Thursday, December 30, 2010

ပထမဆုံးသော မြန်မာလူမျိုး အနောက်တိုင်း ဆရာဝန် ဒေါက်တာ ရှောလူ (၁၈၃၉-၁၉၂၉)


ဒေါက်တာရှောလူသည် ၁၈၆၄ခုနှစ် အမေရိကန်ပြည် ဘက်နယ်လ်တက္ကသိုလ် (Bucknell University) တွင် စတင်ပညာသင်ကြားခဲ့သော ပထမဆုံးသော အမေရိကန်ရောက် မြန်မာလူမျိုး ဆေးကျောင်းသားတစ်ဦးဖြစ်သည်။ သူသည် ၁၈၅၈ ခုနှစ်တွင် အမေရိကန် ပင်ဆယ်ဗေးနီးယားပြည်နယ် (Pennsylvania)သို့ ရောက်ရှိခဲ့သည်။

ဒေါက်တာရှောလူကို ၁၈၃၉ ခုနှစ်၊ ဇန်နဝါရီလ ၁ ရက်နေ့တွင် မော်လမြိုင်မြို့တွင် ဖွားမြင်ခဲ့သည်။ အဖ ဦးရွှေသက်၊ အမိ ဒေါ်ဖွားလှတို့၏ သားအကြီးဆုံး ဖြစ်သည်။ ခရစ်ယာန်ဘာသာဝင် မွန်လူမျိုး ဖြစ်သည်။ မော်လမြိုင်တွင် ခရစ်ယာန် သာသနာပြု ဒေါက်တာ ဂျဒ်ဆင်(Adoniram Judson)နှင့် အိမ်နီးချင်း ဖြစ်သည်။ ဒေါက်တာရှောလူ၏ ဆရာဝန်မဖြစ်မှီ ငယ်စဉ်ဘဝများကား ကြမ်းတမ်းလှပေသည်။ သူသည် ငယ်စဉ်က ပညာ သင်ကြားရေးကို စိတ်အားထက်သန်သည်။

Sunday, December 26, 2010

မြန်မာဝတ္ထုတို(၁၉၁၂ - ၁၉၆၄) ပထမအုပ်

ဒီစာအုပ်ကို မူရင်းတင်ထားတာက Burmese Classic ကပါ။ သူတို့က ဖိုင်တွေခွဲတင်ထားတာပါ။

ကျွန်တော်လဲ အားလုံးကိုဖတ်ရင်းနဲ့မှ တစ်စုတဝေးထဲ ဖြစ်အောင်ပေါင်းလိုက်မယ်ဆိုတဲ့ဆန္ဒနဲ့ ဝတ္တုတိုတွေအားလုံးစုပေါင်းပြီး PDF ထုတ်လိုက်တာပါ။ မူရင်းတင်သူတွေအနေနဲ့ နားလည်မယ်လို့ထင်ပါတယ်။ ရေးသားသူတွေကတော့ -

Thursday, December 23, 2010

ဖေမြင့် - မရဏနုဿတိနှင့် အခြားဝတ္ထုတိုများ

ဖေမြင့် - မရဏနုဿတိနှင့် အခြားဝတ္ထုတိုများ စာအုပ်အသစ်ကလေးပါ။ အွန်လိုင်းမှာ မရှိသေးလို့ ကျွန်တော်ဘာသာ scan ဆွဲပြီး PDF လုပ်ထားတာပါ။

ဒီမှာ ဒေါင်းယူသွားနိုင်ပါတယ်။


Mediafire

Multiupload

Google Docs

ဆက်လက်ကြိုးစားပါဦးမည်။


Saturday, December 18, 2010

အီးဘွတ်လိုက်ဘရီလေး (Offline Ebooks Libery)

ကျွန်တော်မှာရှိတဲ့ သိပ္ပံမောင်ဝ၏ ဝတ္ထုဆောင်းပါးများစာအုပ်လေးကို ဖတ်ချင်သူများအတွက် တင်ပေးလိုက်ပါတယ်။ လိုချင်သူများ ဒေါင်းသွားကြပါ။


ဒီစာအုပ်ပိုင်ရှင် ကျွန်တော်အဒေါ်ဆီက မနည်းတောင်းလာရတာ။ အတော်ကို ဟောင်းနေပြီ။ ကျွန်တောစာတွေ ဖတ်ချင်လာတာကလည်း သူကြောင့်ပါ။ သူက စာအရမ်းဖတ်တယ်။ စာအုပ်တွေစုတာလဲ ဝါသနာပါတယ်။ ဘယ်လောက်ပါသလဲဆို အိမ်ထောင်မပြု အပျိုကြီးဘဝ ရောက်သွားတာသာကြည့်ဗျာ။ တနေ့တနေ့ စာအုပ်နဲ့ မျက်နှာမခွာဘူး။ အလုပ်နားတာနဲ့ စာအုပ်ချည်းဖတ်နေတော့တာပဲ။

သူဆီမှာဆို ဟိုအရင်က စာအုပ်တွေအများကြီးရှိတယ်။ ကျွန်တော်ငယ်ငယ်ကဆို စာအုပ်တွေ ဝယ်မဖတ်ခဲ့ရဘူး။ အဘိုးစုထားခဲ့တာရော၊ အဒေါ်စုဆောင်းထားတဲ့ စာအုပ်တွေရော မနည်းရှိခဲ့တာ။ အခုတော့ အဒေါ်လဲ သူအသက်ကြီးပြီဆိုတော့ သူ့စာအုပ်တွေအပေါ် မခင်တွယ်နိုင်တော့ဘူးလေ။ ဒါကြောင့် သူစာအုပ်အကုန်လုံးကို အဖိုးရဲ့ဇာတိမြေ ညောင်ရမ်းမြို့က အဘိုးကိုယ်တိုင်ထူထောင်ထားခဲ့တဲ့ စာကြည့်တိုက်မှာ အကုန်သွားလှုခဲ့တယ်ဗျာ။

အခုဒီစာအုပ်တောင် မနည်းတောင်းလာရတာ။ အင်တာနက်ပေါ်မှာလဲ မရှိသေးဘူး။ ဒါကြောင့် သူများတွေလဲဖတ်စေချင်လို့ စကန်ဆွဲပြီး တင်လိုက်တာ။ စာတော့ မရိုက်နိုင်လို့ဗျာ။ ကျွန်တော် နောက်ဆို ဖရီးအီးဘွတ် လိုက်ဘရီလေးတစ်ခု လောက်လုပ်ချင်သေးတယ်ဗျာ။

