လူထုခေါင်းဆောင်ဆိုသည်မှာ

၁၉၄၆ ခုနှစ် ၊ မတ်လ၏ တစ်ခုသောနံနက်ခင်းတွင်ဖြစ်သည် ။ ပြည်ခရိုင် ၊ပန်းတောင်းမြို.နယ် ဖဆပလ ဥက္ကဌ ဦးထွန်းရွှေသည် လက်မှနာရီကိုကြည်.၍ ပန်းတောင်းကမ်းနားလမ်းဆီသို.ခပ်သုတ်သုတ်ခရီးနှင်နေသည် ။ သူ.စိတ်ထဲတွင် မှီမှမှီပါ.မလား ၊နောက်များကျနေပြီလားဟု စိုးရိမ်နေမိသည် ။ သူနှင်.အတူပါလာသော ရပ်မိရပ်ဖအချို.ကို ပင် စောင်.ရတာစိတ်မရှည်ချင် ။သူတို.လမ်းလျှောက်တာနှေးလွန်းလှသည်ဟု တွေးနေမိသည် ။ ယနေ.သည် ပန်းတောင်းမြို.တွင်နိုင်ငံရေးအရ ထူးခြားသောနေ.တစ်နေ.ဖြစ်သည် ။ မြန်မာနိုင်ငံတစ်ဝန်းလုံးတွင် လှည်းနေလှေအောင်းမြင်းဇောင်းမကျန် လူထုထောက်ခံမှုအပြည်.ရထားသော ဖ.ဆ.ပ.လ အခွဲ.ချုပ်ကြီး၏ ခေါင်းဆောင်ဖြစ်သူ ဗိုလ်ချုပ်အောင်ဆန်းတစ်ယောက် ရောက်လာမည်ဖြစ်သောကြောင်.ပင်ဖြစ်သည် ။ ဗိုလ်ချုပ်အောင်ဆန်းကိုကြိုဆိုရန် သူနှင်.တကွ မြို.မိမြို.ဖများသည် ကမ်းနားသို. ဦးတည်သွားနေကြခြင်းဖြစ်သည် ။သူ.အိမ်မှာ ဧည်.ခံကျွေးမွေးရေးကြိုဆိုနေရာချထားရေးများကိုစီမံနေရသဖြင်. အနည်းငယ်နောက်ကျသွားသဖြင်.စိတ်လောနေရခြင်းဖြစ်သည် ။ ဗိုလ်ချုပ်သည် ပြည်မြို.မှ မော်တော်ဖြင်.ရောက်လာမည်ဟုသတင်းရထား၏ ။ ဗိုလ်ချုပ်တရားဟောမည်.နေရာကိုလည်း မြို.အစွန်ကွင်းပြင်ကြီးတွင်စီစဉ်ထားပြီးဖြစ်သည် ။
ထိုအချိန်တွင် ဗိုလ်ချုပ်အောင်ဆန်းလိုက်ပါလာသော မော်တော်သည် ပန်းတောင်းမြို.အစွန်တွင်ဆိုက်ရောက်လာခဲ.ပြီးဖြစ်သည် ။ နွေရာသီ ရေကျ၍ သောင်ပြင်ကြီးကျယ်ပြန်.စွာထွန်းနေသောအခါမို. ခါတိုင်းမော်တော်ဆိုက်လေ.ရှိသောနေရာသို. မော်တော်သည် ဗိုလ်ချုပ်တို.ကိုရောက်အောင်မပို.နိုင်ပါချေ ။ မော်တော်ဆလင်သည် အားတုန်.အားနာဖြင်. ဗိုလ်ချုပ်ကိုကြည်.၍
“ အားနာစရာတော.ကောင်းနေပါပြီ ၊ မော်တော်ကရှေ.ဆက်သွားလို.မရ တော.ဘူး ၊ အရိပ်ထဲကပဲ ဦးထွန်းရွှေတို. လာကြိုတဲ.အထိစောင်.ပါဦး ဗိုလ်ချုပ် “
ဗိုလ်ချုပ် အောင်ဆန်းသည် မော်တော်ဆလင်ပြောသောစကားများကို နားထဲသို.၀င်ဟန်မတူ ၊ ပါတ်ဝန်းကျင်ကို သေသေချာချာကြည်.ရှုအကဲခတ်နေသည် ။ ထို.နောက်တစ်စုံတစ်ခုကိုမှတ်မိဟန်နှင်.
“ ဒီနေရာကိုကျုပ်သိပြီဗျ ၊ ဂျပန်ခေတ်တုန်းက တော်လှန်ရေး မှာကျုပ်ရောက်ဖူးတယ် ၊ လာခေါ်တဲ.သူဘာလို.ထိုင်စောင်.နေမှာလဲ ၊ကျုပ်ဘာသာကျုပ်သွားနှင်.မယ် ၊ လာဟေ.ဗိုလ်ထွန်းလှ “
ဗိုလ်ချုပ်အောင်ဆန်းသည် ပြောပြောဆိုဆို အပါးတော်မြဲဗိုလ်ထွန်းလှကိုခေါ်၍ မော်တော်ပေါ်မှဆင်းသွားပြီး ၊ မော်တော်မောင်း သူဘက်လှည်.ကာ
“ ဦးထွန်းရွှေတို.လာကြိုရင် ကျုပ်သူ.အိမ်ကို ကမ်းနားအတိုင်း လမ်းလျှောက်သွားပြီလို.ပြောလိုက်ပါ အိမ်ကပဲစောင်.မယ် “ သောင်ပြင်ကိုဖြတ်၍လျှောက်လာကြသော ဦးထွန်းရွှေနှင်. ပန်းတောင်းမြို.ခံများမရောက်သေးမီ ဗိုလ်ချုပ်နှင်.ဗိုလ်ထွန်းလှတို.သည် ကမ်းနားပေါ်သို.တက်ကာလမ်းလျှောက်ထွက်ခွာသွားတော.သည် ။ မိနစ်နှစ်ဆယ်ခန်.ကြာသောအခါမှ လာကြိုသောလူတစ်စုရောက်လာ၏ ။
“ ဗိုလ်ချုပ်က သွားနှင်.ပြီဗျ ၊ ဦးထွန်းရွှေအိမ်ကစောင်.မယ်တဲ . “
ထိုအချိန်တွင် ပန်းတောင်းမြို.နယ် ဖ.ဆ.ပ.လ ဥက္ကဌ ဦးထွန်းရွေအိမ်မှာ လူအနည်းငယ်ပဲရှိသည် ။ လူကြီးများက ကမ်းနားမော်တော်ဆိပ်သို.ဆင်း၍ ဗိုလ်ချုပ်ကိုသွားကြိုသည် ။ လူငယ်များက ဗိုလ်ချုပ်တရားဟောမည်. တရားဟောစင်မြင်.၀ယ်ကြိုတင်ပြင်ဆင်စရာရှိသည်များကိုဆောင်ရွက်ရန်ထွက်သွားကြသည် ။ အိမ်၌ ၀ိုင်းလုပ်ဝိုင်းစားအချို.နှင်. ဦးထွန်းရွှေ၏ညီတော်သူ ဦးတင်ဆွေပဲရှိသည် ။
“ ဦးထွန်းရွေ တို.အိမ်လားခင်ဗျ ၊ ကျုပ်တို.ကသူ.ဧည်.သည်တွေပါ “
အိမ်ရှေ.မှရပ်၍မေးနေသော ဧည်.သည်နှစ်ယောက်ကိုမည်သူမည်ဝါတွေမှန်း ဦးတင်ဆွေမသိ ။ယခုခေတ်လို ရုပ်မြင်သံကြား လဲမပေါ်သေး ၊ သတင်းစာစသည်များ ကလည်းတောနယ်ဘက်သို.အရောက်အပေါက်နည်းသည်မို. ဦးတင်.ဆွေသည် ဗိုလ်ချုပ်အောင်ဆန်းကိုကြားဖူးရုံဖြင်.ကြည်ငြိုနေသော်လည်းအပြင်တွင်တစ်ခါမျှမမြင်ဖူးပါချေ ။ သူ.စိတ်ထဲတွင် ဗိုလ်ချုပ်အောင်ဆန်း ပန်းတောင်းသို.ရောက်လာလျင် ဝေလမင်းသားမြန်မာပြည်လာသလို ဆိုင်းနှင်.ဗုံနှင်. အကနှင်.အခုန်နှင်. ရုတ်ရုတ်သဲသဲကြိုဆိုကြမည်ဟုထင်မှတ်လျက်ဗိုလ်ချုပ်အောင်ဆန်းဆိုသူကိုမျှော်နေ၏ ။
“ ထိုင်ကြဦးဗျာ အစ်ကိုကြီး ဦးထွန်းရွှေက ဗိုလ်ချုပ်တို.ကိုသွားကြိုနေတယ် “
ဗိုလ်ချုပ်သည် ကြမ်းပြင်ပေါ်တွင်ပဲ ထိုင်ချလိုက်သည် ။ အပါးတော်မြဲဗိုလ်ထွန်းလှလည်းဗိုလ်ချုပ်ဘေးတွင် ၀င်ထိုင် လိုက်၏ ။
“ ဆာလိုက်တာဗျာ ၊ ဘာစားစရာရှိလဲဗျ “
ဗိုလ်ချုပ်အောင်ဆန်းက စားစရာတစ်ခုခုတောင်းနေသဖြင်. အိမ်ရှင်ဖြစ်သူ ဦးတင်ဆွေက
“ ခက်တာပဲဗျာ ၊ စားပွဲပေါ်က ဟာတွေက ဗိုလ်ချုပ်အောင်ဆန်းတို.လာရင်ဧည်.ခံဖို.ပြင်ထားတာဗျ ၊ ကဲပါဗျာ ရော. ခင်ဗျားတို.စားဖို.နည်းနည်းခွဲပေးပါ.မယ် “
ကျကျနနပြင်ဆင်ထားသော စားပွဲပေါ်သို. ဗိုလ်ချုပ်တို.ကိုမဖိတ်ခေါ်ပဲ အိမ်ရှင်သည် ကြွေရည်သုတ် သံပုဂံပြားနှစ်ချပ်ထဲတွင်ကောက်ညင်းပေါင်းများကိုထည်.ကာ ဗိုလ်ချုပ်တို.ရှေ.တွင်လာချ၏ ။ ထို.နောက် သံဇလုံတစ်ခုဖြင်. ဘူးသီးကြော် ၊ပဲကြော် ၊ပဲနက်ကြော် များကိုလာချပေးပြီး ဦးတင်ဆွေသည် လုပ်စရာအလုပ်များကိုဆက်လုပ်ရင်း ဗိုလ်ချုပ်အောင်ဆန်းတို.ကိုမျှော်နေ၏ ။ ကာကီရောင်ယူနီဖောင်းခပ်နွမ်းနွမ်းကိုဝတ်ထားသော လူစိမ်းနှစ်ယောက်သည် ကောက်ညင်းပေါင်းကို အားရပါးရပလုပ်ပလောင်းစားရင်း စကားပြောနေကြရာ သူတို.ပြောသည်.စကားထဲတွင် အင်္ဂလိပ် ၊ စက္ကူဖြူစာတမ်း ၊ လွတ်လပ်ရေးစသည်ဖြင်. မကြာမကြာပါလာသဖြင်. တယ်ကြီးကျယ်တဲ.ကောင်လေးတွေပါလားဟု ဦးတင်ဆွေကပြုံးမိသေးသည် ။
မကြာမီ ဦးထွန်းရွှေနှင်.အဖွဲ.သည် ပျာယီးပျာယာရောက်လာ၏ ။ အိမ်ထဲသို.ကမန်းကတန်းဝင်လာရင်း
“ ဟောဗျာ ဗိုလ်ချုပ် တို.ရောက်နေပြီ ၊ကြမ်းပေါ်မှာထိုင်လို.ပါလား ၊ထပါထပါ ကုလားထိုင်ပေါ်ကိုကြွပါ ၊ဒီမှာ စားသောက်စရာပြင်ထားပါတယ် “ ဟု အားတုံ.အားနာပြောလိုက်လေသည် ။ ထိုအခါမှ ငချွတ်ကလေးတွေ ၊ချာတိတ်လူစိမ်းတွေဟုသူထင်နေသော ကောင်လေးမှာဗိုလ်ချုပ်အောင်ဆန်းဖြစ်နေမှန်းဦးတင်.ဆွေသည်ထိပ်ထိပ်ပြာပြာဖြစ်ကာသိသွားခဲ.လေသည် ။
“ ရပါတယ်ဗျာ ၊ ကျုပ်တို. အခုပဲစားပြီးပါပြီ ကဲ ကျုပ်တရားဟောသွားရမယ်.နေရာကိုသာသွားကြစို. ဦးထွန်းရွှေ “ ဗိုလ်ချုပ်အောင်ဆန်းသည် သူ.ကို အလေးမထားပဲ သာမန်ဧည်.သည်တစ်ယောက်လိုဧည်.ခံကျွေးမွေးခြင်းကိုခေါင်းထဲမှာလုံးဝမထားပဲ နိုင်ငံရေးတရားဟောဖို.သာပြောနေခြင်းကိုကြည်.၍ ဦးထွန်းရွှေတို.လူစုမှာ အထူးပင်အံ.သြကြည်ငြိုကြလေသည် ။
“ ခနစောင်.ပါဗိုလ်ချုပ် ၊ကျွန်တော်တို. ကားစီစဉ်ထားပါတယ် “
“ အံမယ် တယ်ဟုတ်ပါလား ကားတွေဘာတွေနဲ. ဒါနဲ.ကားကဘယ်မှာလဲ “
“ ကားက လာနေပါပြီဗိုလ်ချုပ် ၊ ဖောင်နဲ.သယ်လာပါပြီ ခနပဲစောင်.ပါ ရောက်လုပါပြီ “
“ ဘာဗျ ၊ ကားကိုဖောင်နဲ.သယ်လာတယ်ဟုတ်စ ၊ ဘယ်က ကားမို.လို.ဖောင်နဲ.သယ်ရတာလဲ “
“ ဒီလိုပါဗိုလ်ချုပ် ၊ ပန်းတောင်းမှာ ကားကောင်းကောင်းမရှိတော. ပြည်မြို.က ကားကိုဖောင်ပေါ်တင်ပြီး သယ်လာရတာပါ ၊ မကြာပါဘူးရောက်တော.မှာပါ “
ဗိုလ်ချုပ် မျက်နှာသည် ရုတ်တရက်ဒေါသဖြင်.နီမြန်းသွား၏ ။ ပထမသော် စီးစရာကားအဆင်သင်.မဖြစ်သဖြင်.စိတ်ဆိုးသွားခြင်းဖြစ်သည်ဟု ဦးထွန်းရွှေနှင်.မြို.ခံများထင်သေး၏ ။ သို.သော်ဗိုလ်ချုပ်စိတ်ဆိုးသည်မှာကားဤသို.ဖြစ်ပေကြောင်း ငေါက်ငမ်းပြောဆိုမှသိရလေသည် ။ဗိုလိချုပ်အောင်ဆန်းသည် သူ.ကိုကောက်ညင်းပေါင်းကျွေးထားသောအိမ်ရှင်ရယ်လို.လည်းမထောက်ညှာ ။ သူ.ကိုကားစီးရအောင်ဆောင်ရွက်ပေးသည်ကိုလည်းကျေးဇူးမတင်သည်.အပြင်
“ ဒီမှာ ဦးထွန်းရွှေ ခင်ဗျားတော်တော်အသုံးမကျပါလား ၊ အခုလိုတစ်တိုင်းပြည်လုံး လူတွေဆင်းရဲငတ်ပြတ်နေတဲ.ခေတ်ထဲမှာ ကျုပ်စီးဖို.ကားတစ်စီးကို ပြည်ကနေ ၊ပန်းတောင်းအထိ မြစ်ကူးချောင်းခြား ဖောင်နဲ.သယ်လာတယ်ဆိုတာ ဘယ်လောက်ရှက်ဖို.ကောင်းသလဲ ။ မတော်တဆ ကားမြစ်ထဲထိုးကျသွားရင် ဘယ်လောက်ငွေတွေလျော်ရမလဲ ။ ဒီလိုဖားတာမျိုးကိုကျုပ်လုံးလုံးမကြိုက်ဘူး ၊ ဒီအတွက်ကုန်မယ်.ငွေတွေကိုတိုင်းပြည်လွတ်လပ်ရေးအတွက် ရန်ပုံငွေထည်.ကြစမ်းပါ မယောင်ရာဆီမလူးကြပါနဲ. “
ဦးထွန်းရွှေသည် သူ.ကိုလူပုံအလည်တွင်နှစ်ပြားမတန်အောင် ရှုတ်ချပြောဆိုသော ဗိုလ်ချုပ်အောင်ဆန်းကို စိတ်မနာရုံမက ၊ ထိုင်ပြီး ရှိခိုးဦးချချင်လောက်အောင်ပင်ကြည်ညိုလွန်းသဖြင်.မျက်ရည်များဝဲလာပေတော.သည် ။
“ ဒီကနေ တရားဟောမယ်.နေရာကို ဘယ်လောက်ဝေးသလဲ ဦးထွန်းရွှေ “ ဟူသောဗိုလ်ချုပ်အသံကိုကြားမှ သူ.စိတ်ကိုအမြန်ထိမ်းချုပ်ကာ
“ တစ်မိုင်ခွဲလောက်တော.ဝေးပါတယ် ဗိုလ်ချုပ် “ ဟု ကမန်းကတမ်းဖြေလိုက်မိလေသည် ။
“ တစ်မိုင်ခွဲဆိုတာ ဘာဝေးသလဲဗျာ ၊ စစ်အတွင်းက ဒိထက်ဝေးတဲ.နေရာတွေကျုပ်လမ်းလျောက်လာတာပဲ ၊အခုလဲလမ်းလျောက်ကြတာပေါ. ။ အဆောင်အယောင်တွေ ပကာသနတွေ ကျုပ်မကြိုက်ဘူး ၊ကျုပ်လိုချင်တာလွတ်လပ်ရေးစိတ်ဓါတ်ပဲ ၊ ကဲရှေ.ကလမ်းပြကြ “ ဟုဆိုကာ ဗိုလ်ချုပ်အောင်ဆန်းသည် ဖော.ဦးထုပ်ကိုဆောင်းကာ အိမ်ပေါ်မှ ဗြုန်းဆိုဆင်းသွားသဖြင်. ဖ.ဆ.ပ.လ နှင်. မြို.ခံများသည် ကပျာကယာဗိုလ်ချုပ်အောင်ဆန်းနောက်မှ ပြေးလိုက်ကြရပါကြောင်း .....

