်ပေးထားတဲ့ အခြေအနေမျိုး က ခေတ်ကုန်သွားပြီ။ အကူအညီပေးနေတဲ့ နိုင်ငံတွေက နိုင်ငံတကာအကူအညီပေး ရေးအေဂျင်စီတွေအပေါ်မှာ သူတို့ပေးလိုက်တဲ့ ပိုက်ဆံကနေ အမြင့်ဆုံးအကျိုးအမြတ် တွေ ပြန်ရနိုင်ဖို့ ဖိအားတွေပေးလာနေကြတယ်။ ပိုဆိုးတာက တစ်ချို့လက်တစ်ဆုတ် စာ အာဏာရှင်အုပ်စိုးမှုတွေမှာ ဆက်ပြီးတော့သာ လာဘ်စားမှုတွေကို အတားအဆီးမ ရှိ ကျယ်ကျယ်ပြန့်ပြန့်နဲ့ ပျံ့နှံ့ခွင့်ပေးထားမယ်ဆိုရင် နိုင်ငံရေးအရရော၊ လူမှုရေးအရပါ ပြိုလဲသွားကြမယ့် အန္တရာယ်တွေ ရှိနေတဲ့ဆိုတဲ့ အနုတ်သဘောဆောင်တဲ့ ဥပမာတွေ လည်း ပေါ်ထွက်လာနေတယ်။
ကုန်သွယ်မှု liberalization တွေ တိုးတက်လာနေတဲ့ ဒီခေတ်ကြီးမှာ နောက်ထပ်အ ကြောင်းရင်းခံတစ်ခုက ဒီဒေသမှာ ၁၉၉၇ ပတ်ဝန်းကျင်က ဖြစ်ခဲ့တဲ့ စီးပွားပျက်ကပ်ဟာ ငွေကြေးဈေးကွက်၊ ကော်ပိုရိတ်တွေနဲ့ အုပ်ချုပ်မှုဆိုင်ရာတွေမှာ ရှိနေတဲ့ပြဿနာတွေ ပေါင်းဆုံပြီးတော့ အဆက်မပြတ်ဖိနှိပ်ခံနေရတဲ့ ဖွဲ့စည်းပုံအရအားနည်းချက်တွေက ရုန်းကြွလာတာကြောင့် ဖြစ်ခဲ့ရတယ်ဆိုတာကို သတိထားမိလာတာလည်းပါတယ်။ အုပ်ချုပ်မှုအားနည်းချက်တွေက အရှေ့အာရှရဲ့ အခြေခံအုတ်မြစ်တွေကနေ ပျောက် ကွယ်သွားတာ နှစ်မနည်းတော့ဘူး။ အပြင်ကလာတဲ့ ကာလတိုကြွေးမြီတွေကိုသုံးပြီး ငွေကြေးကျောထောက်နောက်ခံ ပြုတာတွေ တိုးပွားလာနေတဲ့ macroeconomic framework တွေရဲ့ အထက်ကနေအောက် ဆက်ခံတတ်တဲ့ ပြိုကွဲလွယ်မှုဆိုတဲ့အ ချက်အပြင်ကို တစ်ဘက်မှာလည်း public/private co-operation တွေက လွှမ်းမိုးမှု တွေ၊ အခွင့်ထူးခံဆို တာတွေချည်းပဲ ရှိနေတဲ့ အတွင်းစည်းတွေထဲကို ပိုပိုဆိုးရွားစွာနဲ့ ကျရောက်သွားနေတဲ့ အပေါ်မှာ အပြင်ပန်းအရ တောင့်ခံထားရတာလည်း ရှိနေတာပဲ။ အဲဒါထက်ပိုတာက သာမန်ကြည့်ရုံနဲ့ မမြင်ရတတ်သလို၊ မကြာခဏလည်း မျက်စိလျှမ်း နေတတ်တဲ့၊ အစဉ်အမြဲတိုးပွားနေတတ်တဲ့ စီးပွားရေးဆိုင်ရာ ကုန်ကျစားရိတ်တွေ ရှိ နေတာပဲ။ ဒီကုန်ကျစားရိတ်တွေက ပွင့်လင်းမြင်သာမှုနဲ့ တာဝန်ယူမှုမရှိတာတွေ၊ နောက်တစ်ခါ လာဘ်စားမှုတွေကို ဘာမှပြန်မတုံ့ပြန်နိုင်ပဲ ခေါင်းငုံ့ခံနေရတာတွေကနေ ထွက်လာတာ။ အမှန်စင်စစ်မှာ rent-seeking နဲ့ private collusion ဆိုတာတွေကို စ နစ်ကြီးလည်ပတ်ဖို့အတွက် မရှိမဖြစ်လိုအပ်တဲ့ ချောဆီတွေအနေနဲ့ ရှုမြင်ရင်း ပေးကမ်း ခြင်းသည်အောင်မြင်ရာ၏ဆိုတဲ့ သဘောထားတွေ ပေါက်ဖွားနေတာပဲ။ အားနည်းချက် တွေက အစိုးရမှာပဲဖြစ်ဖြစ်၊ ဒါမှမဟုတ် ဘဏ်စနစ်မှာ ကြီးကြပ်ဆောင်ရွက်မှုတွေ အား နည်းတာချည်းပဲဖြစ်ဖြစ် ရှိနေတာမဟုတ်ဘူး။ ပိုကြီးလေးတဲ့ ပြဿနာတွေဖြစ်တဲ့ private sector တွေ ကိုယ်နှိုက်ထဲက corporate governance တွေမှာပါ လိုက်ပြီး ရှိနေတာ။ ပွင့်လင်းမြင်သာမှု မရှိတာကြောင့် အသံတိတ်နေတယ်၊ ပိတ်ဆို့တားဆီးခံ နေရတယ်၊ checks and balances တွေမှာ အားကောင်းတဲ့ ယှဉ်ပြိုင်မှုတွေ ပျောက် ဆုံးနေတယ်။
ဒီဒေသတွေက ပြည်သူတွေအနေနဲ့ နိုးကြားမှုတွေ ရှိလာနေတယ်။ အများရဲ့ယုံကြည် ကိုးစားမှုကို ကိုယ်ကျိုးစီးပွားအတွက် အသုံးချနေတဲ့ ဒီလိုယုတ်မာတဲ့ အလွဲသုံးစားမှု မျိုးကို ဆက်ပြီးသည်းမခံနိုင်ကြတော့ဘူး။ သတင်းလွတ်လပ်ခွင့်တွေ တိုးတက်လာတဲ့ အခါမှာ သတင်းသမားတွေအနေနဲ့ အုပ်ချုပ်သူတွေရဲ့ စည်းဖောက်တဲ့ ကိစ္စတွေကို ပို ပြီးလွတ်လွတ်လပ်လပ် ရေးသားခွင့် ရှိလာတယ်။ ပညာရေးနယ်ပယ်မှာ တိုးတက်မှု တွေရှိလာတာ၊ နိုင်ငံတွေအချင်းချင်း သတင်းအချက်အလက် စီးဆင်းမှု အားကောင်း လာတာတွေက တခြားနိုင်ငံတွေမှာ လုပ်နေကြတဲ့ လာဘ်စားမှုတိုက်ဖျက်ရေး ဆောင် ရွက်ချက်တွေကို ပြည်သူတွေအနေနဲ့ ပိုပြီးသတိထားမိလာသလို၊ ကိုယ့်တိုင်းပြည်ထဲမှာ ဖြစ်နေတဲ့ စနစ်တကျအနိုင်ကျင့် ခေါင်းပုံဖြတ်မှုတွေအပေါ် ပိုပြီးစက်ဆုတ်ရွံရှာလာကြ တယ်။ ခြစားမှုတိုက်ဖျက်ရေးအတွက် ရည်ရွယ်တည်ထောင်ထားတဲ့ အစိုးရမဟုတ်တဲ့ အဖွဲ့အစည်း (NGOs) တွေ ပေါ်ပေါက်လာတာက ပြဿနာကို လူမြင်သူမြင်မြင်ကွင်း ထဲ ရောက်လာစေသလို၊ လူတွေကို ပိုအာရုံစိုက်မိနေစေတယ်။ နိုင်ငံခြားရင်းနှီးမြှုပ်နှံ သူတွေက ဖွဲ့စည်းပုံကို ပြန်လည်တည်ဆောက်နေတဲ့နေရာမှာ ခိုင်မာတောင့်တင်းတဲ့ တိုးတက်မှုရလဒ်တွေ ရနေတဲ့ နိုင်ငံတွေအပေါ်မှာပဲ ဦးစားပေးရွေးချယ်နေကြတာမို့ ဒီ အချက်ကလည်း အထောက်အပံ့ဖြစ်လာစေတယ်။

အာရုံစိုက်ကြည့်ကြမယ့်နိုင်ငံတွေ
ကျွန်တော်တို့ ဒီအခန်းမှာ အရှေ့တောင်အာရှက နိုင်ငံလေးနိုင်ငံ၊ ကမ်ဘောဒီယား၊ လာအို၊ ထိုင်းနဲ့ ဗီယက်နမ်ဆိုပြီး လေးနိုင်ငံ၊ကို လေ့လာကြပါမယ်။ ဒီနိုင်ငံတွေဟာ လာဘ်စားမှုတိုက်ဖျက်ရေးမှာ အမြင့်ဆုံးအဆင့်လိုအပ်ချက်တွေနဲ့ တိုက်ဖျက်ဖို့ လိုအပ် နေတဲ့ နိုင်ငံတွေပါ။ ဒီနိုင်ငံတွေက မဟာမဲခေါင်ဒေသရဲ့ အစိတ်အပိုင်းဝင် နိုင်ငံတွေ လည်း ဖြစ်ကြပါတယ်။ ၁၉၉၀ ခုနှစ်တွေကနေစပြီး ငြိမ်းချမ်းရေးတွေရလာသလို၊ အ ပြောင်းအလဲတွေကိုလည်း မြန်မြန်ဆန်ဆန်နဲ့ လုပ်ခဲ့ရင်းက လူနေမှုအဆင့်အတန်းနဲ့ အခြေအနေတွေ တိုးတက်လာခဲ့တယ်။ ဒါတောင် ၁၉၉၇ တုန်းက တစ်ခါပြန်ကျသွား သေးလို့။ ဥပမာအားဖြင့် မဲခေါင်ဒေသနိုင်ငံတွေဟာ ဝမ်းစာသပ်သပ် လယ်ယာလုပ်ငန်း ကို လုပ်ကိုင်နေကြရာကနေ ပိုပြီးအသွင်ကွဲပြားတဲ့ စီးပွားရေးတွေကို လုပ်ကိုင်လာကြ တယ်။ ပိုလွတ်လပ်တဲ့၊ ဈေးကွက်အခြေပြုတဲ့ စနစ်တွေပေါ်ပေါက်လာတယ်။ ဒီဟာတွေ နဲ့ တပြိုင်တည်းမှာပဲ ဒီမဲခေါင်ဒေသတွင်း နိုင်ငံတွေကြားမှာ နယ်စပ်ကုန်သွယ်ရေးတွေ၊ ရင်းနှီးမြှုပ်နှံမှုတွေ၊ ရွှေ့ပြောင်းလုပ်သားတွေစတဲ့ စီးပွားရေးချင်း ဆက်သွယ်မှုတွေက လည်း တိုးပွားလာနေတယ်။ အဲဒါတွေအပြင်ကို သဘာဝသယံဇာတတွေ၊ အထူးသဖြင့် တော့ ရေအားလျှပ်စစ်ပေါ့၊ ဒါမျိုးတွေက စပြီးဖွင့်ဖြိုးလာရင်း၊ ဒေသတွင်းမှာ အခြေခံပြီး အသုံးတည့်လာကြတယ်။ ဘယ်လိုပဲဖြစ်ဖြစ်၊ ဒေသထဲမှာ ရှိခဲ့တဲ့သဘောထားကွဲလွဲမှု တွေကြောင့် ဒီနိုင်ငံလေးနိုင်ငံရဲ့ စစ်ရေးအင်အားဟာ ကြီးမားကျယ်ပြန့်သလို၊ တိုင်း ပြည်ရဲ့အရေးပါတဲ့ အခန်းကဏ္ဍတွေမှာ ရပ်တည်နေနိုင်တဲ့ အခွင့်အရေးကောင်းတွေကို လည်း ဆုတ်ကိုင်ထားနိုင်ကြတယ်။
ဒီ ပြောင်းလဲနေတတ်တဲ့ factor တွေဟာ ဒေသတွင်းမှာ အုပ်ချုပ်မှုတွေကို ဖော်ဆောင် ဖို့ ပင်မစိန်ခေါ်မှုတွေအဖြစ် ရပ်တည်နေကြတယ်။ ၁၉၉၅ မှာ အာရှဖွံ့ဖြိုးမှုဘဏ်က အုပ်ချုပ်မှုအပေါ်မှာ သူတို့ရဲ့ရပ်တည်ချက်ကို သူတို့ကိုယ်တိုင်ရေးဆွဲထားတဲ့ ကောင်း မွန်သောဖွံ့ဖြိုးရေးစီမံခန့်ခွဲမှုဆိုတဲ့ ပေါ်လစီအပေါ်မှာ မူတည်ပြီး ရပ်တည်လာခဲ့တယ်။ ဒီကောင်းမွန်သော ဖွံ့ဖြိုးရေးစီမံခန့်ခွဲမှု ပေါ်လစီဆိုတာမှာ အုပ်ချုပ်မှုဆိုတာကို ဘယ် လိုအဓိပ္ပာယ်ဖွင့်ထားလဲဆိုတော့ နိုင်ငံတစ်နိုင်ငံရဲ့ လူမှုရေးနဲ့ ဖွံ့ဖြိုးမှုအတွက် စီးပွား ရေးရင်းမြစ်တွေကို စီမံခန့်ခွဲတဲ့နေရာမှာ အာဏာကို အသုံးပြုမှုဖြစ်တယ်လို့ အဓိပ္ပာယ် ဖွင့်ပေးထားတယ်။ ဒီပေါ်လစီမှာပဲ ကောင်းမွန်တဲ့ အုပ်ချုပ်မှုစနစ်ဆိုတာအတွက် လို အပ်ချက်လေးခုကို တစ်ခါထပ်ပြီး သတ်မှတ်ပေးထားပြန်တယ်။ တာဝန်ယူမှု၊ ပူးပေါင်း ဆောင်ရွက်မှု၊ ကြိုတင်မှန်းဆနိုင်မှု၊ ပွင့်လင်းမြင်သာမှုဆိုပြီး လေးခုသတ်မှတ်ထား တယ်။ နောက်ပိုင်းမှာတော့ ADB က လာဘ်စားမှုဆန့်ကျင်ရေး ပေါ်လစီဆိုပြီး ၁၉၉၈ မှာ ထုတ်ပြန်ပြန်တယ်။ အဲဒီထဲမှာ လာဘ်စားမှုဆိုတာကို ပြည်သူနဲ့သက်ဆိုင်တဲ့ (ဒါမှမ ဟုတ်) ပုဂ္ဂလိကနဲ့သက်ဆိုင်တဲ့ ရုံး၊ အဖွဲ့အစည်း၊ အာဏာတွေကို ကိုယ်ကျိုးအတွက် အလွဲသုံးစားပြုခြင်းလို့ အဓိပ္ပာယ်သတ်မှတ်ထားတယ်။