အမိမြေက ဒေါင်းလုပ်လုပ်ဖို့ ခက်နေတဲ့သူတွေကို သူတို့လိုချင်တဲ့စာအုပ်တွေ၊ သူတို့ဖတ်ချင်တဲ့ စာအုပ်တွေကို PDF ဖိုင်အဖြစ်နဲ့ ကျွန်တော့် လိုက်ဘရီလေးဆီကနေ လာရောက်ကူးယူလို့ရအောင်ပေါ့။ အခုလောလောဆယ် ကွှန်တော်ဆီမှာ အွန်လိုင်းကနေ စုထားတဲ့စာအုပ် ၂၀၀၀ ကျော်သွားပြီ။ အခုလောလောဆယ် မြန်မာ EBook တွေပဲ ဦးစားပေးစုဆောင်းနေသေးတယ်။ နောက်မှ အင်္ဂလိပ်စာအုပ်တွေ ဆက်စုမယ်။ ကျွန်တော်လုပ်နိုင်သ၍၊ စုဆောင်းနိုင်သ၍ပေါ့။

ကျွန်တော်ဆီမှာ အခုလောလောဆည်ရှိသမျှ မြန်မာEbook စာအုပ်တွေကို အားတဲ့အချိန်လေးမှာ စာရင်းလုပ်နေတာ။ အတော်ပြီးနေပြီ။ နောက်မှ စာအုပ်စာရင်းကို ပို့တင်တော့မယ်။ မိတ်ဆွေတို့ဆီမှာ ရှိရင်လဲ ရှိတဲ့ အင်္ဂလိပ်၊ မြန်မာPDF Ebookတွေ ဝေမျှချင်ရင် ဝေမျှလို့ရပါတယ်ဗျာ။ chanlinnayblog@gmail.com ဆီသာ ပို့လိုက်ပါနော်။ ကျေးဇူးတင်နေမှာပါ။ လိုချင်သူများရှိလဲ မှာနော်။ ကျွန်တော်မှာရှိတဲ့စာအုပ်ဆို ပို့ပေးလိုက်မယ်။ မေးလ်လေးသာ ပေးခဲ့ပါဗျာ။

Tuesday, December 14, 2010

တာတီးနှင့်မဲတူ



“ဒိုင်း
ဆိုသော သေနတ်သံသည် အရှေ့ဘက်တောင်တန်း တစ်လျှောက်သို့ ဝေါကနဲ ပဲ့တင်ရိုက်ခတ်သွားလေ၏။ အိမ်သားတို့မှာ တစ်ပြိုင်နက် လက်ဝါးဖြင့် မျက်နှာကိုအုပ်ထားလိုက် ကြသည်။ ပြန်၍မရဲတရဲဖွင့်ကြည့်လိုက်ကြသောအခါတွင် အဖေသည် သူ၏ လက်ထဲမှသေနတ်ကို မုန်းတီးရွံရှာစွာ ခေတ္တမျှစိုက်ကြည့်ကာ မြေပေါ်သို့ ပစ်ချလိုက်ပြီး တပွက်ပွက် ယိုစီးထွက်ကျ လျက်ရှိသောသွေးအိုင်ထဲတွင် တုံးလုံးကလေး လဲနေရှာသည့် “တာတီး” ကို ယူကျုံးမရ နှမြောတသစွာ ငေးစိုက်ကြည့်ရင်း မရှူနိုင် မကယ်နိုင်ဖြစ်နေဟန်တူ၏။ ထို့နောက် တာတီးလဲနေရာသို့ ပြေးသွားပြီး အနီးတွင် ဒူးထောက်၍ ထိုင် ကာတာတီး၏ ပူပူနွေးနွေးပျော့ခွေ လျက် ရှိသော ကိုယ်ကလေးကို တအားပွေ့ယူလျက်မျက်နှာချင်း အပ်ထားလိုက်ကြသည်။
ထိုစဉ်က အဖေ ငိုသည် မငိုသည်ကို သေချာမသိခဲ့သော်လည်း ဖားဖိုကြီးလို ပိန်ချည်ဖောင်းချည် ဖြစ်နေသော အဖေ့ကျောပြင်ကြီးကိုတော့ နောက်ဘက်မှ အတိုင်းသား မြင်ခဲ့ရသည်။ လူတိုင်းပင် ကျောက်ရုပ်တုများကဲ့သို့ တောင့်တောင့်ကြီးရပ်ကာ ကြောင်တောင်ငေးနေကြသည်။ အကျိုးအကြောင်း စုံစမ်းမေးမြန်းရန် အပြေးအလွှား ရောက်လာကြသည့် အိမ်နီးချင်းများပင်လျှင် အဖေနှင့် တာတီးတို့ အဖြစ်ကို မြင်ကြသောအခါ အံ့သြမိန်းမော ကုန်ကြ၏။

Thursday, December 2, 2010

အိန္ဒိယမှ ဗုဒ္ဓဝင်ပန်းချီ

မဟာသက္ကရာဇ် ၆၈ ခု (၆၂၈ ဘီစီ) ကဆုန်လပြည့် သောကြာနေ့
ဒေဝဒဟပြည်အနီး လုမ္ပိနီဥယျာဉ်တွင် ဘုရားအလောင်း သိဒ္ဓတ္ထကို မယ်တော် မာယာဒေဝီ ဖွားတော်မူစဉ်
(ဘုရားလောင်းသည် ဖွားလျှင်ဖွားခြင်းပင် မတ်တပ်ရပ်ကာ ခြေခုနှစ်လှမ်း လှမ်းတော်မူပြီး
"ငါသည် တစ်လောကလုံးထက် မြတ်၏"
ဟု ကြုံးဝါးတော်မူသည်။ ဘုရားအလောင်းတော်နှင့်အတူ ယသော်ဓရာမင်းသမီး၊ ညီတော် အာနန္ဒာ၊ ကာဠုဒါယီ အမတ်၊ ဆန္ဒအမတ်၊ ကဏ္ဍကမြင်းတော် နှင့် ရွှေအိုးကြီးလေးလုံး စသော ဖွားဘက်တော်ခုနှစ်ဦးပါ ဖွားတော်မူသည်။)


ဖွားမြင်ပြီး ငါးရက်မြောက် ပုဏ္ဏား ခုနှစ်ယောက်အနက်မှ အငယ်ဆုံး ကောဏ္ဍညပုဏ္ဏားမှ သိဒ္ဓတ္ထမင်းသားအား ဘုရားရှင် ဧကန်စင်စစ် ဖြစ်လိမ့်မည်ဟု အလောင်းတော်မင်းသားလေး၏ လက္ခဏာကို ဖတ်ရှုဟောတော်မူစဉ်

သိဒ္ဓတ္ထမင်းသား သက်တော် ၁၆နှစ်သို့ရောက်သောအခါ ယသော်ဓရာဒေဝီနှင့် ထိမ်းမြား၍ နွေ၊ မိုး၊ ဆောင်း သုံးဥတုရာသီတွင် ရာမ္မသုဘသုရာမ္မ ခေါ်သော နန်းသုံးဆောင်၌ မောင်းမမိဿံများနှင့် စံစားစဉ်