သရ၀ဏ်(ပြည်)

လူမျိုးရေးပဋိပက္ခများ၏ စိန်ခေါ်မှု : သွေးကွဲနေကြသော လူအဖွဲ့အစည်းများအတွင်း ဒီမိုကရေစီတည်ဆောက်ခြင်း

ကျွန်တော်လက်ရှိရေးနေတဲ့ ဆောင်းပါးလေးခု ပါဝင်တဲ့ ဆောင်းပါးစု စာအုပ်ထဲက ပထမဦးဆုံးနဲ့ စာအုပ်ရဲ့ ခေါင်းစဉ်ဖြစ်လာမယ့် ပင်မဆောင်းပါးဖြစ်ပါတယ်။ အချိန်ရသလောက် အပိုင်းလေးတွေ ခွဲခွဲပြီး တင်ပေးသွားမှာပါ။ အောက်တိုဘာ ၁၉၉၃ ထုတ် Journal of Democracy Vol. 4, No. 4 မှာပါဝင်ခဲ့တဲ့ Donald L. Horowitz ရဲ့ The Challenge of Ethnic Conflict : Democracy in Divided Societies ဆောင်းပါးကို ဘာသာပြန်ထားတာပါ။

လူမျိုးရေးပဋိပက္ခများ၏ စိန်ခေါ်မှု : သွေးကွဲနေကြသော လူအဖွဲ့အစည်းများအတွင်း ဒီမိုကရေစီတည်ဆောက်ခြင်း

ဒီမိုကရေစီအသွင်ကူးပြောင်းရေးဟာ ကမ္ဘာလုံးဆိုင်ရာ လှုပ်ရှားမှုကြီး ဖြစ်ပေမယ့်လို့၊ အသွင်ပြောင်းမှုကို ဆောင်ရွက်ကြသူတိုင်း အောင် မြင်ကြတယ်၊ အောင်မြင်ပုံအောင်မြင်နည်းနဲ့၊ အောင်မြင်မှုအတိုင်းအတာတွေကလည်း တသမတ်တည်း တူညီကြတယ်ရယ်တော့ မဟုတ် ပါဘူး။  ဒီမိုကရက်တစ် လှုပ်ရှားမှုတွေနဲ့ ထိတွေ့ဖူးခြင်း မရှိသေးတဲ့ အာဏာရှင်အစိုးရတွေ၊ ဒီမိုကရက်တစ်တစ်ပိုင်း အစိုးရတွေ ရှိနေသလို ပဲ၊ အချို့အသွင်ကူးပြောင်းရေး လှုပ်ရှားမှုတွေကတော့ စလုံးရေစကတည်းကကို ဖျက်လိုဖျက်ဆီးတွေနဲ့ ကြုံခဲ့ကြရပြန်ပါတယ်။ အချို့ကြ ပြန်တော့ အသွင်ကူးပြောင်းရေးကို လုပ်နေရင်းနဲ့ကိုပဲ ဖောင်စီးရင်း ရေငတ်နေရတဲ့ အဖြစ်မျိုး ရှိပါတယ်။ ဒီမိုကရေစီအသွင်ကူးပြောင်းမှု ရော၊ ဒီမိုကရေစီထူထောင်မှုတွေမှာပါ ကျဆုံးမှုတွေ ဖြစ်ရခြင်း အကြောင်းအရင်း များစွာ ရှိပါတယ်။ အခွင့်ထူးခံလူထုတွေ၊ စစ်တပ်အီလိ တွေရဲ့ တင်းခံနေမှု၊ အားကောင်းတဲ့ လူမှုရေး၊ ယဉ်ကျေးမှုဆိုင်ရာ ရေခံမြေခံတွေ မရှိတာ၊ အမှားမှားအယွင်းယွင်း ဒီဇိုင်းလုပ်ထားတဲ့ အဖွဲ့ အစည်းမူဘောင်တွေ စတဲ့အချက်တွေဟာ ကျဆုံးမှုကို ဖြစ်စေတဲ့ အချက်တွေထဲက အချို့ပဲဖြစ်ပါတယ်။ အာဖရိက၊ အာရှ၊ အရှေ့ဥရောပနဲ့ ဆိုဗီယက်နိုင်ငံဟောင်းတွေမှာ ဒီမိုကရေစီအသွင်ကူးပြောင်းမှုကို အဓိကကျရှုံးစေတဲ့ အချက်သည် လူမျိုးရေး ပဋိပက္ခပဲ ဖြစ်ပါတယ်။

ဒီမိုကရေစီဆိုတာဟာ နိုင်ငံရေးအာဏာကို ရယူအသုံးပြုနိုင်မှုမှာ ပါဝင်ခွင့်နဲ့ ဖယ်ထားခံရမှုတို့ပဲ ဖြစ်ပါတယ်။ နိုင်ငံရေးအာဏာကို ရယူအ သုံးပြုနိုင်မှုမှာ ပါဝင်ခွင့်ရသူတွေက အခွင့်ထူးခံဖြစ်လာပြီး၊ ရယူအသုံးမပြုနိုင်ပဲ ဘေးဖယ်ထားခံရသူတွေအတွက် အကျိုးယုတ်မှုတွေ ဖြစ် လာစေပါတယ်။ ဒီပါဝင်ခွင့်ရသူနဲ့ ဘေးဖယ်ခံရသူ အုပ်စုနှစ်စုအကြား ခွဲကြားထားတဲ့ စည်းဟာ ဟိုဘက်ဒီဘက် ဘက်ပြောင်းဖို့ မဖြစ်နိုင်တာ မို့၊ အုပ်စုတစ်စုထဲ ရောက်သွားမိပြီဆိုရင် အဲဒီလို ကျရောက်သွားခြင်းက အမြဲတစေဆိုတဲ့ ပုံစံမျိုးကို မြန်မြန်ဆန်ဆန်ပဲ အသားသေသွားစေ ပါတယ်။ လူမျိုးရေး ခွဲခြားမှုရှိတဲ့ နိုင်ငံရေးမှာဆိုရင် အခြားသော လူမျိုးစုတွေအပေါ် လူမျိုးစုတစ်ခုက သြဇာသက်ရောက်နေတာ၊ နိုင်ငံရဲ့ အမျိုးသားရေးသရုပ်သကန်နဲ့ ပတ်သက်လာရင် လူမျိုးတစ်မျိုးက အခြားလူမျိုးတွေထက် ပိုပြီးလွှမ်းမိုးမှု ရှိနေတာ အစရှိတဲ့ နိုင်ငံတစ်နိုင်ငံ ရဲ့ အရေးပါတဲ့ ဒြပ်ရှိ၊ ဒြပ်မဲ့ အခွင့်ထူးတွေကို ဖြန့်ဖြူးပုံမှာ သက်ရောက်မှုတွေ ရှိလာနိုင်ပါတယ်။ သွေးကွဲနေတဲ့ လူအဖွဲ့အစည်းတွေ အ တွက်တော့ ထပ်ခါတလည်းလည်း ဆိုသလိုပဲ၊ ပါဝင်ခွင့်ရှိတဲ့ အုပ်စုကလူတွေသည် အုပ်ချုပ်ရေးမှာလည်း ပါဝင်ခွင့် ရှိလာစေပြီး၊ ဖယ်ထားခံ ရတဲ့ အုပ်စုကလူတွေကိုတော့ အုပ်ချုပ်ရေးအာဏာပိုင်ခွင့်ကနေ ဖယ်ထုတ်ထားဖို့ အမြဲတမ်းလိုလို တိမ်းညွှတ်မှုတွေ ရှိနေတတ်ပါတယ်။

လူမျိုးရေးအရ သွေးကွဲနေကြတဲ့ လူအဖွဲ့အစည်းတွေမှာ၊ အတိုက်အခံအပေါ်မှာ ခွင့်ပြုပေးရတဲ့ ဒီမိုကရေစီအခွင့်အရေးတွေနဲ့ ပတ်သက်ပြီး ရင်ဆိုင်ရလေ့ရှိတဲ့ သမားရိုးကျပြဿနာတွေဟာ သူတို့အဖို့ တကယ့်ရှုပ်ထွေးနက်နဲတဲ့ ပြဿနာမျိုးကြီးတွေ ဖြစ်လာတတ်ပါတယ်။ အစိုးရ ကို ဆန့်ကျင်ဝေဖန်ခြင်းဟာ အမြဲတမ်းလိုလိုကိုပဲ အများဆန္ဒကို ဆန့်ကျင်ခြင်းရယ်လို့ ပုံဖော်ခံရတတ်ပါတယ်။ လူမျိုးရေးအရ ခွဲခြားခံထားရ တဲ့ အတိုက်အခံတွေဟာ အန္တရာယ်ရှိတဲ့ ရန်သူတွေအဖြစ် ပုံဖော်ခံရတတ်တယ်။ နိုင်ငံတော်ရဲ့ ကျောင်းတော်ကရန်စနဲ့ သမိုင်းကြောင်းရန် သူတွေ၊ နိုင်ငံတော်ကို ပြိုကွဲအောင် လုပ်နေလိုသူတွေ၊ နိုင်ငံတော်ကြီးကို သူတို့လူမျိုးအတွက် မောင်ပိုင်စီးရန် အားထုတ်နေသူတွေ စသ ဖြင့် စွပ်စွဲပုံဖော်မှုတွေကို အတိုက်အခံတွေက ခံရလေ့ ရှိပါတယ်။ နိုင်ငံတော်အာဏာရဲ့ အင်မတန်အရေးပါခြင်းနဲ့ ဒီအာဏာကနေ ဖယ် ထုတ်ခံထားရခြင်းကြောင့် ဖြစ်ပေါ်လာတဲ့ နစ်နာမှုတွေကြောင့် လူမျိုးရေးခွဲခြားခံ အတိုက်အခံတွေအဖို့မှာလည်း ဒီလိုမျိုး နိုင်ငံတော်ကနေ ခွဲထွက်ရေး၊ ဒါမှမဟုတ် ငါတို့လူမျိုးတွေက ဒီနိုင်ငံတော်အာဏာကို အရယူမယ်လို့ မောင်ပိုင်စီးဖို့ အားထုတ်တာတွေကိုလည်း တဖန်ပြန်တုံ့ ပြန်တဲ့အနေနဲ့ ပြုလုပ်ဖို့ စိတ်ကူးရှိနေတတ်ပြန်ပါတယ်။

ဒါပေမယ့် တကယ်လို့များ ဓါးမိုးအုပ်ချုပ်တဲ့ အခြေအနေအောက် ရောက်နေချိန်မှာ လူမျိုးရေးပဋိပက္ခတွေကို ဖြေရှင်းနိုင်ပြီး အချင်းချင်း ဆက်ဆံရေး ကောင်းမွန်အောင် လုပ်နိုင်ခဲ့ကြတယ်ဆိုရင် ဒါဟာဒီမိုကရေစီရေးကို အထောက်အကူ ဖြစ်စေပါတယ်။ ထိုင်းနိုင်ငံက ထိုင်းတွေ နဲ့ တရုတ်တွေ၊ နောက်တစ်ခါ ထိုင်ဝမ်မှာရှိတဲ့ ပြည်ကြီးတရုတ်တွေနဲ့ ထိုင်ဝမ်တရုတ်တွေစတဲ့ ဖြစ်စဉ်တွေကို လေ့လာနိုင်ပါတယ်။ ဒီဒေသ တွေမှာ လူမျိုးစုတွေဟာ ဒုတိယကမ္ဘာစစ်နောက်ပိုင်းမှာ အချင်းချင်း ရန်လိုမှုတွေနဲ့ ပြည့်နေကြတာပါ။ ဒါပေမယ့် ဆယ်စုနှစ်များစွာ အကြာ မှာတော့၊ လူမျိုးစုအချင်းချင်း ဆက်ဆံရေးတွေဟာ ပဋိပက္ခတွေ ဖြစ်စေဖို့ အားနည်းသွားပြီး၊ နက်နက်ရှိုင်းရှိုင်း သွေးကွဲခဲ့ကြဖူးတဲ့ လူမျိုး တွေ အချင်းချင်းအကြား အပြန်အလှန် သားပေးသမီးယူ အိမ်ထောင်ပြုကြတာတွေတောင် ရှိလာကြပါတယ်။ ဒီဒေသနှစ်ခုစလုံးအတွက် ဒီ အပြောင်းအလဲဟာ ဒီမိုကရေစီကို မြေတောင်မြှောက်ပေးသလို ဖြစ်ခဲ့ကြပြီး အချင်းချင်းအကြား စိုးရိမ်ပူပန်မှုတွေကို လျော့ချနိုင်ခဲ့ကြပါ တယ်။ သူတို့နဲ့ပြောင်းပြန်ကတော့ အာဖရိကမှာပါ။ အဲဒီမှာတော့ သွေးကွဲမှုတွေက ဆက်လက်အားကောင်းနေပြီး၊ အာဖရိကတိုက်မှာ ဒီမို ကရေစီဖော်ဆောင်ရေးအတွက် အဓိကအတားအဆီးအနေနဲ့ ဆက်လက်ရပ်တည်နေပါတယ်။