ဒီနိုင်ငံတစ်နိုင်ငံချင်းစီရဲ့ ကနဦးအခြေအနေမှန်ကို မြင်နိုင်ဖို့အတွက် ADB အနေနဲ့ governance assessments တွေကို အရင်စမ်းသပ်ကြည့်ရတယ်။ ဒီလိုစမ်းသပ်တဲ့နေ ရာမှာ အရင်တစ်ချိန်က ADB နဲ့ တခြားအလှူရှင်တွေက လှူဒါန်းလိုက်တဲ့ ငွေကြေးစ တာတွေကို ဘယ်လောက်အထိ ထိထိရောက်ရောက် အသုံးချခဲ့တယ်ဆိုတာကို နောက်ကြောင်းပြန်ကြည့်တာပဲ။ အဲဒီကနေ အနာဂတ်မှာကြုံရနိုင်တဲ့ အုပ်ချုပ်မှုကို စိန် ခေါ်နေနိုင်တဲ့ အချက်တွေကို ပြန်ပြီးဖော်မြူလာထုတ်ကြည့်ကြတယ်။ ဒီလို governance assessments တွေ လုပ်တဲ့အခါမှာလည်း ကမ္ဘာ့ဘဏ်၊ ကုလသမဂ္ဂဖွံ့ ဖြိုးရေးအစီအစဉ်၊ တခြားအလှူရှင်တွေ စသဖြင့် အားလုံးစုပေါင်းပြီး လုပ်ကြရတယ်။ ဒါ မှလည်း တစ်ဖွဲ့နဲ့တစ်ဖွဲ့ အလုပ်တစ်ခုတည်းကိုပဲ ထပ်ပြီးလုပ်မိနေတာမျိုး မရှိတော့ပဲနဲ့၊ ပိုပြီးစုစည်းပြီး အချက်အလက်ခိုင်မာတဲ့ စမ်းစစ်ချက်မျိုး ရလာနိုင်မယ်။ နောက်သို့ လော၊ သို့လောအချက်တွေလည်း ပပျောက်သွားမယ်။ ADB ရော၊ ကမ္ဘာ့ဘဏ်ရောက အခုအချိန်မှာ သူတို့ရဲ့ ရှားရှားပါးပါး လျော့ပေါ့သတ်မှတ်ပေးတဲ့ ရင်းမြစ်ထုတ်ချေးတာ တွေကို performance allocation systems တွေက ထွက်လာတဲ့ ရလဒ်တွေပေါ်မူ တည်ပြီး ချေးငှားလာကြတယ်။ အခုကိစ္စမှာဆိုရင် ADB က ထုတ်ချေးနေတဲ့ Asia Development Fund ပေါ့၊ အုပ်ချုပ်ရေးယန္တယား တစ်ခုနဲ့တစ်ခုကို နှိုင်းယှဉ်ကြည့်ရ တာ ခက်ခဲမှုတွေ အများကြီးရှိတယ်ဆိုဦးတော့ ဒီအဖွဲ့အစည်းတွေက ဒီစနစ်ကိုပဲ ဆက်ပြီး အသုံးချနေကြတယ်။ အခုဒီအခန်းမှာ ကျွန်တော်တို့ GMS နိုင်ငံတွေထဲက လေးနိုင်ငံကို ဦးတည်ပြီး စဉ်းစားကြမယ်။ ဒီအထဲမှာမှ သုံးနိုင်ငံ (လာအို၊ ကမ်ဘောဒီး ယား၊ ဗီယက်နမ်)က Asia Development Fund ကနေ ငွေချေးထားသူတွေ။ ၂၀၀၂ ခုနှစ်အခြေအနေကို ပြောရရင် ဒီနိုင်ငံတွေကို ဒီ Fund ကနေ ထုတ်ချေးမယ့် ငွေပမာ ဏက အဲဒီနိုင်ငံတွေမှာ ရှိနေတဲ့ governance indicators က ပြပေးနေမယ့် performance အပေါ် မူတည်ပြီး ထုတ်ချေးပေးသွားမှာ။