ဂေါတမနွယ်ဖွားဖြစ်သော သိဒ္ဓတ္ထဂေါတမမင်းသား သက်တော်၂၈တွင် သူအို၊ သူနာ၊ သူသေ နှင့် ရဟန်း စသော နမိတ်ကြီးလေးပါးတွေ့စဉ်



သိဒ္ဓတ္ထမင်းသား တောမထွက်မှီ ယသော်ဓရာ နှင့် သားတော် ရာဟုလာကို မြင်တွေ့ရှုမြင်စဉ်

ဖွားဘက်တော် ဆန္ဒအမတ် ခေါ်ကာ ကဏ္ဍက မြင်းတော်ကိုစီး၍ သိဒ္ဓတ္ထမင်းသား တောထွက်စဉ်

အနော်မာသောင်ကမ်းတွင် ဆံတော်ပယ်၍ ရဟန်းအဖြစ် ခံယူစဉ်

ဘုရားအလောင်းတော် ခြောက်နှစ်ကြာမျှ ကျင့်ကြံလာသော ဒုက္ကစရိယာကျင့်စဉ်ကို စွန့်လွှတ်၍ မဇ္ဈိမပဋိပဒါ အလယ်အလတ်လမ်းစဉ် လိုက်သဖြင့် ပဉ္စဝဂ္ဂီငါးဦးတို့က စွန့်ခွာတော်မူစဉ်

ကဆုန်လပြည့်တွင် ညောင်ပင်အောက်၌ သုဇာတာသူဌေးသမီးက သားဆုပန်သော နတ်မင်းအထင်ဖြင့်
ရွှေခွက်ဖြင့် ထည့်တားသော ဃနာနို့ဆွမ်းကို ကပ်လှုစဉ်

ဃနာနိုဆွမ်းကို အနည်းငယ်မျှ ဘုဉ်းပေးပြီးသော် နေရဉ္ဇရာမြစ်ကမ်းမှ " ငါ ဘုရား ယနေ့ဖြစ်မည်မှန်ပါက ရွှေခွက်သည် ရေညာသို ဆန်ပါစေသား" ဟု အဓိဌာန်ပြု မျှောလိုက်ရာ ရွှေခွက်သည် ရေညာသို့ဆန်၍ ကမ္ဘာနှင့်ချီကာ အိပ်ပျော်နေသော ကာလနဂါးအား သွားထိမိလိုက်စဉ်
(အချို့သော ဗုဒ္ဓစာပေများတွင် ဗြဟ္မာကြီးလေးပါး လာရောက်လှုတန်းသော မြသပိတ်လေးလုံး ဆင့်ထားသော သပိတ်ဟုဆိုထားသည်။)

ကဆုန်လပြည့်နေ့ညနေတွင် ဗောဓိညောင်ပင်တွင် ဘုရားဖြစ်ရန်ကျင့်နေစဉ် မာရ်နတ်က စစ်သည်ဗိုလ်ပါအလုံးအရင်းဖြင့် လာရောက်နှောင့်ယှက်စဉ်

လေးသင်္ချေနှင့် ကမ္ဘာတစ်သိန်းဖြည့်ကျင့်လာသော ပါရမီတော်တို့အား မဟာပထဝီမြေကြီး သက်သေထား၍ မာရ်နတ်အားအောင်နိုင်ပြီး အာနာပါနကမ္မဌာန်း ဆက်လက်ရှုမှတ်အားထုတ်ရာ ညဥ့်ဦးယံလွန်သော် ဘဝပေါင်းများစွာ သိနိုင်သော ပုဗ္ဗေနိဝါသဥာဏ် ရတော်မူပြီး သန်းခေါင်ယံ၌ သုံးဆယ်တစ်ဘုံတွင် ဖြစ်ပျက်နေကြသော နတ်လူဗြဟ္မာ သတ္တဝါအပေါင်းတို့အား မြင်တော်မူသော ဒိဗ္ဗစက္ခုဥာဏ် ရတော်မူစဉ်

မဟာသက္ကရာဇ် ၁၀၃ ခု၊ ကဆုန်လပြည့် ဗုဒ္ဓဟူးနေ့ မိုးသောက်ယံတွင် ကိလေသာအပေါင်းအား ပယ်သတ်တော်မူသော အာသာဝက္ခယဥာဏ် ရပြီး အာရုဏ်တက်သည်နှင့် သုံးလောကထွဠ်ထား သဗ္ဗေညုတဘုရား အဖြစ်သို့ ရောက်တော်မူစဉ်

ဗုဒ္ဓဘုရားရှင်က ဘုရားဖြစ်မြောက်ပြီး သတ္တဌာန ခုနှစ်နေရာ လှည့်လည်တရားအားထုတ်နေချိန် ဗောဓိပင် အရှေ့မျက်နှာ ၃၂ လံအကွာရှိသော အဇပါလ ဆိတ်ကျောင်းညောင်ပင်ရင်း၌ မာရ်နတ်၏ သမီးတော်သုံးပါးအား တရားပြ ချွတ်တော်မူစဉ်

မုစလိန္ဒအိုင်အနီး ကျဉ်းပင်ခြေရင်း၌ မုစလိန္ဒနဂါးမင်း အစောင့်အရှောင့်ဖြင့်
မုစလိန္ဒသတ္တာဟ ခုနှစ်ရက်စံစားတော်မူစဉ်

ဝါဆိုလပြည့် နေဝင်စအချိန်တွင် ဗုဒ္ဓသည် ပဉ္စဝဂ္ဂီငါးဦးကို ဓမ္မစကြာတရား ဟောကြားတော်မူစဉ်
(တစ်ဆယ့်ရှစ်ကုဋေသော ဗြဟ္မာတို့နှင့်အတူ အရှင်ကောဏ္ဍည သောတာပန်တည်သည်။)

ဘုရားရှင်သည် တပည့်သားသံဃာတော်များ များပြားလာပြီး ရဟန်းကျင့်ကြံနည်းတို့ကို သိရှိစေရန် အလို့ဌာ ပထမအကြိမ် သံဃာ့အစည်းအဝေးကျင်းပပြီး ထိုအစည်းအဝေးတွင် ဘုရားက
"ချစ်သားရဟန်းတို့ ရဟန်းမှန်က သူတစ်ပါးကို မညှဉ်းဆဲရ။ မကောင်းမှု မပြုအပ်ရ။ ကုသိုလ်ကောင်းမှုကိုသာ ပြုအပ်သည်။ မိမိစိတ်ကို စင်ကြယ်စွာ ထားအပ်သည်"
ဟု ဟောတော်မူစဉ်