အရှေ့ဥရောပနိုင်ငံတွေမှာဆိုရင် လူမျိုးရေးပဋိပက္ခနည်းပါးတဲ့ နိုင်ငံတွေဖြစ်တဲ့ ဟန်ဂေရီ၊ ချက်သမ္မတနိုင်ငံနဲ့ ပိုလန်တို့မှာ ဒီမိုကရေစီအား ကောင်းမောင်းသန် ရှိခဲ့ပြီးတော့ လူမျိုးရေးပဋိပက္ခတွေရဲ့ ကျက်စားရာနယ်မြေဖြစ်တဲ့ ဆလိုဗက်ကီးယား၊ ဘူဂေးရီးယား၊ ရိုမေးနီးယား၊ ယူ ဂိုဆလားဗီးယားနိုင်ငံဟောင်းတွေမှာတော့ ဒီမိုကရေစီက နှေးကွေးတာပဲဖြစ်ဖြစ်၊ လုံးဝအခြေမတည်နိုင်တာပဲဖြစ်ဖြစ် ကြုံတွေ့နေရပါ တယ်။ တစ်ခုသတိထားရမှာက ဟန်ဂေရီ၊ ချက်တို့ အုပ်စုဟာ ပိုချမ်းသာတယ်၊ နောက်အနိမ့်ဆုံးအနေနဲ့ ဒီမိုကရေစီဆိုင်ရာ အတွေ့အကြုံ တွေ ရှိဖူးတယ်၊ အနောက်ကမ္ဘာနဲ့လည်း ထိတွေ့မှုပိုများတယ်ဆိုတာတွေကိုတော့ သတိထား ထည့်သွင်းစဉ်းစားရမှာပါ။ မည်သို့ပင်ဆိုစေ ကာမူ ဆလိုဗက်အစရှိတဲ့ ဒုတိယအုပ်စုမှာ လူမျိုးရေးပဋိပက္ခတွေနဲ့ ဒီမိုကရေစီကို ဆန့်ကျင်နေတဲ့ ဖြစ်စဉ်တွေအကြား တိုက်ရိုက်ဆက်နွယ် မှု ရှိကိုရှိနေတယ်ဆိုတာကိုလည်း သဘောပေါက်ထားရမှာ ဖြစ်ပါတယ်။ ဆားဗီးယား၊ ခရိုအေးရှား၊ ဘော့စနီးယားတို့မှာဆိုရင် အရင်ကွန် မြူနစ် အုပ်ချုပ်မှု လက်အောက်မှာတုန်းက လူမျိုးရေးအရ ဖိနှိပ်မှုတွေ လုပ်ခဲ့ပြီး၊ အုပ်ချုပ်မှုအာဏာကနေ ပြိုင်ဘက်လူမျိုးစုတွေကို ဖယ် ထုတ်ထားခဲ့တာ၊ အာဏာရှင်စနစ်ကို တိမ်းညွှတ်မှု ရှိခဲ့တာတွေက ကျော်ကြားလှပါတယ်။ ဆလိုဗက်မှာရှိခဲ့တဲ့ Vladimir Meciar ဦးဆောင် တဲ့ အင်မတန် ရက်စက်ကြမ်းကြုတ်တဲ့ ကွန်မြူနစ်အစိုးရဟောင်းနဲ့ ယှဉ်မယ်ဆိုရင်တော့ ခရိုအေးရှားနဲ့ ဆားဗီးယားတို့ရဲ့ ကွန်မြူနစ်အုပ်ချုပ် သူတွေက အများကြီး တော်သေးတယ်လို့ ပြောနိုင်ပေမယ့် သူတို့လည်းပဲ သတင်းမီဒီယာတွေကို ဖိနှိပ်ဖို့ကြိုးစားတာ၊ ဖွဲ့စည်းပုံအခြေခံဥပ ဒေခုရုံးမှာ သူတို့သဘောကျတဲ့ လူတွေကို ထည့်ထားတာ၊ နိုင်ငံရဲ့တောင်ပိုင်းမှာရှိတဲ့ ဟန်ဂေရီလူမျိုးတွေရဲ့ ဘာသာစကားဆိုင်ရာ ရပိုင်ခွင့် တွေကို ဖိနှိပ်ထားတာတွေကို လုပ်ခဲ့ကြပါသေးတယ်။ လူမျိုးစုံပါဝင်တဲ့ ထရန်ဆယ်ဗေးနီးယားဒေသမှာ အားအကောင်းဆုံး တွန်းအားအနေ နဲ့ ရှိခဲ့တဲ့ ရိုမေးနီးယားရဲ့ ဒီမိုကရေစီ လှုပ်ရှားမှုမှာဆိုရင် နောက်ဆုံးတော့လည်း အမြင်ကျဉ်းတဲ့ ရိုမေးနီးယားအမျိုးသားရေးဝါဒကိုပဲ ဦး တည်သွားခဲ့ပါတယ်။ အထူးသဖြင့်တော့ ဟန်ဂေရီလူနည်းစုတွေကို စိုးရိမ်တာလိုမျိုး လူစိမ်းကြောက်ရောဂါဆီ တိမ်းညွှတ်သွားခဲ့ကြပြီး ကွန် မြူနစ်လူဟောင်းတွေကပဲ အုပ်ချုပ်သူရာထူးကို ဆက်လက်ကိုင်စွဲထားနိုင်စေတဲ့ အခြေအနေမျိုးကို သက်ရောက်သွားခဲ့ရပါတယ်။ ဘူဂေးရီး ယားမှာတော့ ကွန်မြူနစ်ဝါဒကို ဆန့်ကျင်တဲ့ အများစုပါလီမန်ဟာ လူထုအကြားပေါ်ပေါက်နေတဲ့ တူရကီလူမျိုးတွေ၊ မူဆလင်တွေအပေါ် စိုးရိမ်မှုတွေကို အာရုံစိုက်မိသွားရာကနေ တူရကီလူမျိုးပါတီတွေနဲ့ ပေါင်းစည်းပြီး တည်ငြိမ်တဲ့ အစိုးရအဖွဲ့ဖွဲ့နိုင်ရေး ဆောင်ရွက်နိုင်ခြင်း မ ရှိပဲ ဖြစ်သွားခဲ့ရပါတယ်။ ဒါပေမယ့် အစိုးရအနေနဲ့ အယုံအကြည်မရှိအဆို တင်သွင်းခံရပြီး ရှုံးနိမ့်သွားချိန်မှာတော့ တူရကီလူမျိုးတွေကို ဆန့်ကျင်ဖိနှိပ်ရေး ဆော်သြနေတဲ့ ကွန်မြူနစ်လူဟောင်းတွေရဲ့ပါတီကပဲ ပြန်လည်အာဏာရလာပြီး၊ အုပ်ချုပ်ရေးနဲ့ သတင်းမီဒီယာကဏ္ဍ တွေမှာ ဖြုတ်ထုတ်သတ်တွေကို ဆင်နွှဲပါတော့တယ်။ အရှေ့ဥရောပအပါအဝင် ကမ္ဘာတစ်ဝှန်းလုံးမှာ လူမျိုးရေးပဋိပက္ခတွေဟာ အာဏာ ရှင်စနစ်တွေကို သက်ဆိုးရှည်နေအောင် ပြုလုပ်ပေးနေပါတယ်။

ဒီမိုကရေစီ အသွင်ကူးပြောင်းရေးကို အစပြုဖို့နဲ့၊ ဒီမိုကရေစီကို လက်တွေ့ကျင့်သုံးနိုင်ရေးတွေမှာ လူမျိုးရေးပဋိပက္ခတွေသည် အခက်အခဲ ဖြစ်စေနိုင်တယ်လို့ ကျယ်ကျယ်ပြန့်ပြန့် လက်ခံထားကြပေမယ့်၊ ဒီအခက်အခဲတွေရဲ့ သဘောသဘာဝ၊ အထူးသဖြင့် အခက်အခဲတွေရဲ့ လူ့ အဖွဲ့အစည်းတွေအတွင်း ဖွဲ့စည်းတည်ဆောက်ပုံအရ အတွင်းကလှိုက်စား တွယ်ကပ်နေပြီး လက်တံတွေဖြန့်ကျက် ရှည်လျားကျယ်ဝန်း လာပုံ၊ ကောင်းမွန်တဲ့ အကျိုးစီးပွားဆောင်ရွက် ဖော်ဆောင်မှုတွေအပေါ် ဖျက်လိုဖျက်ဆီးလုပ်တတ်ပုံ၊ အစရှိတဲ့ သဘောသဘာဝတွေနဲ့ ပတ်သက်ပြီး နက်နက်နဲနဲ လေ့လာမှုမျိုးက ရှားပါးနေပါသေးတယ်။ ဒီမိုကရေစီအသွင် ကူးပြောင်းမှုရဲ့ ရုတ်ခြည်းအပြောင်းအလဲတွေမှာ ပေါ်ပေါက်လာတတ်တဲ့ လူမျိုးရေးအရ အတားအဆီးတွေနဲ့ အပြောင်းအလဲအပြီး ပေါ်ပေါက်လာတဲ့ အတားအဆီးတွေဆိုပြီး အတားအဆီး နှစ်မျိုးဟာ ဆုံမှတ်တစ်နေရာကို ရောက်လာခဲ့ပါတယ်။ လူမျိုးရေးပဋိပက္ခတွေသည် အာဏာရှင်စနစ်ကို တိုက်ရိုက်ပဲဖြစ်ဖြစ်၊ သွယ်ဝိုက်ပြီး တော့ပဲဖြစ်ဖြစ် နည်းမျိုးစုံနဲ့ ကျားကန်ပေးနေပါတယ်။ ဒါကဒီမိုကရေစီအသွင် ကူးပြောင်းမှုမှာ လူမျိုးရေပဋိပက္ခရဲ့ ကြားဝင်နှောက်ယှက်မှု ပုံစံပါ။ ဒါပေမယ့် တစ်ဘက်မှာလည်း ဒီမိုကရေစီသည် လူများစုကို အာဏာခံစားခွင့် ပေးအပ်ပြီး၊ လူနည်းစုတွေနဲ့ လူနည်းစုအာဏာပိုင်ခွင့် တွေကို ဖယ်ထုတ်ထားတာ၊ ဘေးဖယ်ထားတာတွေကို ဖန်တီးပေးနေပြန်ပါတယ်။ အဲဒီလိုပြောလို့လည်း အာဏာရှင်လည်းမကောင်း၊ ဒီမိုက ရေစီကလည်းမစွံ၊ ကံစီမံရာပါပဲလို့ ဆိုလိုချင်တာ မဟုတ်ပါဘူး။ အချို့သော နက်နက်ရှိုင်းရှိုင်းကို သွေးကွဲနေတဲ့ လူ့အဖွဲ့အစည်းတွေမှာ အ တော်အသင့် ဒီမိုကရေစီကို ဖော်ဆောင်နိုင်တာမျိုး မြင်ခဲ့ရဖူးပါတယ်။ ဒါပေမယ့် လူမျိုးစုံပါဝင်တဲ့ ဒီမိုကရေစီတစ်ရပ် ပေါ်ပေါက်ရေးမှာ အ ထောက်အကူပေးနိုင်မယ့် အဖွဲ့အစည်းမူဘောင်တွေကို ဖန်တီးနိုင်ရေးသည် ဘာလို့များအင်မတန် ခက်ခဲနေရပါသလဲဆိုတဲ့ မေးခွန်းနဲ့ ပတ် သက်လို့ စနစ်ကျနပြီး ကောင်းမွန်တဲ့ အဖြေတွေ၊ အကြောင်းပြချက်တွေ ရှိနေပါတယ်။

အခက်အခဲတွေ အကြောင်းကို မကြည့်ခင်၊ နက်ရှိုင်းစွာ သွေးကွဲနေကြတဲ့ လူ့အဖွဲ့အစည်းတွေကို ရှင်းရှင်းလင်းလင်း မြင်သာသွားအောင် မျဉ်းတစ်ခုရဲ့ အစွန်းဘက်မှာ အရင်နေရာချပြီး ကြည့်ကြည့်တာ ပိုကောင်းပါလိမ့်မယ်။ မျဉ်းရဲ့အစွန်းတစ်ဘက်မှာတော့ လူမျိုးစုံပဒေသာအ ဖွဲ့အစည်းကြီးတွေ ရှိနေပြီး၊ ကာလရှည်ကြာလာသည်နှင့်အမျှ မျိုးဆက်သစ်တွေဟာ အချင်းချင်း အပြန်အလှန်ပေါင်းစည်သွားကြတဲ့ အဖွဲ့ အစည်းကြီးတွေ ရှိနေပါတယ်။ ဥပမာအားဖြင့် အမေရိကန်နဲ့ ပြင်သစ်တို့ကို ရောက်လာကြတဲ့ ရွှေ့ပြောင်းနေထိုင်သူတွေပါ။ အဲဒီအစွန်းနဲ့ ကပ်လျက်မှာပဲ၊ လူမျိုးရေးပဋိပက္ခတွေ နည်းပါးတဲ့ အင်္ဂလန်၊ ဝေး၊ စကော့၊ ဗြိတိန်ထဲက အိုင်ယာလန်နဲ့ သြစတေးလျတို့လို ဒေသတွေက ရှိ နေပါတယ်။ မျဉ်းရဲ့အလယ်မှာတော့ ခုနကပြောခဲ့တဲ့ အစွန်ဘက်က လူတွေထက် အနည်းငယ်ပိုပြီး လူမျိုးရေးဆန်တဲ့ နိုင်ငံတွေ အုပ်စုရှိနေ ပါတယ်။ ဒီနိုင်ငံတွေမှာက အပြင်ကလာတဲ့ တွန်းအားတွေဟာ အတွင်းမှာ အချင်းချင်းစည်းလုံးမှုကို ဖြစ်စေပါတယ်။ လူမျိုးရေးအရပြိုင်ဆိုင် မှုထက်စာရင် (ဘာသာရေး၊ လူတန်းစား၊ မကြာခဏဆိုသလို ကြုံရတာက ပေါက်ဖွားရာနယ်မြေ အစရှိတဲ့) အခြားသော ပြိုင်ဆိုင်မှုတွေက ပိုအားကောင်းနေတတ်ပြီး ပါတီစနစ်ကိုပါ သက်ရောက်နေစေပါတယ်။ အခြားပြိုင်ဆိုင်မှုတွေဟာ လူမျိုးရေးပြဿနာနဲ့ယှဉ်ရင် ပိုပြီးအား ကောင်းနေမှုကြောင့် ပါတီတွေအနေနဲ့ သူတို့ရဲ့အစီအစဉ်တွေမှာ တန်းစီလိုက်ရင် လူမျိုးရေးပြဿနာက အလိုလိုနောက်တန်းရောက်သွား ပါတယ်။ ဒီလိုနဲ့ပဲ၊ ပါတီနိုင်ငံရေးသည် လူမျိုးရေးပဋိပက္ခကို ကိုယ်စားမပြုနိုင်တော့ပါဘူး။ ဒီလိုနိုင်ငံမျိုးတွေထဲမှာဆိုရင် ဆွစ်ဇလန်၊ ကနေဒါ နဲ့ ဘယ်ဂျီယံတို့ ပါဝင်ပါတယ်။ ထူးခြားတာက ဒီနိုင်ငံတွေ အားလုံးဟာ ဖက်ဒရယ်နိုင်ငံတွေပါပဲ။ ဒါကမျဉ်းရဲ့အလယ်မှာရှိတဲ့ အုပ်စုပါ။ မျဉ်း ရဲ့အစွန်းတစ်ဘက်မှာတော့ သွေးကွဲနေသူတွေ ရှိပါတယ်။ ဒီသွေးကွဲနေတဲ့ နိုင်ငံတွေကို ဖွဲ့စည်းပုံအရ အားသာချက်ရှိနေတဲ့ ဆွစ်ဇလန်၊ ကနေဒါတို့လို နိုင်ငံမျိုးတွေနဲ့ တတန်းတစားတည်း သွားထားဖို့ဟာ မဖြစ်နိုင်ပါဘူး။ အထူးသဖြင့်တော့ တောင်ပိုင်းအိုင်ယာလန်တို့ သီရိ လင်္ကာတို့လို မွေးကတည်းကပါလာတဲ့ လူမျိုးဟာ အခြားလူမျိုးအဖြစ် ပြောင်းလဲဖို့ မဖြစ်နိုင်တဲ့ နေရာဒေသတွေမှာ ဖြစ်ပါတယ်။ ဒီနေရာတွေ မှာ (ဘာသာရေး၊ လူတန်းစားတို့လို) အခြားသော အကွဲအဟတွေက အားကုန်နေတာပဲဖြစ်ဖြစ်၊ အစိတ်စိတ်အမွှာမွှာ ကွဲနေတာပဲဖြစ်ဖြစ် အားပျော့ပျက်ပြယ်နေပြီး၊ နိုင်ငံရေးပါတီတွေအနေနဲ့ လူမျိုးရေးအကွဲအပြဲကိုပဲ အာရုံစိုက်နေရတဲ့ အခြေအနေမျိုး ဖြစ်နေပါတယ်။ ဒီလိုနိုင်ငံ မျိုးတွေအဖို့ ဒီမိုကရေစီသည် အမြဲတစေခက်ခဲနေတတ်ပါတယ်။

အသွင်ကူးပြောင်းရေးကာလတွင် ကြုံတွေ့ရသည့် အတားအဆီးများ

ဒီမိုကရေစီအသွင်ကူးပြောင်းမှုကို မစတင်နိုင်မီ၊ ဒီအသွင်ကူးပြောင်းမှုကို အစိုးရဟောင်းအနေနဲ့ လက်ခံသည်ဖြစ်စေ၊ အကယ်၍ လက်မခံခဲ့ လျှင် အတင်းဖိအားပေးရသည်ဖြစ်စေ ပြုပြင်ပြောင်းလဲလာအောင် အရင်လုပ်ယူရပါတယ်။ အဲဒီအခါမှာ အောင်နိုင်သူတွေဟာ သူတို့အချင်း ချင်းကြားထဲမှာကိုပဲ ဒီမိုကရေစီကို ပြန်လည်ဖြန့်ဖြူးကြရပါတယ်။ လူမျိုးရေးပဋိပက္ခတွေရဲ့ သိမ်မွေ့မှုက ထူထောင်ဖွဲ့စည်းပြီးသား အုပ်ချုပ် မှုရဲ့ ပိုနေမြဲကျားနေမြဲအနေအထားကို ဆက်လက်ထိန်းသိမ်းထားလိုမှုနဲ့ ပေါင်းစည်းမိသွားပြီး အုပ်ချုပ်သူတွေအနေနဲ့ ဒီမိုကရေစီအသွင် ကူးပြောင်းမှုတွေအပေါ် လမ်းဖွင့်ပေးမှုတွေကို ဆက်လုပ်ချင်စိတ် မရှိတော့အောင် ပိတ်ပင်တားမြစ်သလို ဖြစ်နေတတ်ပါတယ်။ လက်ရှိ အုပ်ချုပ်သူတွေအပေါ် အတိုက်အခံပြုနေသူတွေရဲ့ စိတ်ထဲမှာပင်လျှင် ယခင်အာဏာရှင်လက်ထက်မှာ ရှိနှင့်ခဲ့ပြီးသား ပိုနေမြဲကျားနေမြဲ ထက်တောင်မှ ပိုမိုဆိုးရွားတဲ့ ဖြစ်တန်ရာသည်တွေကို မြင်လာမိတတ်ပါတယ်။ ဆိုခဲ့ပါ ဖြစ်တန်ရာသည်တွေဟာ ဒီမိုကရေစီအသွင်ကူး ပြောင်းရာမှနေ ကျွဲကူးရေပါဆိုသလို ပါဝင်လာသည်များ ဖြစ်နေတတ်ပြန်သည်။ တစ်ဘက်ကပြန်ကြည့်လျှင်၊ လူမျိုးရေးအရ ခွဲခြားမှုတွေ ရှိ နေသည့် အစိုးရတစ်ရပ်သည်၊ ဒီမိုကရေစီလုပ်ထုံးလုပ်နည်းများမှတဆင့်၊ ပြိုင်ဘက်လူမျိုးစုများ အာဏာရလာမည်ကို မလိုလားသည့်အ တွက် အသွင်ကူးပြောင်းရေးကို ဖော်ဆောင်မှုမှာ တုံ့နှေးနေမည်ဖြစ်သည်။ အကယ်၍ အသွင်ကူးပြောင်းမှုဟာ လူမျိုးရေးနဲ့နွယ်တဲ့ တော် လှန်ပုန်ကန်မှုတွေရဲ့ ရလဒ်အဖြစ် ပေါ်ထွက်လာခဲ့လျှင်မူ၊ ပေါ်ပေါက်လာတဲ့ ဒီမိုကရေစီနဲ့ ပတ်သက်ပြီး ပြိုင်ဘက်လူမျိုးစုတွေရဲ့ အမြင်မှာ အမြင်မကြည်စရာ ဖြစ်နေတတ်ပါတယ်။ ပြိုင်ဘက်လူမျိုးစုတွေရဲ့ အမြင်မှာက အသွင်ကူးပြောင်းမှုကို လုပ်ခဲ့တဲ့ လူမျိုးစုဟာ ဒီမိုကရေစီအ စိုးရ သစ်တစ်ရပ်ကို ဖွဲ့စည်းလာပြီး အခြားလူမျိုးစုတွေအပေါ်မှာ လွှမ်းမိုးမှုတွေ လုပ်လာနေတယ်လို့ မြင်နေတတ်ကြပါတယ်။