ဒီအရှေ့တောင်အာရှနိုင်ငံ လေးနိုင်ငံရဲ့ assessments တွေထဲမှာ ADB အနေနဲ့ အစိုးရ တစ်ခုချင်းစီတိုင်းရဲ့ အာမခံချက်တွေဟာ ဘယ်လောက်အားကောင်းတယ်ဆိုတာကို စုံ စမ်းယူတယ်။ ဒီလိုစုံစမ်းတဲ့နေရာမှာ ကောင်းမွန်တဲ့ အုပ်ချုပ်ပုံရှိရဲ့လား၊ macroecono-mic နဲ့ စီးပွားရေးဆိုင်ရာ စီမံခန့်ခွဲမှုတွေ ကောင်းမွန်ရဲ့လား၊ ပူးပေါင်းပါဝင်မှုတွေ ကောင်းမွန်ရဲ့လား၊ ဆင်းရဲမွဲတေမှု လျော့ချရေးပေါ်လစီတွေ ရှိရဲ့လား၊ လူထုအ ထောက်အကူပြု ဝန်ဆောင်မှုတွေကို ထိထိရောက်ရောက် ဖြန့်ဝေနိုင်ရဲ့လား၊  စာချုပ် စာတမ်းတွေကို ထိထိရောက်ရောက် လိုက်နာတာတွေ လုပ်ရဲ့လား၊ ရပိုင်ခွင့်တွေကို ကျကျနနစီမံခန့်ခွဲပေးရဲ့လားဆိုတာတွေကို ကြည့်ပြီးတော့ ဆန်းစစ်တယ်။ တိုင်းပြည် တစ်ခုမှာ ဆင်းရဲတဲ့သူတွေက အခြေခံဝန်ဆောင်မှုတွေမှာ public sector တွေဖြစ်တဲ့ ဒေသန္တရကျန်းမာရေးဆေးခန်းတွေ၊ အစိုးရကျောင်းတွေ၊ တရားရုံးတွေ၊ ရဲဌာနတွေကို များများစားစား မှီခိုအားထားလာရတဲ့အခါမှာ အားနည်းတဲ့ အုပ်ချုပ်ပုံတွေက ဒီဌာန တွေအပေါ် သက်ရောက်မှုအများဆုံး ဖြစ်လာတယ်။ ADB ရဲ့ လေ့လာချက်အရ ဆင်း ရဲမွဲတွေမှုလျော့ချရေးအတွက် မဟာဗျူဟာစီမံကိန်းတွေမှာ၊ “ကောင်းမွန်တဲ့ အုပ်ချုပ်ပုံ တွေဟာ ဆင်းရဲမွဲတေမှုတိုက်ဖျက်ရေးပေါ်လစီတွေနဲ့ ကောင်းမွန်အကျိုးရှိတဲ့ macro-economic management တွေကို လွယ်ကူချောမွေ့စေတယ်”ဆိုတဲ့ အချက်ကို အဓိ ကတိုင်ထားပြီး စဉ်းစားလာကြတယ်။
၁၉၉၇ ခုနှစ်ကစလို့ လာဘ်စားမှုတိုက်ဖျက်ရေးအပါအဝင် structural reforms တွေ ကို အမှန်တကယ် အောင်မြင်အောင် အလုပ်နိုင်ဆုံးနိုင်ငံတွေကသာ ဒေသတွင်းစီးပွား ရေးအရ အောင်မြင်မှုအရှိဆုံး နိုင်ငံတွေဖြစ်လာတယ်ဆိုတာကို ထင်ရှားသည်ထက် ထင်ရှားလာနေတယ်။ ဥပမာပြောရရင် တရုတ်ပြည်သူ့သမ္မတနိုင်ငံမှာဆိုရင် အစိုးရပိုင် enterprise တွေနဲ့ civil service employment တွေကို