တပေါင်းလပြည့်နေတွင် ဘုရားရှင်သည် ကပိလဝတ်ပြည်သို့ ကြွလာစဉ် သုဒ္ဓေါဒနမင်းကြီးနှင့် သာကီဝင်မင်းမျိုးတို့သည် မာန်မာနကြီး၍ ဗုဒ္ဓထက် ငယ်ရွယ်သောသူများသာ ရှိခိုးဦးကြိုကြပြီး ကြီးရင့်သောသူများက ရှိမခိုးပဲရှိနေကြသောကြောင့် ဘုရားရှင်မှ ပေါက္ခရဝဿမိုးရွာ၍ တန်ခိုးပြတော်မူစဉ်
(ပေါက္ခရဝဿမိုးဆိုသည်မှာ စိုစွတ်စေလိုသူသာ စိုစွတ်၍ မစိုစွတ်လိုသူကို မစိုစွတ်စေသောမိုး ဖြစ်သည်။)

ဘုရားရှင်သည် တုသိတာနတ်ပြည်တွင် သန္တုဿိတနတ်သား ဖြစ်တော်မူနေသော မယ်တော်မာယာအား မွေးကျေးဇူးဆပ်သောအားဖြင့် တာဝတိံသာနတ်ပြည်သို့ ကြွတော်မူပြီး ဝါတွင်းသုံးလပတ်လုံး အဘိဓမ္မာတရား ဟော်ကြားတော်မူသည်။ ဝါကျွတ်သောအခါ ဘုရားရှင် လူ့ပြည်သို့ ပြန်ကြွတော်မူသော် သိကြားမင်းက နတ်ပြည်မှ လူ့ပြည်အထိ လက်ယာ ရွှေစောင်းတန်း၊ လက်ဝဲ ငွေစောင်းတန်း၊ အလယ် ပတ္တမြားစောင်းတန်း လှေကားသုံးသွယ်ဖန်ဆင်း၍ နတ်ဗြဟ္မာတို့က ရွှေထီးတံခွန်၊ ငွေထီးတံခွန်၊ သန္တာထီးတံခွန်များဖြင့် ကိုင်ဆောင်လိုက်ပါလာကြစဉ်

သက်တော် ၈၀ဝါတော် ၄၅ ဝါအရောက်တွင် သုံးဆယ်တစ်ဘုံရှိ သတ္တဝါအပေါင်းတို့အား နိဗ္ဗာန်ရောက်ရန် အကျင့်တော်မြတ်တို့ကို နေ့ညမပြတ် ညွှန်းပြသွန်သင် ဆုံးမတော်မူခဲ့သော သုံးလူထွဠ်ထား မြတ်စွာသော ဗုဒ္ဓဘုရားရှင်သည် မဟာသက္ကရာဇ် ၁၄၈ ခု ( ဘီစီ ၅၃၄) ကဆုန်လပြည့် အင်္ဂါနေ့ ညဥ့်အရုဏ်တက်ခါနီး မိုးသောက်ယံတွင် ပရိနိဗ္ဗာန်ပြုတော်မူစဉ်

ဇာတိပုည၊ ဂုဏ်မာနဖြင့်
သံပဟုံးစုံး၊ ဖက်မဲ့ကြုံးသား
အားသုံးထောင်ထား၊ မျိုးလေးပါး၏
တက်ပွားစောင်မာန်၊ လွှားတံခွန်ကို
ပြင်းဝှန်းမုန်တိုင်း၊ ခတ်ချိုးလှိုင်သို့
ဖြတ်ပိုင်းလှဲချ၊ တတ်စွမ်းလှသား
မိဘနွယ်ပေါင်း၊ သိန်းခြောက်သောင်းလျှင်
မင်းကောင်းစဉ်ရိုး၊ ကျော်လွှံ့ဟိုးလျက်
မြေမိုးရပ်သူ၊ လူခပ်သိမ်းတို့
ညွတ်တိမ်းပူဇော်၊ ကျေးဇူးတော်လည်း
နှိုင်းဖော်တုကျွန်း၊ မြင်းမိုရ်ထွန်းသို့
ရဟန်းများထွတ်၊ သုံးလူ့နတ်ကား.........။

ရှင်မဟာရဋ္ဌသာရ၏ 'ကိုးခန်းပျို့'