အံ့အားသင့်စရာ အချက်ကတစ်ခုက အရှေ့တောင်အာရှဒေသမှာရှိတဲ့ အာဏာရှင်တစ်ပိုင်း (သို့မဟုတ်) ဒီမိုကရက်တစ်တစ်ပိုင်း နိုင်ငံတွေ မှာ ဒီမိုကရေစီအတွက် ရှေ့တိုးလှုပ်ရှားမှုတွေက အကြီးအကျယ်ကို မျက်နှာလွှဲခံရတဲ့ အချက်ဖြစ်ပါတယ်။ မျှခြေတစ်ခုကို အသည်းအသန် ဖမ်းဆွဲထားရတဲ့ ဒီနိုင်ငံတွေက အုပ်စိုးသူတွေအဖို့၊ မလေးရှားမှာတော့ ဒီမိုကရေစီအတော်လေး ရှိတယ်ဆိုနိုင်ပြီး စင်ကာပူနဲ့ အင်ဒိုနီးရှားက တော့ သူ့နောက်နားမှာပဲ ရှိနေပါတယ်။ ဒါပေမယ့် ဒီနိုင်ငံတွေမှာ ရှိနေတဲ့ လူထုရဲ့မကျေနပ်မှုတွေကတော့ ထိုင်း၊ မြန်မာနဲ့ ဖိလစ်ပိုင်တို့ရဲ့ ပြည်သူတွေရဲ့ မကျေနပ်မှု အစိုင်အခဲတွေလောက်တော့ ကြီးမနေနိုင်ပါဘူး။ မလေး၊ စင်ကာပူ၊ အင်ဒိုတို့မှာ လူမျိုးရေးအရ အသာစီးရမှု တွေ ရှိနေပေမယ့်၊ အာဏာပိုင်စိုးမှုကနေ ပါဝင်ခွင့်ရှိခြင်း၊ ဖယ်ထုတ်ထားခြင်းဆိုတဲ့ ကိစ္စက အတိုင်းအတာတစ်ခုအထိ မရေမရာအနေအ ထားပဲ ရှိနေသေးပြီး အစိုးရတွေ ကိုယ်နှိုက်ကတော့ ဒီမိုကရေစီရေး ရှေ့တိုးလာတဲ့ ခြေလှမ်းတွေကို ခိုင်ခိုင်မာမာကိုပဲ တားထားနိုင်ပါသေး တယ်။ ကမ္ဘာလုံးအနှံ့ ဒီမိုကရေစီလှုပ်ရှားမှုတွေ အားကောင်းနေတဲ့ အချိန်မှာကိုပဲ၊ ဒီနိုင်ငံတွေမှာတော့ လှုပ်ရှားမှုတွေကို တွေ့ရခဲ့သလို၊ (လူနည်းစုလူမျိုးတွေကို အာဏာပိုင်ခွင့်ကနေ ဖယ်ထုတ်မှုအမြင်ကကြည့်ရင် အခြေအနေပိုဆိုးစေမယ့်) လက်ရှိအာဏာပိုင်အဖွဲ့တွေရဲ့ အပြောင်းအလဲကို တားဆီးထားနိုင်မှု အင်အားနဲ့ပတ်သက်ပြီး လူထုအမြင်မှာ တစ်စိတ်တစ်ပိုင်းအားဖြင့် ကျေနပ်နှစ်သိမ့်နေအောင် ချွေး သိပ်ပေးထားနိုင်မှုတွေ ရှိနေတာ သိသာနေပါတယ်။

အာဏာရှင်နိုင်ငံတစ်နိုင်ငံမှာ လူနည်းစုလူမျိုးတွေကို ဖယ်ထုတ်ထားမှုဟာ ပိုအားကောင်းလေလေ၊ အစိုးရဟာ ပုံမှန်အားဖြင့် အပြောင်းအ လဲတွေကို ဆန့်ကျင်ဖို့ ပိုတက်ကြွလေလေ ဖြစ်ပါတယ်။ လူမျိုးရေးအရ ဖယ်ထုတ်ထားမှုတွေရှိတဲ့ အစိုးရတွေကို ကြည့်ရင် ယေဘုယျကွဲလွဲ ပုံနှစ်မျိုးရှိပါတယ်။ ပထမတစ်ခုက အုပ်စုနှစ်စုပဲရှိတဲ့အထဲမှာ အနိုင်ရသူလူစုက အုပ်ချုပ်တဲ့ ပုံစံပါ။ ဒီပုံစံမှာတော့ နိုင်ငံတော်လူဦးရေရဲ့ တစ် ဝက် ဒါမှမဟုတ် တစ်ဝက်ထက်များတဲ့လူစုက ကျန်တဲ့ရှိရှိသမျှလူမျိုးစုတွေအပေါ် လွှမ်းခြုံထားမှုပါ။ နောက်ပုံစံတစ်ခုကတော့ လူနည်းစုအ သာစီးရနေတဲ့ အုပ်ချုပ်သူလူစုဖြစ်ပါတယ်။ အဲဒီပုံစံမှာတော့ အရင်ပုံစံထက် ပိုကျဉ်းမြောင်းသွားပါတယ်။ ပြိုင်ဆိုင်မှုပြင်းထန်တဲ့ ရွေး ကောက်ပွဲတွေအပြီးမှာ လူနည်းစုတစ်စု၊ ဒါမှမဟုတ်နှစ်စုလောက်က စုစည်းလိုက်ပြီး ကျန်တဲ့သူတွေကို အုပ်စိုးမှုပါပဲ။ ဒီပုံစံနှစ်ခုစလုံးမှာ ဆိုရင် အခြားသော အတိုက်အခံလူမျိုးစုတွေက အာဏာရလာနိုင်စေမယ့် အပြောင်းအလဲမှန်သမျှကို အုပ်စိုးသူတွေအဖို့ အတိုက်အခံ လုပ် သွားကြဖို့ တွန်းအား ကိုယ်စီ ရှိနေကြတာချည်းပါပဲ။

အုပ်စုနှစ်စုပဲရှိပြီး အနိုင်ရတဲ့လူစုက အာဏာပိုင်တယ်ဆိုတဲ့ ပုံစံမှာဆိုရင် အစိုးရတွေဟာ ရွေးကောက်ပွဲနဲ့ ပတ်သက်လို့ ခါးသီးတဲ့ အတွေ့ အကြုံတွေ ရှိဖူးကြတာများပါတယ်။ သူတို့ရဲ့ပြိုင်ဘက်လူမျိုးစုပါတီတွေက သူတို့အပေါ် အသာစီးရသွားမှုတွေကို ရင်ဆိုင်ရဖူးမှာပါ။ ဒါ ကြောင့်လည်း ဒါမျိုးပြန်ကြုံရမှာမျိုးကို ဆန္ဒအနည်းငယ်ပဲ ရှိတတ်ကြပါတယ်။ ဥပမာဆိုရင် တိုဂိုနဲ့ ကွန်ဂိုသမ္မတနိုင်ငံတွေကို ကြည့်နိုင်ကြပါ တယ်။ နှစ်နိုင်ငံစလုံးမှာ မြောက်ပိုင်းသားအစိုးရတွေ ရှိကြပါတယ်။ (တိုဂိုမှာက ကဘာရိုင်တွေနဲ့ ကွန်ဂိုမှာက မာဘိုချီလူမျိုးတွေပါ။) ဒီနိုင်ငံစ လုံးမှာ စစ်တပ်အာဏာသိမ်းမှုက ရွေးကောက်ပွဲရလဒ်တွေကို ပြောင်းပြန်လှန်လိုက်ရင်းကနေ အစိုးရတွေက အာဏာရလာကြတာချည်းပဲ ဖြစ်ပါတယ်။ အစိုးရနှစ်ရပ်စလုံးအနေနဲ့ သူတို့ရဲ့ တောင်းပိုင်းသား အ တိုက်အခံတွေအပေါ်မှာ ဒီမိုကရေစီနည်းကျ အာဏာခွဲဝေပေးဖို့ စိတ် ကူးမျိုး မရှိကြပါဘူး။ (တိုဂိုမှာ တောင်ပိုင်းသားတွေက အီဝီလူမျိုးတွေ ဖြစ်ပြီး၊ ကိုဂိုမှာတော့ တောင်ပိုင်းသားတွေက လာရီလူမျိုးတွေပါ။) လက်တွေ့မှာလည်း အစိုးရနှစ်ရပ်စလုံးအနေနဲ့ ဒီမိုကရေစီလုပ်ငန်းစဉ် တွေကို ကဖျက်ယဖျက်လုပ်ဖို့ကိုပဲ ခြေလှမ်းပြင်ခဲ့ကြပါတယ်။

အခု Democratic Republic of the Congo ဆိုပြီးဖြစ်နေတဲ့ ဇိုင်ယာလို နိုင်ငံမျိုးမှာဆိုရင် လူနည်းစုအသာရမှုရှိခဲ့ပြီး အစိုးရတွေက ဒီမိုက ရေစီအသွင်ကူးပြောင်းမှုတွေကို တားဆီးဖို့အတွက် ပိုပြီးကြမ်းတမ်းလွန်းတဲ့ နည်းလမ်းတွေကို အသုံးချဖို့ စိတ်ကူးရှိနေတတ်ပါတယ်။ အ တော်များများက ဒီမိုကရေစီအသွင်ကူးပြောင်းမှု လုပ်ငန်းစဉ်တွေကို ကဖျက်ယဖျက်တွေ အကြီးအကျယ်လုပ်တတ်ကြပါတယ်။ ကင်ညာမှာ ဆိုရင်လည်း ကာလန်ဂျင်လူမျိုးတွေ ဦးဆောင်နေတဲ့ လူနည်းစုအစိုးရဟာ အနောက်နိုင်ငံတွေရဲ့ ဖိအားကြောင့် ပါတီစုံဒီမိုကရေစီရွေး ကောက်ပွဲတစ်ခုကို ကျင်းပါပေးခဲ့ပါတယ်။ ဒါပေမယ့် အဲဒီအချိန်က တာဝန်ယူထားဆဲ သမ္မတ Daniel arap Moi ကတော့ အတိုက်အခံတွေ အပေါ် ခြိမ်းခြောက်တာ၊ အကြမ်းဖက်တာ၊ လူမျိုးရေးခွဲခြားတာတွေကို ပေါင်းစပ်အသုံးပြုရင်း၊ သမ္မတရွေးကောက်ပွဲမှာရော၊ ပါလီမန်မှာ လူ များစုနေရာရဖို့မှာပါ မဲတဲ့ရဖို့အတွက် သူ့ကိုယ်ပိုင်လူမျိုးစုကိုရော၊ အခြားသေးငယ်တဲ့ လူနည်းစုလူမျိုးတွေရဲ့ မဲတွေကို အများအပြား ရယူခဲ့ ပါတယ်။ ရလဒ်အနေနဲ့ကတော့ နိုင်ငံရဲ့ အကြီးဆုံးလူမျိုးစု နှစ်စုဖြစ်တဲ့ ကီကူယူနဲ့ လူအိုလူမျိုးစုတွေကို ဘေးဖယ်ထားနိုင်ခဲ့ပါတယ်။ အဲဒီလို ပဲ ကင်မရွန်းရဲ့ သမ္မတ Paul Biya ဟာလည်း ဘီတီနဲ့ ဘူလူ လူမျိုးစုတွေရဲ့ အဓိကထောက်ခံမှုနဲ့ အစိုးရဖြစ်လာခဲ့ပေမယ့် ကျန်တဲ့လူမျိုးစု တွေရဲ့ ဆန့်ကျင်တာကို ခံခဲ့ရပါတယ်။ ရွေးကောက်ပွဲကျင်းပချိန်မှာ လူမျိုးရေးအရ ခွဲခြားမှုတွေဖြစ်ပွားလာပြီး အဓိကပါတီက ရွေးကောက်ပွဲ ကို သပိတ်မှောက်ခဲ့ပြန်ပါတယ်။ ဒီလိုနဲ့ပဲ Biya အနေနဲ့ သူ့ပါတီကဦးဆောင်တဲ့ ဥပဒေပြုညွှန့်ပေါင်းအဖွဲ့ကို ဖွဲ့စည်းနိုင်ခဲ့သလို၊ သမ္မတရွေး ကောက်ပွဲမှာလည်း မဲအများစုကို ရခဲ့ပါတယ်။ နောက်ပိုင်းမှာတော့ အဓိကအတိုက်အခံတွေအပေါ် ဖမ်းဆီးမှုတွေ ဆက်လက်လုပ်ဆောင်ခဲ့ ပါတော့တယ်။ ဒီလိုနဲ့ပဲ ရွေးကောက်ပွဲလုပ်ခဲ့ပေမယ့် လူနည်းစုတွေကပဲ ဦးစီးနေတဲ့ အာဏာရှင်အစိုးရကပဲ ဆက်လက်အသာစီး ရခဲ့ရပါ တော့တယ်။ နောက်တစ်ခုက ဂါနာပါ။ ဂါနာမှာတော့ စစ်တပ်ခေါင်းဆောင်ဖြစ်တဲ့ Jerry Rawlings က သမ္မတရာထူးကို ရခဲ့ပါတယ်။ သူ့ ကိုယ်ပိုင်လူမျိုးစုဖြစ်တဲ့ အီဝီတွေ ကြီးစိုးတဲ့ဒေသတွေမှာ ၉၃% အထိ မဲတွေရခဲ့ပေမယ့်၊ အတိုက်အခံလူမျိုးစုဖ်ြစတဲ့ အာရှန်တီတွေရဲ့ ဒေသ မှာတော့ မဲသုံးပုံတစ်ပုံတောင် မရခဲ့ပါဘူး။ ဒီလိုနဲ့ပဲ ဂိုဏ်းကွဲမှုတွေ ဖြစ်လာရပြန်ပါတယ်။

ဒါပေမယ့် ဝမ်းသာစရာက အခုလို ကဖျက်ယဖျက် ဖြစ်ရပ်တွေဟာ နေရာတိုင်းမှာတော့ အောင်ပွဲမခံနိုင်ပါဘူး။ ဘီနင်နဲ့ ဇန်ဘီယာတို့မှာဆို ရင် လူနည်းစုအစိုးရတွေက လွတ်လပ်တဲ့ ရွေးကောက်ပွဲတွေ ကျင်းပပေးဖို့ လူထုရဲ့တောင်းဆိုချက်ကို မငြင်းဆန်နိုင်ခဲ့သလို၊ တကယ်တမ်း ရွေးကောက်ပွဲကျင်းပရာမှာလည်း ရှုံးနိမ့်ခဲ့ရပါတယ်။ ဒါပေမယ့် ဒါတွေဟာ ချွင်းချက်တွေပါ။ ဒီလောက်အချက်လောက်နဲ့တော့ လူမျိုးစုဒီမို ကရေစီ ထူထောင်ရေးပြဿနာရဲ့ သရုပ်သကန်ကို ဝေဖန်ပိုင်းခြားနိုင်ဖို့ မရှိသေးပါဘူး။