ခွဲခြားပစ်လိုက်တယ်။ စစ်တပ် ကိုကြတော့ စီးပွားရေးလုပ်ငန်း တော်တော်များများကနေ အတင်းအကျပ်ဖယ်ရှား တယ်။ အစိုးရရဲ့ revenues တွေကို GDP ရာခိုင်နှုန်းရဲ့ တစ်ဝက်နီးပါးအထိ တက်လာ အောင် တိုးယူလိုက်တယ်။ တောင်ကိုရီးယားမှာတော့ ဘဏ်စနစ်နဲ့ ကုမ္ပဏီကြီးတွေမှာ ကြီးကြီးမားမားကို ထူထောင်ရေးတွေ လုပ်ယူခဲ့တယ်။ ဒီနှစ်နိုင်ငံစလုံးဟာ လာဘ်စားမှု တိုက်ဖျက်ရေးမှာ ပြင်းပြင်ထန်ထန်ကို ကိုင်တွယ်ခဲ့ကြသလို၊ အခုအချိန်အထိ ဒီကိစ္စကို အလေးအနက် ထားကြဆဲပဲ။ ဒီလိုထူထောင်ရေးလုပ်ငန်းတွေရဲ့ ရလဒ်က ဒီနိုင်ငံတွေ မှာ စီးပွားရေးစွမ်းဆောင်ရည်က သူတို့ရဲ့အိမ်နီးချင်းနိုင်ငံတွေထက် အများကြီးပို ကောင်းလာတာပဲ။
ဒီအခု အရှေ့တောင်အာရှ လေးနိုင်ငံမှာလည်း လာဘ်စားမှုတိုက်ဖျက်ရေးကို လုပ်ဖို့ တာစူနေကြပြီ။ ဒီလိုလုပ်တဲ့နေရာမှာ public administration တွေကို ပိုပြီးတောင့်တင်း အောင်လုပ်တာ၊ အသုံးစားရိတ်တွေကို စီမံခန့်ခွဲတာ၊ တိုင်းပြည်ထဲမှာရှိတဲ့ ဥပဒေဆိုင် ရာ framework တွေကို ပိုပြီးအားကောင်းလာအောင် ထောက်ပံ့ပေးတာ စသဖြင့်နည်း လမ်းတွေနဲ့ လာဘ်စားမှုကို တိုက်ဖျက်လာနေပြီ။ ဒီလိုတိုက်ဖျက်ရာမှာ ထိရောက်စေဖို့ က public organization တွေအားလုံးက ပေါ်လစီတွေ၊ procedure တွေနဲ့ Plan တွေ ချမှတ်ရာမှာ လူထုအကျိုးစီးပွားကို ကာကွယ်ပေးနိုင်မယ့် safeguard တွေကို တစ်ခါ တည်းထည့်ပြီး ချမှတ်ပေးလိုက်ဖို့ လိုအပ်တယ်။ ဒီအတွက် လုပ်နေကြတဲ့ အခြေအနေ တွေက ဒီနေ့ဒီအချိန်အထိတော့ သေချာရေရာမှု မရှိသေးဘူး။ တစ်ချို့နိုင်ငံတွေက တစ်ချို့နိုင်ငံတွေထက် ပိုအခြေအနေကောင်းတယ်။ တစ်ခါနိုင်ငံတစ်နိုင်ငံတည်းမှာကိုပဲ ဒေသတစ်ခုထက် တစ်ခုက ပိုပြီးသာတာတွေလည်း ရှိတယ်။

(Poe C) 
အပိုင်း ၂ ကို ဒီမှာ ဆက်ဖတ်ပါ။


အရှေ့တောင်အာရှတွင် အကျင့်ပျက်ခြစားမှု တိုက်ဖျက်ခြင်း (PDF version)