ဆက်လက်ကြိုးစားပါဦးမည်။


Friday, November 26, 2010

ဖိုးသူတော် ဦးမင်း နှင့် လူဦးမင်း

ငယ်စဉ်ကျောင်းနေအရွယ်တုန်းက သင်ခဲ့ရဖူးသည့် ကွမ်းအကြောင်းရေးစပ်ထားတဲ့ ကဗျာလေးနှစ်ပုဒ် အကြောင်းကို “ငယ်ဘဝမှာမှတ်မိသောကဗျာများ”ဆိုတဲ့ တက်ပိုဒ်လေးမှာ ထည့်ရေးခဲ့ဖူးပါတယ်။ ဒီကွမ်းယာ၊ ကွမ်းသွေးအကြောင်း အပြိုင်ရေးဖွဲ့ခဲ့ကြတဲ့ လူဦးမင်းနှင့် ဖိုးသူတော်ဦးမင်းတို့ကို လူတိုင်းနီးပါးလောက်က သူတို့အကြောင်းနှင့် သူတို့နှစ်ဦး အပြိုင်ရေးစပ်သီကုန်းခဲ့ကြသော အခြားသောကဗျာတွေကို သေချာမသိကြပေမယ့် လူဦးမင်းရယ်၊ ဖိုးသူတော်ဦးမင်းရယ် လို့သာဆိုလိုက်ရင်ဖြင့် အကုန်နီးပါးသိကြဖူးမှာပါ။ (ကျွန်တော်လဲ အတူတူပါပဲ။) သူတို့နှစ်ဦးဟာ မြန်မာတို့ရဲနောက်ဆုံးနန်းဆက် ကုန်းဘောင်မင်းဆက်မှာ အတော်လေးကို အမည်ကျော်ကြား ဂုဏ်သတင်းထွားခဲ့ကြတဲ့ မြန်မာ့စာဆိုတော်ကြီးတွေထဲမှာ ပါဝင်တဲ့ မြန်မာကဗျာစာဆိုနှစ်ဦးပါပဲ။
ဖိုးသူတော်ဦးမင်း
ခတ်ရင်းစွယ်စုံ စိန်တောင်ကြီးနှင့်-ချီ တောင်သူကြီးရုပ်ဖွဲ့ ဒုံးချင်းရေးသူ ဖိုးသူတော်ဦးမင်း၏ မွေးဌာနီမှာ မိတ္ထီလာကန်အောက် ပင်းတလဲမြို့အနီး ရေဝေရွာ ဖွားရာဇာတိဖြစ်သည်။ ငယ်အမည်မှာ “မောင်မင်း” ဖြစ်သည်။ နောက်ဖိုးသူတော်အဖြစ်နေရာ ငယ်နာမည်မပျောက်ပဲ ဖိုးသူတော်ဦးမင်းဟု အမည်ထင်ရှားလေသည်။ အမရပူရမြို့ ပုဂံမင်း၊ မင်းတုန်းမင်းတိုရဲ့ ဘကြီးတော် ရတနာပူရ စတုတ္ထမင်းတရားကြီး (စစ်ကိုင်းမင်း) လက်ထက်တွင် စာတိုတော်အဖြစ်ဖြင့် ဝင်ထွက်ခစားရသည်။ စာဆိုတော် လူဦးမင်းနှင့် အချီအချဆိုရ ရေးရသည်။ကုန်းဘောင် ရွှေဘိုမင်းတရားကြီး လက်ထက်အထိ ဖိုးသူတော်ဦးမင်းသည် တေးထပ်၊ ခွန်းထောက်၊ သဖြန်၊ လေးချိုးကြီး၊ ရတု၊ ဒုံးချင်းများကို ရေးသားဖွဲ့ဆို သီကုန်းလေ့ရှိသည်။
ရေဝေရွာကို နှုတ်လွှတ် “ရဝေ”ဟု အခေါ်များကြသည်။ ရှေးက ယင်းအရပ်၌ မိုးရွာသွန်းသည့်အခါ တောရေတောင်ရေများ ပြည့်လျှံတက်လာရာ အရှေ့ဘက် မိတ္ထီလာကန်အရောက် စီးဆင်းသွားသည်။ထိုအရပ်မှနေ အရှေ့အနောက်သို့ ရေများခွဲဝေ စီးဆင်းသွားကြသဖြင့် “ရေဝေအရပ်”ဟုခေါ်ကြောင်း မှတ်သားရပေသည်။
သက္ကရာဇ် ၁၁၉၉-ခုနှစ်တွင် ကုန်းဘောင်ရွှေဘို မင်းတရားကြီး နန်းတတ်၍ ဥကင်သမင်္ဂလာ အခမ်းအနားဖွင့်သောအခါ အမတ်ကြီး ဦးပေါ်ဦးစာဆိုတော်ဦးမင်း၊ ဝက်မစွတ်မြို့စား ဒုတိယ န၀ဒေးတို့နှင့်အတူ ဘုန်းတော်ဖွဲ့ ရတုများကို အပြိုင် ရေးသားဆက်သွင်းရသူဖြစ်သည်။
လူဦးမင်း
သက္ကရာဇ် ၁၁၆၂ ခုနှစ် တပေါင်းလဆန်း ၅ ရက် အင်္ဂါနေ့ဖွားမြင်သည်။ဇာတိမှာ ရွှေဘိုမြို့ မြောက်လက်အရပ်၊ ရှေးအခေါ် ငါးရာနဲ၊ ယခုအခေါ် ငရနဲဇာတိဖြစ်သည်။ငယ်မည်မှာ မောင်စံရွှင် ဖြစ်ပြီး မယားမှာ ငရနဲမြို့သူ မခက်ဖြစ်သည်။
အမရပူရ ဒုတိယမြို့တည် ကုန်ဘောင်မင်းတရားလက်ထက် နေမျိုးသီရိကျော်ထင် ဟူသောဘွဲ့အမည်ဖြင့် ကွမ်းဖိုးစား၊ ကွမ်းဖိုးထိန်းအဖြစ် တာဝန်ထမ်းဆောင်ရသည်။
ပုဂံမင်းတရားလက်ထက် ယောက်ဖမင်းသား မောင်ကျောက်လုံးက ကွမ်းဖိုးထိန်း နေမျိုးသီရိကျော်ထင်ကို သနားတော်မူပါမည့်အကြောင်း သံတော်ဦးတင်ရာ ခွင့်သနားတော်မူသောကြောင့် မင်းသားမောင်ကျောက်လုံးနှင့် အတူနေရသည်။နောင် တောင်ငူ၊ ရွှေကျင်သို့ စစ်ချီရာ လိုက်ပါရ၍ ရွှေကျင်မြို့၌ ခေတ္တနေရသည်။
နောက် မင်းတုန်းမင်းတရားကြီးလက်ထက်တော်၌ အိမ်ရှေမင်းတပ်မင်းတော်တွင် ခစားရသည်အခါ နေမျိုးသင်္ခယာဘွဲ့အမည်ဖြင့် နာခံတော်ရာထူးကို သနားတော်မူ၍ ရိက္ခာတော်လစားများဖြင့် ချီးမြှောက်ခံရသည်။
စာဆိုတော် ဖိုးသူတော်ဦးမင်းဆက်သွင်းသမျှ ဒွေးချိုး၊ လေးချိူး၊ တေးထပ်၊ ခွန်းထောက်၊ သဖြန်၊ ဘုန်းတော်ဘွဲ့၊ လေးချိုးကြီး၊ ဒုံးချင်း၊ ၁၂ရာသီဖွဲ့သော သီချင်း၊ ကဗျာများကို ဖတ်လျှောက်ရသည်။
မိမိကိုယ်တိုင်လည်း လေးချိုးကြီး၊ တေးထပ်၊ ခွန်းထောက်၊ သဖြန်၊ ၁၂ရာသီဖွဲ့၊ ဒွေးချိုး၊ လေးချိုး၊ သီချင်းများကို ရေးသားလေ့ရှိသည်။၁၂၃၃ ခုနှစ် အသက် ၇၁နှစ်မှာ အဖျားရောဂါနှင့် အနိစ္စရောက်ရသည်။
လူဦးမင်းအနိစ္စရောက်သည့်အခါ ဝတ်လျှက်ရှိသော အင်္ကျီအိတ်ထဲမှ ထန်းရွက်စာလွှာလေးတစ်ခု တွေ့ရသည်မှာ-
“အဇ္ဇတဂ္ဂေ၊ နေ့ရေလို့ လွမ်း။
နှမမောင့်ကိုချစ်တာဖြင့် နည်းရစ်တော့ဝမ်း။”
ထိုစာလွှာလေးကို ကျန်ရစ်သူဆွေးမျိုးတို့က လူဦးမင်းဇနီးကိုပေး၍ လူဦးမင်း၏ နောက်ဆုံးအချိုး သဖြန်းလေးကို သူဇနီးသည်က ကောင်းစွာသိမ်းဆည်းထားလေတော့၏။
လူဦးမင်း၏အကြောင်းကို စစ်ကိုင်းမြို့ ညောင်ပင်သာဆရာကြီး သူတော်ဦးပုည မိန့်ချက်မှာ ရတနာပူရ စတုတ္ထမြို့တည် ဘကြီးတော်မင်းတရားကြီးလက်ထက်တော်တွင် မုံရွေးဆရာတော်မေတ္တာစာကို သက္ကရာဇ် ၁၁၈၉ ခုနှစ် နယုန်လဆန်း ၃ ရက် တနင်္လာနေ့တွင် ရေးစီ၍ပြီးသည်။ နောက်တနေ့ နယုန်လဆန်း ၄ ရက်တွင် ဘကြီးတော်မင်းဆီသို့ ဆက်သွင်းရာ ဖောင်တော်ဦး စနုဆောင်တွင် စံတော်မူနေစဉ် ညီလာခံမူးမတ်အပေါင်းတို့ရှေ့တွင် ရွှေတိုက်အတွင်းဝန်မင်းကြီး မဟာသက်တော်ရှည် ဆက်သသည်။ သံတော်ဆင့် မင်းကျော်သီရိ ၊ ငယ်မည် မောင်ရွှင်ဟု ဖတ်လျှောက်ရသည်ဟု မိန့်သည်။ ထိုမောင်ရွှင်ဆိုသူမှာ မောင်စံရွှင် ခေါ် လူဦးမင်းဖြစ်ပေသည်။
ဖိုးသူတော်ဦးမင်းနှင့် လူဦးမင်းတို့ ကျော်စောသောအခါသည်ကား ဘကြီးတော်မင်းတရား နန်းမတော်မယ်နုတို့ လက်ထက်က စလာပေသည်။
ထိုလက်ထက်တော်က ဖိုးသူတော်ဦးမင်းနှင့်အတူ စာဆိုတော်အမှုကို ထမ်းရွက်ရသောကြောင့် လူမောင်မင်း ဟုခေါ်တွင်စေရန် အမိန့်တော်မှတ်တော်မူသဖြင့် လူမောင်မင်း ဟု ထင်ရှားခြင်းဖြစ်သည်။
ရတနာပူရအင်းဝမြို့ နန်းမတော်မယ်နု တောင်လေသာ၌ ညအခါလသာတွင် စံတော်မူနေစဉ် ဦးမင်းနှစ်ပါးအား “မောင်မင်းတို့ စာဆိုရမည်။ သူတော်ဦးမင်း စာခံတာကို လူဥိးမင်းက စာ အုပ်ရမည်”ဟု မိန်တော်မူသဖြင့်-
သူတော်ဦးမင်းက - ကုဏ္ဍလာ ဒုမ္မာကပေါ။
လူဦးမင်းက - ဂုမ္ဘောဂုမ္ဘီနှင့် တပသီဇာဓိုရ်ဝိတ်ကယ်တို့ ဆေးကြိတ်တဲ့တော။
နောက်တနေ့ နန်းမတော်ကြီးက ပဲဖြူပြုတ်ကလေး ပွဲတော်တည်နေရင်း
“ဆရာကြီးတို့ ပဲဖြူကလေးသည် ငါတို့နိုင်ငံကသာထွက်လို့သာ။ တစ်ပါးနိုင်ငံကထွက်ရင် ပဲတစ်ပြည် ရွှေတစ်ကြက်ဥတန်တယ်။ အလွန်မှ စားလို့အရသာရှိပေတယ်။ လူမောင်မင်းက စာခံ၊ သူတော်ဦးမင်းက စာအုပ် စာဆိုရမည်။ ”
လူဦးမင်း- ပဲကလေးက စိမ့်လိုက်တာ၊ ပြောစရာ ရဘူး။
သူတော်ဦးမင်း- ညအခါ လသာကို တော်သုံးတယ်၊ လေပုန်းကမြူး။
နန်းမတော်ကြီးလဲ ရယ်တော်မူ၍ ဆုတော်များပေးတော်မူသည်။
ထားဝယ်မြို့ဝန်က မယ်ကယ်နှစ်ကို လှပစွာပြုလုပ်၍ နားပန်တော် ဆက်သရာ ထိုနားပန်းတော်ကို စာဆိုတော် လေးဦး စာဆိုတော်မူပြီးမှ ပန်တော်မူမည် ဟု မိဖုရားကြီးမိန့်တော်မူချက်အရ ပထမအပိုဒ်ကို လူဦးမင်း၊ ဒုတိယအပိုဒ်ကို ဖိုးသူတော်ဦးမင်း၊ တတိယအပိုဒ်ကို ရကန်ဆရာကြီး ဦးတိုး၊စတုတ္ထအပိုဒ်ကို ရကန်ဖျက်ဆရာ ဦးလန်း စာဆိုတော် လေးဦးက အလှည့်ကျ နှုတ်ဖြင့်လျှောက်တင်ကြသည်မှာ -
လူဦးမင်း။ ။ ဆင်တော်ရန် ပန်နားကပ်၊ ကျောက်မြတ်ကတဲ့ မခြယ်၊
ဖိုးသူတော်ဦးမင်း ။ ။ သင်္ဘောပါ မယ်ကယ်နှစ်မှာ၊ နတ်ယစ်သည့်နှယ်၊
ရကန်ဦးတိုး။ ။ သီလကုတ် ကြောင်ကြိုးသွယ်၊ စံပယ်တင်ခြယ်သန်း၊
ရကန်ဖျက်ဦးလန်း။ ။ ရွှေဥဘာ ရောင်ခြည်ဝှေ့တယ်၊ နန်းမေ့ဆင်ပန်း။
ရုတ်ခြည်းပေါ်၍ ဆီလျော်အောင် မဆိုင်းမတွ လျှောက်ဆိုကြလျှင် မိဖုရားခေါင်ကြီး အလွန်ဝမ်းမြောက်တော် မူပါသဖြင့် နားပန်းတော် ဆင်မြန်းတော်မူပြီးလျှင် စာဆိုတော် လေးယောက်တို့ကို ဝတ်စုံတစ်စုံစီနှင့် တစ်ပိဿာရှိ ဒိုင်ခွက်တစ်ခွက်စီ ချီးမြှောက်တော်မူလေသည်။
ဆက်ရန်
......
ဆက်လက်ကြိုးစားပါဦးမည်။