လက်နက်ကိုင်တော်လှန်ရေး လှုပ်ရှားမှုအများစုဟာ လူမျိုးရေးခွဲခြားမှုရှိနေတဲ့ အစိုးရတွေကို ဆန့်ကျင်တော်လှန်တဲ့ လှုပ်ရှားမှုတွေ ဖြစ် နေတတ်ပါတယ်။ စစ်ရေးအရ အောင်မြင်မှု မရချိန်မှာတော့ နောက်ပြန်ဆွဲမှုတွေ ဖြစ်လာစေပြီး၊ ဒီမိုကရေစီအလားအလာတွေကို အား ကောင်းလာစေမယ့်အစား၊ ပိုမိုဆုတ်ယုတ်အားနည်းသွားစေပြန်ပါတယ်။ ဒီကိစ္စနဲ့ပတ်သက်လာရင် သီရိလင်္ကာ၊ ဆူဒန်နဲ့၊ မြန်မာတို့ကို ကြည့်နိုင်ပါတယ်။ မြန်မာနိုင်ငံမှာဆိုရင် လူမျိုးရေးနဲ့နွယ်တဲ့ တော်လှန်ပုန်ကန်မှုတွေဟာ အစိုးရအဖို့ ဒီမိုကရေစီအသွင်ကူးပြောင်းရေး အပေါ် စိုးရိမ်နေစေဖို့ အဓိကအကြောင်းအရင်းတွေထဲက တစ်ခုဖြစ်နေပါတယ်။ တကယ်လို့ တော်လှန်ပုန်ကန်မှုတွေ အနိုင်ရတယ်ပဲ ထား ဦး၊ ဒါမှမဟုတ် အပြတ်အသတ် အနိုင်မရတောင် အစိုးရကို လိုက်လျောလာသည်အထိ ဖိအားပေးနိုင်သည်ပဲ ထားဦး၊ ရလဒ်တွေက ဒီမိုက ရေစီ လိုလားသူတွေအဖို့ စိတ်ပျက်စရာကောင်းနေတတ်ပါတယ်။ လိုက်ဘေးရီးယားနဲ့ ဆိုမာလီယာတို့မှာ လူမျိုးရေးနဲ့နွယ်တဲ့ တော်လှန်ပုန် ကန်မှုတွေက အောင်မြင်ခဲ့ပေမယ့် ရှေ့ဆက်ပြီး လူမျိုးရေးအရ အကြမ်းဖက်မှုတွေနဲ့ စစ်မက်တွေသာလျှင် ဆက်ဖြစ်လာစေခဲ့ပါတယ်။ ဇန် ဘာဘွေမှာတော့ မျိုးချစ်တပ်ဦးအဖွဲ့က အနိုင်ရခဲ့ပြီးတဲ့နောက်၊ လွတ်လပ်ရေးကို ရယူပေးနိုင်ခဲ့ပေမယ့်၊ ရှိုနာလူမျိုးတွေ ဦးဆောင်တဲ့ Robert Mugabe အစိုးရဟာ Joshua Nkomo ဦးဆောင်တဲ့ အတိုက်အခံ နဒီဘယ်လီလူမျိုးတွေအပေါ် စစ်မက်ပြုခဲ့ပြီး အဆုံးသတ်မှာ တော့ Nkomo တို့ဘက်က အရှုံးပေးခဲ့ရရင်း တစ်ပါတီအာဏာရှင်နိုင်ငံအဖြစ်ကို ကျရောက်သွားခဲ့ရပါတယ်။ အာဖဂန်ပြည်တွင်းစစ်မှာဆို ရင်လည်း၊ မြောက်ပိုင်းက တာဂျစ်တွေ၊ ဥဇဘက်တွေနဲ့ တောင်ပိုင်းက ပထန်တွေအကြား ဖြစ်ပွားခဲ့ကြတာဖြစ်ပြီး၊ နှစ်ဘက်စလုံးက ဒီမိုက ရေစီအရေး လိုလားမှုတွေ မရှိကြပါဘူး။ တာဂျစ်ကစ္စတန်မှာလည်း ဒီလိုရလဒ်မျိုးပါပဲ။ ဆိုဗီယက်ယူနီယံပြိုကွဲသွားပြီးတဲ့နောက် သိပ်မကြာ လိုက်ပဲ လူမျိုးရေးအရ ကွဲပြားနေကြတဲ့ အုပ်စုတွေအချင်းချင်း သွေးချောင်းစီသတ်ပွဲတွေကို ဖြစ်ပွားစေခဲ့ပါတယ်။ လက်နက်ကိုင် ပုန်ကန် တော်လှန်မှုတွေဟာ ဒီမိုကရက်တစ် အဖွဲ့အစည်းမူဘောင်တွေ တည်ထောင်မှုမှာ အားကောင်းတဲ့ အထောက်အပံ့တွေ မဟုတ်ပါဘူး။

တကယ့်ကို အခွင့်သာတဲ့ အခြေအနေတွေမှာတောင်မှပဲ၊ အာဏာရှင်တွေကို စစ်မြေပြင်မှာ အနိုင်ရလိုက်ခြင်းဟာ အနိုင်ရလိုက်တဲ့ ပုန်ကန် သူတွေအနေနဲ့ သွေးကွဲနေတဲ့ လူ့အဖွဲ့အစည်းအတွင်း ဒီမိုကရေစီအသွင်ကူးပြောင်းမှုကို အောင်အောင်မြင်မြင် လုပ်နိုင်စေမယ်လို့ အာမခံ ချက်ပေးလိုက်တာမျိုး မဟုတ်ပါဘူး။ ဒီလိုအနေအထားမျိုးကို အီသီယိုးပီးယားမှာ တွေ့နိုင်ပါတယ်။ အတူပူးပေါင်းဆောင်ရွက်လိုမှု၊ ဒီမိုက ရေစီကို လိုလားမှုတွေကို အဲဒီနေရာမှာ တွေ့နိုင်ပါတယ်။ လက်နက်ကိုင်တော်လှန်သူ အုပ်စုကြီး သုံးခုအနက်က နှစ်ခုဖြစ်တဲ့ တီဂရာရန် တွေနဲ့ အိုရိုမိုတွေဟာ တတိယမြောက်လူမျိုးစုဖြစ်တဲ့ အီရစ်ထရီယံတွေကို သီးခြားနိုင်ငံခွဲထွက်ခွင့် ပေးမယ်လို့ သဘောတူခဲ့ပါတယ်။ ကျန်ခဲ့ တဲ့ အုပ်စုနှစ်စုကတော့ နိုင်ငံရဲ့ ခေါင်းဆောင်အသစ်အနေနဲ့ ဒီမိုကရေစီနိုင်ငံတစ်ခုကို ထူထောင်ပြီး ကျန်တဲ့ လူနည်းစုလူမျိုးတွေအတွက် လည်း ကိုယ်ပိုင်အုပ်ချုပ်ခွင့်ကို အတော်အသင့် ပေးသွားနိုင်ဖို့ ရည်ရွယ်ခဲ့ကြဖူးပါတယ်။ ဒါပေမယ့် နောက်ပိုင်းမှာတော့ အိုရိုမိုလူမျိုးစုခေါင်း ဆောင်တွေအနေနဲ့ အရင်ကပါတနာဖြစ်ဖူးတဲ့ တီဂရာရန်တွေသည် ၁၉၉၂ ဒေသဆိုင်ရာ ရွေးကောက်ပွဲမှာ မသမာမှုတွေ လုပ်ခဲ့တယ်လို့ စွပ်စွဲလာပါတယ်။ အဲဒီနောက်မှာတော့ နိုင်ငံထဲမှာ အကြီးဆုံးလူမျိုးစုဖြစ်တဲ့ အိုရိုမိုလူမျိုးတွေက နောက်ထပ် ပုန်ကန်မှုအသစ်ကို စလုပ် တော့တာပါပဲ။ အိုရိုမိုတွေ ညွှန့်ပေါင်းအဖွဲ့က ခွဲထွက်သွားခြင်းဟာ ကျန်တဲ့သူတွေကို ဘာမှကြိုတင် ညှိနှိုင်းမှုမရှိပဲ တစ်ဘက်သက်ဆန္ဒနဲ့ လုပ်သွားတာပါ။ ဒီလိုနဲ့ပဲ တီဂရာရန်တွေနဲ့ သူတို့ရဲ့ မဟာမိတ်တွေက ပါလီမန်မှာ ၉၀% ကျော် အနိုင်ရခဲ့ပါတယ်။ နောက်ဆုံးဇာတ်ပေါင်း ချိန်မှာတော့ အီသီယိုးပီးယားမှာ အပြန့်ကျယ်တဲ့ လူမျိုးရေးတော်လှန်ပုန်ကန်မှုတွေကနေတဆင့် တီဂရာရန်လူမျိုးတွေ ကြီးစိုးထားတဲ့ လက်နက်ကိုင်တပ်တွေ ပေါ်ပေါက်လာပြီး နိုင်ငံသည်လည်းပဲ သေးငယ်တဲ့ လူနည်းစုကနေ အုပ်ချုပ်နေတဲ့ နိုင်ငံတစ်နိုင်ငံအဖြစ်ကို ကျ ရောက်သွားခဲ့ရပါတယ်။ ကျွန်တော်တို့အနေနဲ့ ဒါမျိုးရလဒ်မျိုးဟာ တော်လှန်ပုံကန်မှုတွေ မရှိပဲနဲ့လည်း ပေါ်ပေါက်လာနိုင်တယ်ဆိုတာကို မြင်ရပါဦးမယ်။

(ဆက်ပါဦးမယ်...) Giacomo

ကျောင်းသားမရှိလျှင် နိုင်ငံရှိမည်လော့

ခေတ်အဆက်ဆက်မှအာဏာရှင်ဟူသမျှတို့ သည်ကျောင်းသားလို့အသံကြားလိုက်ရသည်နဲ့ ဘုရားလောင်းအားတွေ့ရသောဒေဝဒတ်မင်း မစ္ဆာတစ်ကောင်တဖွယ်မိမိကိုယ်ပေါ်တွင်မီးရှိူး ခံထားရသကဲ့သို့ ပူပြင်းစွာခံစား ကြရကာ မနေသာမထိုင်သာဖြစ်ရ၍ လုပ်ကြံသတ်ဖြတ်ချင်ကြသည်။ မိမိစိတ်ထဲတွင်ပြစ်မှားသုတ်သင်နေကြပြီ ဖြစ်သည်။ အာဏာရှင်လူမိုက်ဟူသမျှ ကျောင်းသား တို့ကိုမုန်းတီးကြသည်မှာ မဆန်းလှပါ။ ကျောင်းသားကျောင်းသူတို့သည် ဖြူစင်ရိုးသား ကြသည်၊ ဖြောင်းမတ်ကြသည်၊ မတရားမှုကို မလိုလားလက်သင့်မခံကြ၊ အမှန်တရားကို လိုလားကြသူများဖြစ်သည်။ ထိုအတူ အမှားနှင့်မတရားမှုကို ငြင်းပယ်ပြီး အမှန်တရားနှင့်တရားလမ်းမှ အမြဲ လျှောက်လှမ်း ကြသောလူငယ်များဖြစ်သည်။ ကျောင်းသားတို့ သည် ခေတ်အဆက်ဆက် မတရားမှု ဟူသမျှကိုအမြဲဖီဆန် ကန့်ကွက်တွန့်လှန် တိုက်ခိုက်လေ့ ရှိကြ၏။ ထို့ကြောင့်ကျောင်းသားတို့အား မတရားမှု လုပ်သူ အမှားလုပ်သူအားလုံးတို့သည် မမြင်ချင်ကြပေ။ မြန်မာကျောင်းသားကျောင်းသူ များအား မုန်းတီးကြောက်လန်းကြသည်မှာ ဗိုလ်နေဝင်းအစိုးရ ပဲမဟုတ်ပါ၊ဗိုလ်စောမောင် အစိုးရပဲ မဟုတ်ပါ၊ ဗိုလ်သန်းရွှေအစိုးရပဲမဟုတ်ပါ၊ ဗိုလ်သိန်းစိန်အစိုးရပဲလည့် မဟုတ်ပါ၊ ဗြတိသျှနယ်ချဲအစိုးရတို့ သည်လည့်မြန်မာ ကျောင်းသားတွေ အပေါ်ကြောက်ရွံ့ မုန်းတီးကြပါသည်။ အမှန်တရားနှင့် တရားမျှတမှုကို လက်မခံသူတို့သည်ကား မည်သူပင်မဆို ကျောင်းသားကျောင်းသူ များအားမုန်းတီး နေကြမည်ဖြစ်သည်။

ယနေ့ခေတ်မြန်မာ ကျောင်းသားတို့၏ အမျိုးသားရေးလှုပ်ရှားမှု ၊နိုင်ငံရေးလှုပ်ရှားမှု များသည်ယနေ့မှ အစပြုလာသည် မဟုတ်ပါ ဗြတိသျှအင်ပါယာ လက်အောက်သို့ ကျရောက်နေသောအခါ သမယဆီက နယ်ချဲဗြိတိသျှအစိုးရကို ဖီဆန်ခဲ့ကြသော ကျောင်းသားများမှ အောင်မြင်မှုနဲ့ အတူ မြစ်ဖျားခံခဲခြင်းပင်။ ၁၉၂၀ပြည့်နှစ် ရန်ကုန်ယူနီဗာစတီတက္ကသိုလ်အား အိန္ဒိယ ကာလကတ္တား တကသိုလ်အုပ်ချုပ်ရေး၏ လက်အောက်မှ ခွဲ့ထွက်ပြီး မြန်မာနိုင်ငံပညာရေး ဆိုင်ရာတက္ကသိုလ်အုပ်ချုပ်ရေး အဖွဲ့တစ်ခု ဖွဲ့စည်းထူထောင်စေခဲ့သည်က ကျောင်းသားတို့၏ လှုပ်ရှားမှုကြောင့်ပင်။ကျောင်းသားများ သပိတ်မှောက်ကြရခြင်းမှာ က္ကသိုလ် အုပ်ချုပ်ရေးအဖွဲ့ကထုတ်ပြန် ကြေညာချက်အရ အမျိုးသားပညာရေးကို ဖိနှိပ်သည့်အချက်အလက်များ ပါဝင်နေသည့်အတွက် ရန်ကုန်ကော့လိပ်နှင့် ဂျင်ဆင်ကောလိပ်မှ ကျောင်းသားတို့ ခေါင်းဆောင်၍သပိတ် မှောက်ကာ ကျောင်းထွက်ခဲ့ကြရသည်။ သို့သော် ထိုသပိတ်မှောက်ကျောင်းသားတို့ ၏လှုပ်ရှား မှုသည် ထိုနေရာတွင်အဆုံးမသတ် ပဲအားပျိုး ခဲ့သည်သာဖြစ်သည်။ ထိုသပိတ်မှအစပြု၍ အခြားမစ်ရှင်ကျောင်းသား များကလည့် ထောက်ခံအားပေးလျှက် ကျောင်းသား၊ကျောင်းသူ များသပိတ်မှောက် ရာ၌ပါဝင်ခဲ့ကြသည်။ ထိုသပိတ်မှအစပြု၍ အမျိုးသားကျောင်းများ ပေါ်ပေါက်လာခဲ့ပြီး ကောလိပ်ကျောင်းထွက် တစ်ချိုးနှင့် ပညာတတ်များပူးပေါင်းကာ အင်္ဂလိပ်စာများ သင်ကြားပို့ချပေးခဲ့ပြီး မြန်မာပြည်တွင် (National High School) အမျိုးသားအထက်တန်း ကျောင်းများ ၅၀ကျော်အထိဖြစ်ပေါလာ ခဲ့ပါတော့သည်။ ထိုအချိန်ဝယ်အင်္ဂလိပ်အစိုးရ တို့သည် ထိုကျောင်းများအား အသိအမှတ် ပြုပေးသည်ဆိုသော်လည့် အထွေထွေ ကုန်ကျစရိုက်များအား တာဝန်ယူပေးသည်မဟုတ်။ သို့သော် ထိုအချိန်ကကျောင်းသားများ၏ ကြိုးစား အားထုတ်မှုများနှင့် ဆရာဆရာမတိုသည် ခက်ခဲစွာရပ်တည် ပေးမှုကြောင့် တိုင်းပြည်အတွက် ခေါင်းဆောင်ကောင်းများ မွေးထုတ်နိုင်ခဲ့ကြပါသည်။ ဤကျေးဇူးသည် ၁၉၂၀ပြည့်နှစ် ကျောင်းသား သိတ်ကြီးတွင်ရန်ကုန်တက္ကသိုလ် ကျောင်းသား သပိတ်ကြီးမှဦးဆောင် ဦးရွက်ပြုခဲ့သော မောင်ဘခင်၊မောင်ဘိုးကွန်း၊ မောင်ဘဦး၊ မောင်အောင်ဒင်၊မောင်ထွန်းဝင်း၊ မောင်ဖေသိန်း၊ မောင်လှတင်၊မောင်မောင်ဧ၊ မောင် ကေညီပိတ်၊ မောင်ဘရှင်(သံတွဲ)နှင့် မောင်ဘရှင်(ထားဝယ်) ဟူသော သခင်ကျောင်းသားတို့၏ ကျေးဇူးကြောင်းပင်ဖြစ်သည်။ ၂၉၂၀ပြည့် ၎င်းတို့၏ကျောင်းသားနိုင်ငံရေး လှုပ်ရှားမှုသည် ပထမအကြိမ်ဖြစ်သည်။ ၁၉၂၀ပြည့်တက္ကသိုလ်သပိတ် ဖြစ်ပေါ် ခြင်းသည် တက္ကသိုလ်တွင်ပြဌာန်းသော အက်ဥပေးကို မကျေနပ်၍ဖြစ်သည်။ ထို့ကြောင့်ယင့်သပိတ်ကြီးကို ရန်ကုန်မြို့ ရွှေကျင်ကျောက်းတိုက် ဆရာတော် ဦးအရိယကျောင်း၌ကောလိပ် ကျောင်းသူ ကျောင်းသားများစုဝေးပွဲ တစ်ခုလုပ်ကြပြီး ယင့်အက်ဥပဒေကို သပိတ်မှောက်ရန် တညီတညွှတိတည်း ဆုံးဖြတ်ကာ၁၉၂၀ တန်ဆောင်မုန်းလပြည့် ၁၀ရက်နေ့အဖြစ် လည့်ကောင်း၊ ယခုအခါ ထိုနေ့အား အမျိုးသားနေ့ထူးနေ့မြတ် အဖြစ်အထင်ကရ သတ်မှတ်ခဲ့သည့် နေ့ထူးနေ့မြတ်ဖြစ်သလို ကျောင်းသားလှုပ်ရှားမှု၏ စာမျက်နာအဖွင့်လည့် ဖြစ်ပါတော့သည်။ စင်စစ်ထိုခေတ်သည်ကား ကော့လိပ်ကျောင်းသား တက္ကသိုလ်ကျောင်းထွက် ပညာတတ်ဟူသော ဝေါဟာရသည် ရှားပါးအဖိုးတန်လှပြီး အလွန်ပင်အခွင့်ထူးတို့ ပြည့်နက်နေသော ရွေရောင်အနာဂတ်၏ အဖိုးတန်မှတ်ကျောက် များဖြစ်ကြသည်။ တက္ကသိုလ်တက်ဖို့ ဆိုသည့်အခွင့်အရေးသည် ရခဲပေစွဒုလ္လဘပေးကိုး။ ကျောင်းပြီးသည်နဲ့ အစိုးရအုပ်ချုပ်ရေးယန္တာရား အတွက် သက်တောင်း သက်သာဝင်ရောက် အမှုထမ်းကာအရာရှိ အရာခံဖြစ်စေ၊ မိဘချမ်းသာလျှင်ကြီးမြတ်သော နှောက်ခံဘွဲ တစ်ဘွဲ့ဖြစ်စေ လက်ဝယ်ပိုက်၍ ငြိမ့်ငြိမ့်ညောင်းညောင်း အနေသာသော အခါကာလပင်။ ထိုသို့သော ရွှေရောင်အနာဂတ်လမ်းကို စွန့်ပယ်၍အဆင့်အတန်းခွဲ့ခြားထားသည့် တက္ကသိုလ်ပညာရေး ဥပဒေရဲရဲဝံ့ဝံ့ သပိတ်မှောက်ကာ မြန်မာအမျိုးသားလုံးအတွက် အထက်တန်း ကျောင်းများဖြစ်ပေါ်ရန် ထိုခေတ်ကျောင်းသားများကြိုးပစ် ဖန်တီး နိုင်ခဲ့ကြပါသည်။