Thursday, November 18, 2010

စနေချစ်သူ


စနေချစ်သူ - သုမောင်

စနေနေ့
မန္တလေးဆောင်
အခန်း - M ၁၀၄

“နာမည်ကလေး သိပါရစေ”
“......................”
“အဖြူသက်သက် ထင်ပါရဲ့”
“အဖြူရောင်ဆိုတာ ဘာရောင်တင်တင် အရာထင်တယ်၊ ခေါ်ချင်သလို ခေါ်ရမလား”
“မနှောင့်ယှက်ပါနဲ့....”
“နာမည်မေးတာ နှောင့်ယှက်တာတဲ့လား”
“ဆရာနဲ့ တိုင်လိုက်မယ်....”
“ပဲ့ပါသွားတာကျနေတာပဲ...”
“နာမည်သိတော့ ဘာလုပ်မှာတုံး...”
“သိချင်လို့ပေါ့”
“သိပြီးတော့ကော ဘာလုပ်မှာတုံး...”
“ခေါ်ချင်လို့ပေါ့”
“ခေါ်ပြီးတော့ ဘာလုပ်မှာတုံး...”
“ `ဒီကကို´စကားပြောချင်လို့ပေါ့”
“ဒီကလို့ မပြောပါနဲ့ နာမည်ရှိတယ်...”
“ဘယ်သူကလေးတဲ့တုံးကွယ်”
“သိဘူး...”
“ဟယ်.... ဆန်းတယ်နော်၊ နာမည်က သိဘူးတဲ့၊
ဒီတစ်ခါပဲ ကြားဖူးသေးတယ်”