တဖန်ရှေ့တွင်ဆိုခဲ့သလို၁၉၂၀တွင်ပထမ ကျောင်းသားသပိတ်ပေါ်ပေါက်ခဲ့သည့်နှောက် ဆက်တွဲရလဒ်အဖြစ်အမျိုးသား ကျောင်းများ ဖွင့်လှစ်နိုင်ခဲ့တော့သည်။ ထိုအမျိုးသားကျောင်းမှတဆင့် မျိုးချစ်စိတ် နိုင်ငံချစ်စိတ်ပြည့်ဝ၍နိုင်ငံရေး အသိနိုးကြားသော တက္ကသိုလ်ကျောင်းသားများ ပေါ်ထွက် လာခဲ့ပါသည်။
၁၉၃၆ခုနှစ်တွင် လည့်သမိုင်းမရပ်၊ ဆက်၍စီးဆင်းမြဲဟူသော ဝေါဟာရသည် ပထမကျောင်းသား သပိတ်ပေါ်ပေါက်ပြီး ၁၆နှစ်ကာလအကြာတွင် ၁၉၃၆ခုနှစ် ရန်ကုန်တက္ကသိုလ်ကျောင်းသား သမဂ္ဂ ပေါ်ထွန်းလာခြင်းဖြင့် သက်သေခံလေပြီ။ရန်ကုန်တက္ကသိုလ် ကျောင်းသားသမဂ္ဂအားအများက ရွေးချယ်တင်မြှောက်ခဲ့ကြသည့် ကျောင်းသား ၉ဦးဖြင့်ဖွဲ့စည်းလိုက်ကြပါတော့သည်။ ဤသို့ဖြင့် ပထမသပိတ်၁၉၂၀ပြည့်တွင် အောင်ပွဲခံကြ သကဲ့သို့ မြန်မာသက္ကရာဇ်၁၃၀၀ပြည့်အရေးတော်ပုံကြီး ၁၉၃၈ခုနှစ်၊၁၉၃၉ခုနှစ်အရေးအခင်းများ တွင်လည့်ကောင်း ကျောင်းသားများပူးပေါင်းပါဝင် မှုဖြင့် ရေနံမြေသပိတ်ကြီးအောင်ပွဲနွဲကြရပြန်ပါသည်။ နယ်ချဲအင်္ဂလိပ်ခေတ်တွင် ပေါ်ပေါက်ခဲ့သော သပိတ်မှောက်ဆန္ဒပြမှုများအနက် မြန်မာပြည်တွင် ၁၃၀၀ပြည့်နှစ်ကပေါ်ပေါက်ခဲ့သော မဟာသပိတ်မှောက်မှုကြီးသည် အင်္ဂလိပ်အစိုးရကိုယ်တိုင် သြချယူခဲ့ရသည့် ဧရာမသပိတ်မှောက်ကြီးဖြစ်ခဲ့ရပါသည်။ ထိုသပိတ်ကြီး၏မူလအစ သည်ကား အထက်မြန်မာပြည်ချောက်ရေနံမြေဌာနတွင် အစိုးရပိုင်ဘီအိုစီကုမ္ပဏီ၏မတရားသွေးစုတ် ချယ်လှယ်မှုကြီးကိုမခံမရပ်နိုင်ကြသော ရေနံမြေအလုပ်သမားများမှစတင်ဆန္ဒပြ သပိတ်မှောက်ရာမှစတင်ခဲ့ခြင်းဖြစ်သည်။ မိမိတို့လုပ်အားဖြင့်ထုတ်လုပ်ခဲ့သောရေနံကိုပင် မိမိတို့သားသမီးများစာကြည့်ရာ၌သုံးစွဲခွင့်မရ။ ပေးသည့်လစာငွေမှာလည့်အရာရှိများ၏ လစာငွေနဲ့နှိုင်းကြည့်ပါလျှင်အပုံတစ်ရာပုံလို့ တစ်ပုံမျှပင်မရရှိကြပါချေ။ နှစ်ရှည်ကြာညောင်းစွာ ဆင်းရဲပင်ပန်းခံလာကြရသည့်အလုပ်သမား ထုကြီးများအတွင်းမကျေနပ်မှုများကသိသိသာ သာကြီးတိုးပွားလာခဲ့ရာမှနှောက်ဆုံးတွင် မိမိတို့၏လိုလားချက်များ၊နစ်နာချက်များ ပါဝင်သော အချက်၁၂ချက်အားဘီအိုစီကုမ္ပဏီသို့ တောင်းဆိုကာသပိတ်မှောက်ကြပါတော့သည်။ ဤသို့ဖြင့်ရေနံမြေအလုပ်သမားများ၏ တောင်းဆိုချက်၁၂ချက်အားမလိုက်လျော့ သဖြင့်အလုပ်သမားများမှာ သပိတ်မှောက်ကြရတော့သည်။ လစာမဲ၊ဝင်ငွေမဲအလုပ်သမားတို့သည် ရက်ပေါင်း၃၂၂ရက်နေ့အထိဆန္ဒပြခဲ့ကြသည်။ ချောက်မြို့မှရေနံမြေအလုပ်သမားတို့သည် မိုင်ပေါင်း၄၀၀ကျော်ဝေးသောနယ်ချဲတို့ အခြေစိုက်ရာရန်ကုန်မြို့သို့်ချီးတတ် ဆန္ဒပြရန် ဆုံးဖြတ်လိုက်ကြပါတော့သည်။ ထိုသို့ ချီးတတ်ဆန္ဒပြရာတွင်ကား၊မီးရထား၊ သင်္ဘော ဘာတစ်ခုမှမသုံးဘဲခြေကျင်ချီတတ်ကြမည်ဟု ရဲရဲတောက်ယင့်ခရီးရှည်ချီးတတ်ပွဲအား သခင်ဘွဲခံ(အဠာဝက)သခင်ဖို့လှကြီးက ခေါင်းဆောင်ခဲ့ပါတော့သည်။ ထိုမှအလုပ်သမားတို့သည် သပိတ်တပ်သား၂၀၀၀ကျော်ပါဝင်သည့် ရေနံမြေသပိတ်တပ်ကြီးသည်၁၉၃၈ခုနှစ်၊ နိုဝင်ဘာလ၃၀ရက်တွင်ချောက်မြို့မှစတင် ချီးတတ်ကြပါတော့သည်။၆ရက်ကြာသောအခါ မကွေးမြို့ကိုရောက်ကြပြီးနယ်ချဲအစိုးရတို့ သည်ချီတတ်လာကြသောသပိတ်သားများအား ဖြိုခွင့်ရန် မြို့နယ်အုပ်ချုပ်ရေး အာဏာပိုင်များထံ အမိန်းထုတ်၍အာဠာဝကသခင်ဖို့လှကြီး အပါအဝင်သပိတ်ခေါင်းဆောင်များကိုဖမ်းဆီး ခဲ့ကြပြီးမကွေးမြို့အားပုဒ်မ၁၄၄ထုတ်ပြန် လိုက်ပါတော့သည်။ ထိုမှစ၍ တဖြည့်ဖြည့်အလုပ်သမားထုတို့၏သပိတ်မှောက် မှုများတိုင်းပြည်တွင်တဆက်ဆက်ပြင်ထန် လာလေတော့သည်။ ထိုအချိန်တွင်ကျောင်းသားများသည်လည့် ပူးပေါင်းပါဝင်နေကြပါတော့၏။ ရန်ကုန်မြို့မှကျောင်းသားခေါင်းဆောင် ကိုဗဟိန်းနှင့်ကိုဗဆွေအပါအဝင်အဖွဲ့ဝင် ၄ဦးတို့သည် နယ်ချဲအစိုးရ၏နှောက်ယှက်မှုဖြင့် မကွေးမြို့မှ ရန်ကုန်သို့မချီတတ်နိုင်၍ရက်ပေါင်း၂၀ကျော် ပိတ်ဆိုးခံနေရသောသပိတ်တပ်သားများအား စိတ်ဓာတ်တတ်ကြွစေရန် အားပေးစကားများပြောကြား၍ဆက်လက်ချီတတ် ကြပါရန်မဲထီးကျောင်းတိုက်၌တရားဟော လှုံ့ဆော်ရာသပိတ်တပ်သားတစ်ရပ်လုံးမှ ကျောင်းသားများဘက်မှမားမားမတ်မတ်ရပ် တည်နေသည်ကသက်သေပြကြပါသည်။ ထိုနေရာတွင်ပင်ချက်ချင်းကိုဗဟိန်းတို့အဖွဲ့၎ဦး အားအာဏာပိုင်များကလာရောက်ဖမ်းဆီးခဲ့သည်။ လက်နက်ကိုင်စစ်သားများဝိုင်းဝန်းပိတ်ဆိုး နေသည့်ကြားကပင်ကျောင်းသားတို့ လာရောက်အားပေးမှုကြောင့်လည့်ကောင့်၊ မိမိတို့ရှေ့မှာဖမ်းဆီးခံလိုက်ရသောကျောင်းသား လေးဦး၏အဖြစ်ကိုလည့်ကောင်းမြင်တွေ့ရပြီး နှောက်လက်နက်ကိုင်တို့တားဆီးသည်ကို တွန်းလှန်ကာထိုးဖောက်ကာ ဆက်လက်ချီးတတ်ကြ ပါတော့သည်။ ထိုသို့ချီတတ်စဉ်ပုလိပ်အဖွဲ့နဲ့ရာဇဝတ်ဝန် တို့ပူးပေါင်းကားချီတတ်ရေးခေါင်းဆောင် ၁၇ဦးအပါအဝင်ကျန်အဖွဲ့ဝင်၁၇ဦးနှင့်စုစုပေါင်း၃၄ဦးထပ်မံအဖမ်းခံနေရပြန်ပါသည်။သို့်သော်သပိတ်တပ်ကြီးသည်က လက်လျှော့မသွားပဲဇွဲလုံးလဖြင့်၆၂ရက်တိုင်တိုင် ခြေကျင်ဖြင့်လမ်းလျှောက်ဆက်လက်ချီးကာ မိုင်ပေါင်း၄၀၀ဝေးကွာသော ရန်ကုန်မြို့ကိုဆိုက်ရောက်လာကြသည်။ ထိုပြင်၁၉၃၉ခုနှစ်ဇွန်နဝါရီ၉ရက်၊ မြန်မာသက္ကရာဇ်၁၃၀၀ပြည့်နှစ်ပြာသိုလ် လပြည့်၅ရက်တွင်အထွေထွေသပိတ်ကြီး အဖြစ်တောင်သူလယ်သမား၊အလုပ်သမား၊ ကျောင်းသားတို့စုစည်းကာရွှေတိဂုံကုန်းတော် ခြေရင်းတွင်ကြီးမားသော လူထုအစည်းဝေးကြီးတစ်ရပ်ကို ကျင့်ပခဲ့တော့သည်။ ထိုအချိန်တွင်မူနယ်ချဲအစိုးရသည်တစ်တိုင်းပြည် အနှံ့ကျယ်ပြန်းစပြုလာသည့်အထွေထွေ သပိတ်ကြီးကိုနှိမ်နှင်းရန်အတွက် လက်နက်အားကို သုံးရန်ဆုံးဖြတ်ခဲ့ပါတော့သည်။ ယင်းကာလတွင် ရဟန်းရှင်၊လူထုပြည်သူအပေါင်းအား အာဏာပိုင်နယ်ချဲတို့ရက်ရက်စက်စက် ဖြိုခွင့်ရာယုဒသန်ကျောင်းကိုအောင်ကျော် အပါအဝင်သံဃာလူထုမြောက်များစွာ သေးဆုံး၊ ဖမ်းဆီးခံခဲကြရပါသည်။ သို့သော်ကျောင်းသားများမကျဆုံးပါ ထို၁၃၀၀ပြည့်အရေးတော်ပုံကြောင့် ဒေါက်တာဘမော်၏ညွှန်းပေါင်းအစိုးရ ပြုတ်ကျသွားခဲ့ရသည်။ နှောက်ကျောင်းသားများ၏၁၉၂၀ပြည့်ပထမ ကျောင်းသားကျောင်းသူများ၏ နိုင်ငံရေး လှုပ်ရှားမှု မြစ်ဖျားခံမျိုးဆက် ကျောင်းသားနိုင်ငံရေးခေါင်းဆောင်များကြောင့် နယ်ချဲအစိုးရသည်၁၈၅၅ခုနှစ်မှစ၍အုပ်စိုးခဲ့ရာမှ ၁၉၄၈ခုနှစ်တွင်လုံးကျွတ်လွှတ်ရေးပေးလိုက် ရသည်ကမေ့မရသောသမိုင်းသက်သေဖြစ်သည်။

ကျောင်းသားမရှိလျှင်နိုင်ငံလည့်ရှိမည် မဟုတ်ပါ။ လူမျိုးသည်လည့်ရှိမည်မဟုတ်ပါ။ နိုင်ငံသည် ကျောင်းသားလူထုတို့၏နိုင်ငံဟုဆိုနိုင်သည်။ ကျောင်းသားရှိမှပညာတတ်ရှိမည်။ပညာတတ် ရှိမှတိုင်းပြည်ကိုကောင်းအောင်တည်ဆောက် ဖန်တီးနိုင်မည်ဖြစ်သည်။ ထိုမှသာလျှင် တိုင်းပြည်ဖွံ့ဖြိုးတိုးတတ်လာမည်ဖြစ်သည်။ ကျောင်းသားလူထုများကြောင့်သာတိုင်းတပါး အုပ်ချုပ်ခံလက်အောက်မှလွှတ်မြောက်နိုင်ခြင်း ဖြစ်သည်။ မြန်မာနိုင်ကိုလွှတ်ရေးရအောင်ကြိုးပစ်ခဲ့ကြသော ဗိုလ်ချုပ်အောင်ဆန်းနှင့်ရဲဘော်သုံးကျိပ်သည်လည့် ကျောင်းသားများသာဖြစ်ကြသည်။

သို့သော်ယခုမြန်မာနိုင်ငံခေါင်းဆောင်များသည် မိမိတုိ့အာဏာထိုင်ခုံရအောင် အသက်ပေးကြိုးပမ်းပေးခဲ့ရှာသောသမိုင်း ကျောင်းသားနိုင်ငံ ခေါင်းဆောင်းများ၏ မျက်နာကိုမထောက်အားမနားပဲ ကျောင်းသားဆိုသောအသံကြားလျှင်ဖြင့် ဝိုင်းဝန်းရိုကချိုးဖျက်ဆီးချင်ကြသည်။ ချုပ်နှောင်ချင်ကြသည်။ အတိတ်သမိုင်းစာမျက်လှန်ကြည့်လျှင် ကျောင်းသားလူထုများအားသတ်ဖြတ်မှုနှုန်းသည် တိုင်းတပါးလူမျိုးခြားတို့အုပ်ချုပ်စဉ်ထက် မြန်မာအချင်းချင်းအုပ်ချုပ်မင်းပြုစဉ်ကာလတွင် သတ်ဖြတ်မှုနှုန်းသည်အဆပေါင်းမြောက်များစွာ ပိုနေသည်ကိုတွေ့ရသည်။ တိုင်းပြည်တွင်မတရားဖိနှိပ်အနိုင်မှုရှိနေသေး သရွေး၁၉၂၀ပြည့်နေ့မှမြစ်ဖျားခံ သော ကျောင်းသားသပိတ်ကြီးမှမျိုးဆက်သွေး သည် အမြဲမပြတ်စီးဆင်းနေအုံးဖြစ်သည်။

ကျောင်းသားလူထုတစ်ရပ်လုံး တို့သည် တစ်နေ့အောင်ပွဲခံရမည်မှာမလွဲ..ဤခရီးသည်လည့်နီနေပြီဖြစ်ကြောင်း။