တနင်္ဂနွေနေ့
လှည်းတန်းဈေး

“ဟေ့- သိဘူး”
“အို- ဘယ်လိုလဲ”
“ `သိဘူး...´ဆိုလို့၊ `သိဘူး´ခေါ်တာပဲ”
“ဘယ်သူက ပြောလို့လဲ”
“မနေ့က နာမည်မေးတော့`သိဘူး´ဆို”
“ကြောင်လိုက်တာ”
“ဒါဖြင့်... မဟုတ်ဘူးပေါ့”
“ဘယ်လိုလဲ ဒါဈေးလယ်ကောင်ရှင့်...”
“သူများတွေလည်း ဒီလိုပါပဲ”
“တခြားစီပဲ”
“အတူတူပါပဲ...”
“သွားစမ်းပါ”
“ဘယ်ကိုလဲ”
“ငရဲပြည်...”
“အတူလိုက်မှာလား ”
“၀ိုင်းကြည့်နေကြတယ်”
“သူတို့ကတော့ ထင်ကြမှာပဲ”
“ရှက်စရာကောင်းတယ်။ ပြန်တော့မယ်”
“ဘယ်ကိုလဲ”
“အဆောင်ကိုပေါ့”
“လိုက်ပို့မယ်လေ”
“လိုပါဘူး”
“အဲဒါဖြင့် အဲ့ဟိုစာအုပ်ကြားထဲ ညှပ်ထားတဲ့ ဒေါနခက်ကလေး
အမှတ်တရပေးခဲ့ပါလား”
“ဟီဟိ...”
“ဘာရယ်တာလဲ”
“ယူချင် ယူထားလေ၊ အဲ့ဒါ ဒေါနခက် ဟုတ်ဘူး...၊ တို့စားဖို့ ၀ယ်လာတာ၊ နံနံပင် တွေရှင့်...”
“မထူးပါဘူး။ အဲဒီနံနံပင်တွေပဲ ပေးခဲ့ပါတော့”

တနင်္လာနေ့
မန္တလေးဆောင်
အခန်း - M ၁၀၄

“မအေးမယ်”
“ဟဲ့-ပလုတ်တုတ်”
“လန့်သွားသလား”
“တို့နာမည် သူဘယ်လိုလုပ်သိလဲ”
“ဒီလိုဒီလိုပေါ့”
“မကျေနပ်ပါဘူး”
“ဘာလို့လဲ”
“မသိစေချင်ဘဲ ဘာလို့သိရတာလဲ...”
“မြားနတ်မောင်က ပြောပြလို့”
“အော့... အော်...”
မြားနတ်မောင်ရှိတာ သူလည်းသိသားပဲ၊ လတ်စသတ်တော့”
“အကျအနကောက်လိုက်တာ...၊ ကဲပါ ပြော... တို့နာမည်ဘယ်လိုလုပ်သိလဲ...”
“မနေ့က ဒေါနခက်ညှပ်ထားတဲ့”
“နံနံပင်တွေပါ ဟီဟိ”
“ဟုတ်တယ် ဟုတ်တယ်၊ အဲ့ဒီနံနံပင်တွေ ညှပ်ထားတဲ့ စာအုပ်မှာ ရေးထားတာ တွေ့လို့ပေါ့”
“မျက်စိကလည်း ကျီးကန်းလိုပဲ”
“ဟုတ်တယ် ဟုတ်တယ်၊ ကိုယ်က... အရုပ်ဆိုးတယ်နော်”
“မဆိုးပါဘူး။ ခပ်လှမ်းလှမ်းက ကြည့်ရင် ဇော်ဝမ်းလိုလို ဘာလိုလိုနဲ့”
“ဟုတ်လား၊ ကိုယ်က ဇော်ဝမ်းလိုပဲ အသံကောင်းလား”
“ဒါပေမဲ့ အဝေးက နားထောင်ရင် ပိုကောင်းတယ်”
“နောက်ကို သီချင်းမဆိုတော့ဘူး”
“ဘာလို့လဲ”
“အဝေးကြီးမှ မသွားချင်ဘဲ”
“အလဲ့”

အင်္ဂါနေ့
တက္ကသိုလ်များ ဗဟိုစာကြည့်တိုက်

“မအေးမယ်က စာဖတ်ဝါသနာပါသလား”
“..............”
“စိတ်ဝင်စားနေလိုက်တာ ဘာစာအုပ်လဲ”
“စံရွှေမြင့်ပါ”
“အပြင်က ငှားလာတာထင်တယ်”
“အကြောင်းမရှိ အကြောင်းရှာပြီး လိုက်လာတာ မသိဘူး မှတ်သလား”
“အကြောင်းရှိတာပေါ့”
“ဘာလဲ”
“သိသားနဲ့”
“သိပါဘူး”
“မအေးမယ်ဟာ.... လူတော်ပဲ၊ အပွေးမြင် ဒီအပင် ဘာအသုံးကျတယ်ဆိုတာ သိရမှာပေါ့”
“သူ့ကို မေးစရာတစ်ခုရှိတယ်...”
“အဲဒါသိလို့ လိုက်လာတာပေါ့”
“ဖောက်ပြီ အကောင်းပြောမလို့ဟာ”
“ဘာကိုလဲ”
“သူ့နာမည်လည်း သိထားချင်လို့ပါ...”
“နက်ဖြန်မှ ပြောမယ်”
“ဘာဖြစ်လို့...”
“ရှက်လို့”
“သူကများ...”
နာမည်သိချင်ရင် နက်ဖြန် ယုဒသာန် လမ်းထိပ်က အုတ်ခုံလေးမှာစောင့်”
“ဟေ့ တို့လည်း အဖြေမပေးဘဲ အနိုင်နဲ့ မပိုင်းနဲ့။ ဟေ့... အို...သိပ်ဆိုးတဲ့ ကောင်လေး ...”