<ကျောင်းနံရံမှမော်ကွန်းများစာအုပ်မှ ကောက်နုတ်ထားသည်>

၁၅.၁၁.၂၀၁၄

အမျိုးသား ပညာရေး ဥပဒေကို သပိတ်မှောက်

(၁၄.၁၁.၂၀၁၄)

အမျိုးသား ပညာရေး ဥပဒေကို သပိတ်မှောက်လိုက်တဲ့ ကျောင်းသားတွေဟာ အခုလက်ရှိ ရန်ကုန်မြို့တော်ခန်းမရှေ့ မဟာဗန္ဒုလပန်းခြံရှေ့မှာ ထိုင်သပိတ် စတင်ဆင်နွှဲပြီ....(ဗကသ+တကသ)

BoBo Htoon

ကျောင်းနံရံမှာ ဒေါင်းအလံတွေ ပြန်စိုက်နေပြီ..။

ခေတ်ပြောင်းလဲရေးမှာ ခွပ်ဒေါင်းသွေးမို့ ရဲသကိုး...။

အောင်အတိတ် အောင်နိမိတ်ရယ်နဲ့ 
ဒေါင်းဆိုတာ ချောင်ပိတ်ဖမ်းလို့ ရတဲ့အမျိုးမဟုတ်
အပြောင်းအလဲကို တောင်းရဲတာ သတ္တိ
ကျောင်းနံရံမှာ ဒေါင်းအလံတွေ ပြန်စိုက်နေပြီ..။

သတ္တိသွေးများက စိန်ပန်းလို နီရဲ
ရိုးသားမှုတွေက ကန့် ကော်ပန်းလို ဖြူဖွေး မွှေးမြ
အတ္တအကျိုးနဲ့ အစိုးရ ၊ ရေပေါ်မှာ အရုပ်မရေးကြပါနဲ့ 
ဒေါင်းတွေရဲ့ တောင်းဆိုမှုတွေ လိုက်လျော အတွင်းသဘောဖြူစေ...
ကျောင်းသူကျောင်းသားတွေ တာဝန်က စာကျက်ကျောင်းတက် ပညာရေးကို ရွေးချယ်ခွင့်ရှိစေ..
အမတ်မင်းတွေက လွှတ်တော်တက် ဖိနှိပ်တဲ့ ဥပဒေတွေထုတ် ခေတ်က မိုးချုပ်နေပြီ..။

တိုင်းပြည်ပါးပြင်မှာ ၀ဲကျလာတဲ့ မျက်ရည်စ
အရိုင်းမြေအတိတ်မှာ ပန်းကောင်းများအကြိမ်ကြိမ် အဆိပ်သင့် ကျိုးကျ
စိတ်ဓာတ်မကျပေမဲ့ စိတ်မချ လက်မချ
အိပ်မရတဲ့ ညအမှောင်ထဲ အတွေးရဲရဲ ခွပ်ဒေါင်းများကြွေးကြော်သံကြားတယ်..။

စနစ်ခါးခါးမှာ
အမှန်တရားကို ပစ်မထားကြပါနဲ့ 
ရောက်တဲ့နေရာ ရှိတဲ့ဒေသက အစွဲကင်းကင်း ရဲရဲတင်းတင်း ဒေါင်းတွေကို ၀န်းရံ
အသွေးအသားထဲ တို့ ညီညာမှ မပြေးမလွှားပဲ တို့  ပြည်သာမယ်လို့ ယုံကြည်...။

ဘ၀ပျက်မှာ အိမ်မက်တွေ ငြိမ်သက်နေတဲ့ ခဏ
ထိုးဖောက်ထွက်မဲ့ လက်တွေကို ကောင်းကင်ထဲ ဆန့် တန်း
အမှောင်တွေ တဖြည်းဖြည်း သိပ်သည်းလာတဲ့ အခိုက်အတန့် 
လှောင်ပိတ်ခံဘ၀ဟာ ကြိုးစားရုန်းထွက်ဖို့ ခေတ်က တောင်းဆိုတယ်..။

လျော်ကန်တဲ့အတွေးနဲ့ တော်လှန်ရေး ဒေါင်းအလံ လေမှာဝဲ ၊
အနာဂတ် ပညာရေးအတွက် မျိုးဆက်သစ် ခွပ်ဒေါင်းတို့ သွေးရဲ
ရောင်နီသန်းချိန်မှာ ခေတ်ပြောင်းဖို့ ၊ ခွပ်ဒေါင်းတို့ ညီညာ၊
ဒီမိုကရေစီ နဲ့ ရေပေါ်ဆီကို ခွဲခြား ၊ ဖိနှိပ်ခံ ဘ၀များ လှပစေသား..။

အောင်ခိုင်မြင့်

၁၅ နိုဝင်ဘာ ၂၀၁၄

( အမျိုးသားပညာရေးဥပဒေကို သပိတ်မှောက် ဆန္ဒပြ နေသော ခွပ်ဒေါင်းများအတွက် ဂုဏ်ပြုကဗျာ

အ မျိုး သား ပ ညာ ရေး ဥပဒေ မူ ကြမ်း နှင့် ပတ်သက် ၍.....

အ မျိုး သား ပ ညာ ရေး ဥပဒေ မူ ကြမ်း နှင့် ပတ်သက် ၍.....

ရဲထွဠ် - စစ်မှန်သော ဒီမိုကရေစီအပြောင်းအလဲ

သမိုင်းတွင်စေမည့် မမေ့သင့်သော ၁၉၉၆ ကျောင်းသားလူပ်ရှားမှု

၁၉၉၆ ကျောင်းသားလူပ်ရှားမူအတွင်း ဘ၀တွေ အသက်တွေ ပေး စတေး သွားကြတဲ့ ကျောင်းသား ကျောင်းသူ နောင်တော် အစ်မတော်တွေကို ဦးညွတ်ပါတယ်။

၈၈၈၈ ပြီးရင်၂၀၀၇ ရွှေဝါရောင်ကိုပဲတန်းမြင်နေကြတယ့်။ ဒီပုံလေးကတော့ ၁၉၉၆ ပြည်လမ်း ပေါ်ရှိကျောင်းသား အရေးအခင်းမှာပါဝင်ခဲ့ကြတဲ့အကိုတွေပါ။ ၁၉၉၆ နောက်ပိုင်း ရန်ကုန်တက္ကသိ...ုလ် ကြီးပိတ်ပြီးနောက် ကျောင်းသားတွေလဲ ရန်ကုန်မြို့ထဲနဲ့ အတော်ဝေးကွာတဲ့နေရာတွေမှာပဲတက္ကသိုလ် ပညာရေးကို သင်ကြားခွင့်ရရှိပါတော့တယ်။
(၁၉၉၆ နှစ်ကုန်ပိုင်း အချိ်န်တွေမှာ (ကျွန်မ မှတ်မိသလောက်ပေါ့) လှည်းတန်းက အဝေးပြေး ကာ
းဂိတ် ထဲမှာ စည်ပင်ရဲနဲ့ စက်မူ ကျောင်းသားတွေ ရန်ဖြစ်ပြီး စည်ပင်ရဲကို အရေးယူတာ နှစ်နည်းတာလား မသိ ကျောင်းသား တွေ ဆန္ဒပြ ကြတယ်လို့  ဝေးလံ ခေါင်ပါးလွန်းတဲ့ ဒဂုံတက္ကသိုလ်ကို သတင်းစကားတွေ အဆက်မပြတ် ရောက်တယ် နောက် ဒဂုံတက္ကသိုလ် ဥပဒေကျောင်းသားတွေ အနက်ရောင်ဝတ် ဆနပြကြတယ် စာတွေ ကပ်တယ် လူပ်စိ လူပ်စိ ဖြစ်လာတဲ့အချိန်ပေါ့ အဲ့ဒီ့အချိန်မှာ ကျွန်မတို့ ပထမနှစ် ကျောင်းသား လေးတွေက ဘာတွေဖြစ်မှန်းမသိ စူးစမ်းနေဆဲပဲ ရှိပါသေးတယ်

အဲ့ဒီ့နေ့ က ၁၉၉၆ခုနှစ် ဒီဇင်ဘာလ ကိုးရက်နေ့ မှတ်မိသေးတယ် ဒဂုံကျောင်း ဖယ်ရီကားတစ်ချို့ စုရပ်ကို ရောက် မလာခဲ့ဘူး တစ်ချို့ ကားတွေ ကတော့ ဖြတ်သွားတာတွေ့တယ် ဘာပဲဖြစ်ဖြစ် ကျောင်းကို ရောက်အောင် သွားမယ် ဆိုပြီး ချီတက် သွားခဲ့ကြတယ် ကျောင်းဝင်း မိန်းတံခါးကြီးကို ပိတ်ထားတာ တွေ့ တယ် အဲ့ဒီ့ရှေ့ မှာ ကျောင်းသားတွေ စုဝေးပြီး ထိုင်နေကြတယ် မျက်နှာဖုံး စွပ်ထားတဲ့ ကျောင်းသား အစ်ကိုကြီးတွေက လက်သီး လက်မောင်းတန်းပြီး စကားတွေ ပြောနေတယ် အော်သံတွေ ဆူညံနေတဲ့ အတွက် ဘာတွေပြောမှန်း မသိခဲ့ဘူး လွယ်အိတ်လေးပိုက်ပြီး ငုတ်တုတ်လေး ထိုင်နေမိတယ် ဒါပေမယ့် အရှေ့ ကနေ တိုင်ပြီး အော်လိုက်တဲ့ အချိန်မှာ တော့ ကျွန်မလဲ အလိုလို သွေးဆူလာပြီး လက်သီးသေးသေးလေး ဆုတ်ပြီး လိုက်အော်မိတယ် (တို့ အရေး တို့ အရေး တို့ အရေး)

(ကျောင်းများ ပြန်လည် ဖွင့်လှစ်ပေးရေး တို့အရေး )ဆိုတဲ့ အပိုဒ်ရောက်တော့ ကျွန်မကို သူငယ်ချင်း တရုတ်ကြီး ဂုဏ်ထူးတန်းကျောင်းသားက စပ်ဖြဲဖြဲမျက်နှာနဲ့ ကျွန်မကို နားနားကပ်မေးတယ် နင် ကျောင်း တကယ် ပြန် ဖွင့်စေချင် လားတဲ့ ဟင့်အင်းလို့  ခပ်ကျယ်ကျယ် အော်ပြောလိုက်ရင်း အားရပါးရ ရယ်ဖြစ်ကြတယ် တကယ့်ကို ဆနပြ ရတာ ပျော်စရာကြီးလို ဖြစ်ခဲ့တယ် နောက် ကျောင်းဝကနေ ဒဂုံမြောက်ပိုင်းက ခွန်ရှစ်လမ်းဆုံ အထိ ချီတက် လမ်းလျောက် ဆနပြကြတယ် လမ်းတလျောက်မှာ ကျွန်မတို့ ပါမောက္ခချူပ် ဆရာကြီး ဦးကောင်းညွန့် နောက်ကနေ တကောက်ကောက် လိုက်ပြီး ကျောင်းသားတွေ ရှေ့မဆက်ဖို့ မေတ္တာရပ်ခံခဲ့ပါတယ် ဒါပေမယ့် ကျောင်းသား တွေက လုံးဝမနားပဲ လမ်းဆက်လျောက်ကြတယ် လမ်းတလျောက် လူတွေက လက်ခုတ်တွေ တီး ရေတွေ တိုက် မုန့် တွေ ကျွေးတာ (လက်ကုန်ပဲ)

တစ်လမ်းလုံး ကြွေးကြော်သံတွေ အော်ကြ ဟစ်ကြနဲ့ လက်သီးလက်မောင်းတွေတန်း လမ်းလျောက်ကြတာပေါ့ နောက် မ၀တ လမ်းဆုံအထိ နောက် ဘေလီတံတားအထိ လမ်းလျောက် ကြပြန်တယ် နေပူပူ ပြင်းပြင်းကြီး အောက်မှာ ကျောင်းသားတွေ တန်းစီပြီး လမ်းလျောက် ဆနပြကြတာ တကယ့်ကို ပျော်စရာကြီးပဲ ဘေးမှာ ကျောင်းသား အကြီးတွေက ပလက်စတစ်ကြိုးစတွေ ကာရံပြီး လက်ချင်းတွဲ လျောက်ကြတယ်

တောင်ဥက္ကလာဘက်သွားတဲ့ ဘေလီတံတားကို သံဆူးကြိုးတွေနဲ့ ပိတ်ထားလိုက်ပါပြီ ကျောင်းသားတွေ အကုန် ငုတ်တုတ် လေးတွေ ထိုင်ပြီး အစာငတ်ခံ ဆန္ဒပြ ကြမယ်တဲ့ အဲ့မှာ အကြာကြီး ဘာတွေမှန်းမသိ ရန်တွေဖြစ်ကြ စကား တွေ များကြနဲ့ နောက်ဆုံး ကျောင်းကားတွေ ပြန်တက် ပြန်တက်ဆိုပြီး တစ်ချို့က အဲ့ဒီ့ ဘေလီ တံတားနား မှာပဲ နေခဲ့ကြတယ် တစ်ချို့ကတော့ ကျောင်းကားတွေပေါ် တက်လိုက်သွားကြတယ် ကျွန်မတို့ ပါ အပါအ၀င်ပေါ့ ကျွန်မ ဘေးနားမှာ ဦးမြင့်သိန်း(NLD ကျိုက်မရောအမတ် ကွယ်လွန်) သမီး ကျွန်မ သူငယ်ချင်း ယုဇနလဲပါတယ်

ကျွန်မတို့ တွေ ကားတွေစီး တောင်မြောက်လမ်းဆုံကို ဖြတ်ပြီး သင်္ဃန်းကျွန်း တံတားကို ဖြတ်ဖို့ ကြိုးစား ကြပြန်တယ် အဲ့ဒီ့မှာ သေနတ် ကိုင်ထားတဲ့ စစ်သားတွေကို စတွေ့တာပဲ ကျွန်မစိတ်ထဲ ကြောက်တာထင်တယ် သူတို့ကို မြင်တာ ဗိုက်တောင် နာချင်သလိုလို တောင် ဖြစ်သွားတယ် အဲ့ဒီ့မှာလဲ နေပူကြီးထဲမှာ ထိုင်ပြီး အစာငတ်ခံ ဆန္ဒပြ ကြပြန်တယ် ဘေးမှာလဲ လူတွေက ၀ိုင်းအုံပြီး ကျွန်မတို့ကို ရပ်ကြည့်နေကြတယ် ကျွန်မတို့ လဲ တစ်မြို့လုံး လှည့်ပတ် နေရလို့  တော်တော်မောနေကြပြီ (ဒဂုံကျောင်းသားတွေ ဆန္ဒပြတာ လမ်းလျောက် တာလည်း ပါတယ် ကျောင်းကားတွေနဲ့မြို့ကို လှည့်တာလဲ ပါတယ် တပြိုင်တည်းမှာ အဲ့ဒီ့နေ့က ကြည့်မြင်တိုင် ကောလိပ်မှာလဲ ဆန္ဒပြကြတယ်)

နောက်ဆုံးတော့ ကျွန်မတို့  ဆီက ကျောင်းသားကြီးတွေနဲ့ ညှိနိုင်းကြပြီး မြောက်ဥက္ကလာပဘက်က တံတားကို ဖွင့်ပေးမယ် ပြောလိုက်တယ် ကျွန်မတို့တွေ လဲ ကျောင်းဖယ်ရီကားတွေ ပေါ် ပြေးတက်ကြပြီး လိုက်သွားတယ် လမ်းကြောင်း ရှင်းပေးတဲ့ ကားတောင် ပါသေးတယ် အဲ့မှာ လမ်းပေါ်မှာတင် အချင်းချင်း စကားများကြသေးတယ် မြောက်ဥက္ကလာပဘက်ကို ထွက်ပေါက်ပေးတာ မရိုးသားဘူးပေါ့ ဘာလုပ်ချင်တာလည်း မသိဘူးပေါ့

(စကားချပ် - ကျောင်းသား အများဆုံးဖြစ်တဲ့ ဒဂုံတက္ကသိုလ် တည်ရှိရာ နေရာဟာ ဒဂုံမြို့သစ် အရှေ့ပိုင်းမြို့နယ်အတွင်းမှာ ဖြစ်ပြီး ဒဂုံမြို့သစ် မြို့နယ်ကို လေးပိုင်းပိုင်းထားပါတယ် ငမိုးရိပ်ချောင်းက မြို့ပတ် ပတ်လည် စီးဆင်းနေပြီး တောင်ဥက္ကာ မြောက်ဥက္ကလာ သင်္ဃန်းကျွန်း မြို့နယ်တွေနဲ့ ဆက်သွယ်ပေးထားတဲ့ တံတား သုံးစင်းကို ဖြတ်လာမှ ရောက်နိုင်ပါတယ် ဒဂုံတက္ကသိုလ် ကျောင်းသားတွေကို ပြင်ပလောကနဲ့ အလွယ်တကူ ဆက်သွယ် လို့ မရအောင် လူပ်ရှားမူ တစ်စုံတစ်ရာ ဖြစ်ခဲ့ရင် အလွယ်တကူ ထွက်လို့မရအောင် စနစ်တကျ လုပ်ထားတဲ့ သဘောပါ)

အဲ့ဒီ့ မြောက်ဥက္ကလာပ တံတားနားမှာက တောင်မြောက်လမ်းဆုံ အနီး သင်္ဃန်းကျွန်းတံတားလို တောင်ဥက္ကလာ တံတားလို အနီးမှာ လူနေရပ်ကွက်တွေ မရှိဘူး ဘေးမှာ ငမိုးရိပ်ချောင်းနဲ့ လယ်ကွင်းတွေ ဘုန်းကြီးကျောင်း တွေပဲ ရှိပါတယ် နောက်တစ်ခါ မြောက်ဥက္ကလာပ တံတားရောက်တော့လည်း တစ်ခါ လက်နတ်ကိုင်ထားတဲ့ စစ်သားတွေ လမ်းအပြည့် ပိတ်ထားပြန်တယ် ကျွန်မတို့ တွေ တော်တော်ကို မောနေကြပါပြီ

အဲ့မှာ ကျွန်မတို့ ဆီက ကျောင်းသားအစ်ကိုကြီးတွေနဲ့အစ်မကြီးတွေနဲ့ လက်ကိုင်စကားပြောစက်ကိုင်ထားတဲ့ လူတွေနဲ့ စကားများကြသေးတယ် စစ်သားတွေကတော့ မတုန်မလူပ် ကျောက်ဆစ်ရုပ်တွေပဲ နောက် မိုးချူပ်စ ပြုလာတော့ မမှောင်ခင် ပြန်ထွက်ကြမယ်ဆိုပြီး ကျောင်းကားတွေကို နောက်ပြန် လှည့်ဆုတ် သွားကြတာမှာ.. တံတားဖြူမှတ်တိုင် (၄၈ ရပ်ကွက် အစပ်)မှာ စကားပြောစက်ကိုင်ပြီး လိုက်လာတဲ့ ဆိုင်ကယ်နဲ့ အရပ်ဝတ် ထောက်လှမ်းရေး နှစ်ယောက်ကို ကျောင်းကားတစ်စီးပေါ်က ကျောင်းသားတွေ ခုန်ချပြီး တုတ်တွေနဲ့ လိုက်ရိုက်တာ သူတို့ ကလဲ ဆိုင်ကယ်ကို ချပြီး ဆိုင်ကယ် ထက် လူက မြန်တယ် ထင်လို့ လား မသိဘူး ပြေးကြတာ တန်းနေတာပဲ

ကျွန်မတို့ ကားပေါ်ကနေ ရင်တမမနဲ့ ကြည့်နေကြတာပေါ့ ကျောင်းသား အချင်းချင်း ပြန်ဆွဲခေါ်တဲ့လူက ပြန်ဆွဲခေါ် လာပြီး ကျောင်းကားတွေ ပြန်ထွက်စ ပြု လာတဲ့အချိန်မှာပဲ နောက်ကနေ ကျားကျားဆိုပြီး သေနတ်တွေ ကိုင်ပြီး ကျား ထိုးတက်လာတဲ့ အစိမ်းရောင်လိူင်းလုံးကြိး လိမ့်လာတာ မြင်လိုက်ရတယ် ကျောင်းကားတွေ ပေါ်ကနေ အကုန်လုံး ဆင်းပြေးကြတာ အပေါက်ဝမှာတင် တစ်နေကြလို့ အပေါ်က တစ်ယောက်က ဖိတွန်းလိုက်တာ အကုန်လုံး အောက်ကို ၀ရုန်းသုံးကား ပြုတ်ကျ သွားကုန်ပါရော.

နောက် လမ်းမထက်မှာ ကျွန်မ ငေါင်စီစီဖြစ်နေတုန်းပဲ ဘာလုပ်ရမှန်းလည်း မသိဘူး ကြောက်စိတ်တွေနဲ့ ခြေထောက် ကလဲ မလို့ မရဘူး ကျွန်မ မျက်စိရှေ့တင် ဖားလေးတွေကို ရိုက်သလို ကျောကို ခေါင်းကို ပုခုံးကို နံပတ်တုတ်တွေနဲ့ ရိုက်နေတာများ တဖောင်းဖောင်းနဲ့နေတာပါပဲ ကြောင်တက်တက် ဖြစ်နေတဲ့ ကျွန်မကို လက်မောင်းကနေဆွဲပြီး ညီမလေး ပြေးလေ ပြေးလို့ အော်အော် တွန်းတွန်း နဲ့ ဆွဲခေါ် သွားတော့မှ ပြေးမိတယ်

လမ်းပေါ်မှာလည်း တစ်ယောက်မှ မရှိတော့ဘူး ဘယ်ပြေးရမှန်း မသိတဲ့အချိန် အိမ်တစ်အိမ်က တံခါးတစ်ချပ် ဟလာပြီး သမီး လာလာတဲ့ ကျွန်မလဲ အပြေးအလွှားဝင်လိုက်တယ် အသံမထွက်နဲ့နော် ငြိမ်ငြိမ်နေတဲ့ အခန်းထဲကို တွန်းပို့ခံလိုက်ရလို့ မျက်စိအစုံကို မှိ်တ်ပြီး ရင်တွေ တဒိန်းဒိန်း ခုန်နေတယ် မနည်း အသက် ပြန်ရှုရတယ် နောက်မှ ငိုသံ တအိအိကြားလို့  လှည့်ကြည့်လိုက်မှ (လားလား တပြုံကြီးပဲ) အဲ့ မီးဖိုချောင်ခန်း လေးထဲမှာ ပုန်းနေကြတာကိုး ကျွန်မ စိတ်အထင် ကျောင်းသား အယောက် ၂၀လောက်ရှိမယ် ကျွန်မ အရမ်း အားရှိသွားတယ် ဖြစ်ချင်တော့ ပြေးတုန်းက လူချင်းကွဲသွားတဲ့ ကျွန်မ သူငယ်ချင်း ယုဇနကိုလည်း ပြန်တွေ့ တယ် အဲ့ဒီ့ အိမ်ဝကို စစ်သားတွေ လာမေးသံကြားရတယ် စကားသံတွေ တီးတိုး ကြားနေရတယ် ကျွန်မတို့ လည်း ဇာတ်လေးတွေ ပုပြီး ငြိမ်နေကြတယ်

ရင်ခုန်သံတွေ ကတော့ တဒိန်းဒိန်းပေါ့ တူတူပုန်းတမ်း ကစားနေရသလိုပဲ နောက် နည်းနည်းကြာသွားတော့ အဲ့ဒီ့အိမ်က ဆောက်လက်စ အိမ်ပဲ အိမ်ရှင်အဖိုးကြီးက ၀န်ထမ်းဖြစ်ပုံရတယ် မျက်နှာက ပြုံးပြုံးကြီးနဲ့ အခန်းဝ ကနေ ကျွန်မတို့ ကို မြေပဲလှော် ထုတ်လေးတွေနဲ့ ဌက်ပျောသီးဖီးလေးတွ လာချပေးတယ် ဗိုက်ဆာဆာနဲ့ စားလိုက်ကြတာ အကုန်ပြောင်ရောပဲ ကျွန်မတို့ အထဲက ကျောင်းသားကြီးတစ်ယောက်က အဲ့ဒီ့အိမ်က လက်သမား အစ်ကိုကြီး အကျီစုတ်လေး ၀တ်ပြီး အပြင်ထွက် စနည်းနာတယ် နောက်သူပြန်လာတော့ မျက်နာ မကောင်းဘူး အပြင်မှာ မလွတ်တဲ့ ကျောင်းသားတွေကို အကုန်ရိုက်ပြီး ဆွဲတင်ဖမ်းခေါ်သွားပြီတဲ့ ဒီည ဧည့်စာရင်း စစ်မယ်လို့  ကြားခဲ့တယ်တဲ့ ဒီနေရာက အမြန်ဆုံး ခွာကြရမယ်တဲ့

ကျွန်မတို့တွေ မြို့ပတ်နေတုန်းက လိုင်းကားတွေ အကုန် လမ်းပိတ်လိုက်တာလေ အခု လိုင်းကားတွေ ပြန်ဖွင့် လိုက်ပြီ အဲ့တာလူတွေကြားထဲ နေပြီး အမြန်ဆုံး ထွက်ကြမယ်တဲ့ ကျွန်မတို့ တွေလည်း မျက်စိ သူငယ်လေး တွေနဲ့ ပေါ့ အဲ့ဒီ့အစ်ကိုကြိးက တကယ့်ကို ခေါင်းဆောင် ပီသတယ် မိန်းကလေး ယောက်ကျားလေး အစုလိုက် လူစုခွဲပြီး အပြင်ထွက်ဖို့  စီစဉ်ပေးတယ် တောင်ကြည့်မြောက်ကြည့်နဲ့ ကတုန်ကယင် ခြေလှမ်းတွေနဲ့ ဘစ်စကား ဂိတ်ကို ထွက်လာကြတယ် လူတွေရဲ့ မျက်လုံးတွေက ကြောက်စရာ ကိုယ့်ကိုပဲ ကြည့်နေ သလိုလို ကားပေါ် တက်တော့ ကားပေါ်မှာ လူတွေက ခုဏက အဖြစ်အပျက်ကို တိုးတိုးတစ်မျိုး ကျယ်ကျယ်တစ်မျိုး ဝေဖန် နေကြ တယ်

စပယ်ယာ အနား ရောက်လာပြီး ပိုက်ဆံ တောင်းတော့ လက်ထဲမှာ တစ်ပြားမှ မရှိတာ သတိရတယ် သူ့ကို ခပ်တည်တည် စိုက်ကြည့် လိုက်တော့ ကျွန်မတို့ပုံကို သူသဘောပေါက်သွားပုံပဲ သူက တိုးတိုးကပ်ပြောတယ် သံဃာတော်ခုံနား သွားရပ်နေတဲ့. ကျွန်မတို့ လည်း တထိတ်ထိတ်နဲ့ လိုက်လာလိုက်တာ မြောက်ဥက္ကလာ တံတား အဆင်းမှာ စစ်သေးတယ် လူတွေက ပိတ်ကျပ်နေတော့ သူတို့ အတွင်းထဲ အထိ လိုက်မကြည့်နိုင်ဘူး နောက် ကားပေါ်ကနေ ကျွန်မတို့  ဘယ်ဆင်းသွားရမှန်း မသိဖြစ်နေတယ်

မိုးကလဲ တော်တော်ကို ချူပ်နေပြီလေ နောက်မှ ဆုံးဖြတ်ပြီး ကမ္ဘာအေး ဘုရားကို ချီတက်ကြဖို့  ဆုံးဖြတ် လိုက်တယ် အဲ့အချိန်တုန်းက တရုတ်ပြည်ကနေ စွယ်တော် ကြွနေတဲ့အချိန် လူတွေဆိုတာ အုံခဲနေတာပဲ စစ်မယ့် ဆေးမယ့်သူလည်း မရှိဘူး စွယ်တော်ထဲ မ၀င်ရင် ပြောပါတယ် (ဒီဇင်ဘာ ၂၅မှာ ဗုန်းပေါက်ခဲ့တယ် အဲ့မတိုင်ခင် အချိန် ကိုးရက်နေ့ပါ) အပြင်မှာ ညအိပ်လို့ လည်း ရတယ်လေ..နောက်နေ့ တာမွေ လမ်းဆုံ ဒါမှမဟုတ် လှည်းတန်း လမ်းဆုံ ဆုံရပ်မှာ ပြန်ဆုံကြမယ်လို့ ချိန်းထားခဲ့တယ်..

နောက်နေ့ကတော့ သိတဲ့အတိုင်းပါပဲ လှည်းတန်း လမ်းဆုံမှာ ဆန္ဒပြ ရောက်ရှိနေတဲ့ သူတွေကို ကမ္ဘာပေါ်မှာ လူစုခွဲနည်းထဲက အညင်သာဆုံး နည်းလမ်းဖြေရှင်းခဲ့တယ် အိမ်တွေထဲတောင် မရှောင် နံပတ်တုတ်လေးတွေနဲ့ လိုက်ရိုက် မီးသတ်ပိုက်လေးတွေနဲ့ထိုး အားလုံး စုတ်ပြတ်သတ် လူရုပ်မပေါ်အောင် အနာတရ ဗလပွနဲ့ မသေရုံတမယ် ဖြစ်အောင် အနူးညံ့ဆုံး နည်းပေါင်းစုံသုံး ရိုက်နှက်သတ်ဖြတ် ပြီး လူစုခွဲလိုက်ပါတယ်..

(အဲ့ဒီ့တုန်းက ဗိုလ်ခင်ညွန့်က ပြောခဲ့တယ် တရုတ်မှာဆို တင့်ကားနဲ့တောင် တက်ကြိတ်တာ ကျွန်တော်တို့ အညင်သာဆုံး တက္ကသိုလ်ကျောင်းသားတွေကို လူစုခွဲခဲ့ပါတယ်တဲ့ ပြောခဲ့တဲ့ သူမျက်နာ တည့်တည့်ကို ပြင်းအားကြီးလွန်းတဲ့ မီးသတ်ပိုက်နဲ့ ထိုး စမ်းကြည့်ချင်တာ တစ်ခုပါပဲ)

ပြေးကြ လွှားကြရင်းနဲ့ နောက်ရက်တွေမှာ အပြင်မှာ ဘယ်လိုမှ နေလို့မရတော့တာနဲ့ အမေ့အိမ်ကို ဒယီး ဒယိုင်နဲ့ ပြန်လာခဲ့တယ် ဆံပင်စုတ်ဖွား ကြောင်ချီးရုပ်နဲ့ ကျွန်မကို လမ်းထဲက ခွေးတွေတောင် မမှတ်မိလို့ ဟောင်လိုက်ကြတာ သရဲ ၀င်လာတဲ့ အတိုင်းပဲ အူလိုက် ဟောင်လိုက်ကြတာများ စီစီကို ညံလို့ အဖေက အဲ့ဒီ့ ကတည်းက အိမ်ထဲက အိမ်ပြင် လုံးဝကို ပြေးမထွက်တော့ပါဘူး

ပထမနှစ်မှာပဲ တက္ကသိုလ် ကျောင်းတွေ အကန့်အသတ်မရှိ ပိတ်သွားခဲ့ပါတယ် တက္ကသိုလ် စတက်တဲ့ အချိန်တုန်း က စိတ်ကူးယဉ်ခဲ့တဲ့ ကျွန်မ ဘ၀ အနာဂတ်တွေ အားလုံးဟာ ပြောင်းပြန်လှန်ကုန်တော့တာပါပဲ ၁၉၉၆ကနေ ၂၀၀၀ပြည့်နှစ်အထိ လေးနှစ်တိတိ ပိတ်ခဲ့တဲ့ ကျောင်းပိတ်ရက်တွေဟာ ကျောင်းသား တစ်ယောက်ရဲ့ ဘ၀တွေ အခြေအနေတွေကို ကောင်းကောင်းကြီး ပြောင်းလဲပစ်နိုင်ပါတယ်

ယောင်ခြောက်ဆယ် ဝေလေလေဖြစ်နေတဲ့ ကျွန်မ လမ်းထွက်ပြီး သူငယ်ချင်းတွေနဲ့ ကျွန်မ စိတ်ဝင်စားစ ပြုလာတဲ့ နိုင်ငံရေးနဲ့ ပညာရေး ဆက်စပ်မူ နိုင်ငံရေးနဲ့ စီးပွားရေး စသဖြင့် စသဖြင့် စပ်စု စူးစမ်းလိုစိတ်တွေ ပြင်းပြ လာတဲ့အခါ ရေဒီယို ဂေါ်ဂေါ်ဂွီဂွီကို မရရအောင် အသံဖမ်းပြီး မျက်မှောင်ကျုံ့ အံကို တင်းတင်းကြိတ်ပြီး ကျွန်မ နားထောင် လာတာတွေကို တွေ့လာတဲ့ အဖေဟာ အမေနဲ့ တိုင်ပင်ပြီး ကျွန်မကို လုပ်ငန်းခွင်တွင်း သွတ်သွင်းဖို့  ကြိုးစား လာပါတော့တယ်..

ကျွန်မ ပထမဆုံး ၀န်ထမ်းဘ၀ကို စရောက်သွားတဲ့အချိန်မှာ ကျွန်မ အသက် ၁၈နှစ်မပြည့်သေးပါဘူး (ကလေးအလုပ်သမားလို့ ဆိုနိုင်တဲ့ အရွယ်ပါ)..ပထမဆုံး ၀န်ထမ်းဘ၀( သူများအလုပ်သမား) လုပ်ရတဲ့အခါ ခံစားခဲ့ရတဲ့ အတွေ့အကြုံတွေကို ဆက်ရေးပြချင်ပါသေးတယ်
( ၁၉၉၆ခုနှစ် ပထမနှစ်ကျောင်းသူဘ၀တုန်းက ကိုယ်တိုင်ခံစားခဲ့ရ တွေ့ကြုံခဲ့ရတဲ့ ကလေးသာသာတုန်းက ခံစားချက်သပ်သပ်ဖြင့် ရေးဖွဲ့ခြင်း ဖြစ်ပါသည် ၁၉၉၆ ကျောင်းသားလူပ်ရှားမူအတွင်း ဘ၀တွေ အသက်တွေ ပေး စတေး သွားကြတဲ့ ကျောင်းသား ကျောင်းသူ နောင်တော် အစ်မတော်တွေကို ဦးညွတ်ပါတယ်)
စာသား credit to Ma su Mon (မဆုမွန်)

ဖြူနှင်းထွေးလွတ်မြောက်ရေး အမေရိကန်ရောက် မြန်မာများက ဆန္ဒပြ

Post by ချမ်းလင်းနေ.