ဗုဒ္ဓဟူးနေ့
မန္တလေးဆောင်
အခန်း- M ၁၀၂

“ဒီမယ် မင်း မအေးမယ်ရဲ့ သူငယ်ချင်း မဟုတ်လား”
“ဘာကိစ္စရှိလို့လဲ”
“မအေးမယ် ကျောင်းမတက်ဘူးလား”
“တက်သားပဲ”
“မတွေ့လို့ပါ”
“ကျွန်မနဲ့ အမြဲတမ်းတွဲလျက်ပဲ”
“ကျွန်တော်နဲ့ ချိန်းထားတာက တစ်နေရာပဲ”
“ချိန်းထားတဲ့နေရာမှ ကျွန်မ မသိဘဲ”
“ခင်ဗျားကို ချိန်းတာမှ မဟုတ်တာ”
“ရှင်နဲ့ သူနဲ့သိလို့လား”
“မသိဘဲ ချိန်းပါ့မလား”
“သူ ရှင်နဲ့ မတွေ့ချင်လို့ နေမှာပေါ့....”
“မဖြစ်နိုင်တာပဲ”
“ကိစ္စရှိလား.....”
“ကျွန်တော့်နာမည်ကို သူသိချင်တယ် ဆိုလို့ပါ၊ ခု....သူဘယ်သွားလဲ”
“အဆောင်ပြန်သွားပြီ။ ယူ့နာမည် ပြောခဲ့လေ.....”
“မောင် လို့ ပြောပေးပါ”
“ဘာရယ်”
“သြော် “မောင်” လို့ပါ”

ကြာသပတေးနေ့
ဘွဲ့နှင်းသဘင်ရှေ့

“ဟေ့ ဟေ့....”
“ကိုယ့်ကို ခေါ်တာလား”
“သူ့ကိုပေါ့...”
“ဆန်းတယ်နော်”
“ဘာကိုလဲ”
“ချိန်းမထားလည်းပဲ တွေ့တတ်လို့ပါ”
“မခနဲ့ပါနဲ့ .... မနေ့က တို့နေမကောင်းလို့ မလာတာပါ....”
“ကိုယ်နဲ့တွေ့ရင် ပိုနေမကောင်းမှာ စိုးလို့လား”
“အင်း... ဟုတ်တယ်”
ကိုယ်ကတော့ မအေးမယ်ကို မတွေ့လို့ ရင်ပူလိုက်တာ”
“လွန်တယ်ကွာ- တကယ်ပဲ”
“ခုကော တွေ့ချင်စိတ်ရှိရဲ့လား”
“သူကကော”
“မအေးမယ်က ... အတွေ့မခံမှာ စိုးနေတာ”
“မနေ့က သူ့ကိုသတိရနေပါတယ်”
“ဘာဖြစ်လို့”
“ချိန်းထားတဲ့နေရာမှာ သူစောင့်နေမှာကို သနားလို့ပေါ့”
“သူ သူလို့ မခေါ်ပါနဲ့၊ နာမည် ပြောခဲ့သားပဲ”
“သူပေးတဲ့နာမည်လား”
“အင်းပေါ့”
“ခု ဘယ်ခေါ်လို့ ဖြစ်ပါမလဲ”
“မနက်ဖြန်မှ ခေါ်မယ်လေ”
“ဒီတစ်ခါ `မအေးမယ်´က စချိန်းတာနော်”
“ဘာလဲ၊ သူက ကလဲ့စား ချေမလို့လား ရှောင်နေမှာလား...”
“မအေးမယ်နဲ့ဆို ဘယ်ကို သွားရသွားရပါ”
“နက်ဖြန်လာခေါ်လေ”
“ဘယ်ကိုလဲ”
“တို့အဆောင်ကိုပေါ့”
“ပြီးတော့ ဘယ်သွားကြမလဲ”
“ဗိုလ်ချုပ်ဈေးကိုပေါ့လို့”

သောကြာနေ့
ဗိုလ်ချုပ်ဈေး

“ရေခဲရေ သောက်ချင်သေးတယ်...”
“ဟင်... ကျောက်ကျောဆိုင်မှာလည်း သောက်ခဲ့သေးတယ် မဟုတ်လား..”
“သူ့ကိုတောင် လက်တို့ရသေး၊ ရေတွေက မသန့်လို့...”
“ဟုတ်လား”
“ဒီမှာက အ၀သောက် ငါးပြား၊ ရောင်းတဲ့ ကောင်ကလေးကလည်း သနားစရာ..”
“ဘဝဆိုတာ ဒီလိုပေါ့၊ ဟိုဥစ္စာ အင်း”
“လွန်တယ်ကွာ.. တကယ်ပဲ..”
“ဘယ်သွားချင်သေးလဲ”
“ပေါင်ချိန်ကြည့်ချင်သေးတယ်..”
“ရော့ ဆယ်ပြားစေ့ အလေးစေ့”
“ဟော့တော့...”
“ဘာဖြစ်လို့လဲ”
“ကိုးဆယ်ငါးပေါင်တဲ့ နှစ်ပေါင်တောင်မှ တိုးလာတယ်...”
“ဗေဒင် ကတ်ပြားလည်း ရတယ် မဟုတ်လား၊ ဘာတဲ့လဲ”
“ဟီဟိ”
“ရှက်ရပြန်ပြီ၊ ကဲ တိုးတိုးလေးပြော”
“မျက်စိမှိတ်ထားမှ”
“ကဲပါဗျာ... မှိတ်ပါပြီ”
“အင်း... အဟမ်း ဘာတဲ့ မိမိအား တစ်ဖက်သတ် ပိုးပန်းနေသူအား မချစ်လိုက်ပါနှင့်တဲ့”
“အလကား ဗေဒင်ကို ကိုယ်မယုံဘူး”
“တို့တော့ ယုံပါတယ်..”
“ကဲ.. ဘယ်သွားချင်သေးလဲ”
“သိဘူးလေ ခုဘယ်နှနာရီလဲ..”
“သုံးနာရီခွဲတော့မယ်..”
“သူကော ဘယ်သွားချင်လဲ”
“သုံးနာရီခွဲဆိုတော့ ... ဟေ့... သုံးဘီး ဟေ့...”
“ကားဆရာ ဝိဇယရုံကို မြန်မြန်မောင်းပါ နော်...”
“ဝိဇယရုံမှာ (Show Down) ပြနေတာ သေချာတယ်နော်”

စနေနေ့
အင်းလျားကန်စောင်း

“ငိုပါနဲ့ မအေးမယ်ရယ်”
“.........................”
“မအေးမယ်ကို မောင်ချစ်ပါတယ်”
“တို့ ကြိုးစားပါတယ်ကွယ်.. ဒါပေမဲ့ ငိုချင်တယ်”
“မောင့်ကို မအေးမယ် ချစ်တယ်မဟုတ်လား”
“မောင်ဟာလေ”
“တိတ်ပါ အေးရယ်”
“အမြတ်တနိုးထားအပ်တဲ့ ဘဝတစ်ခု ဆုံးရပြီမောင်”
“မောင့်မှာ.... အပြစ်မကင်းပါဘူး....၊ မောင် တောင်းပန်ပါတယ်”
“တို့ကိုယ်တိုင်ကလည်း မစောင့်စည်းတာပါ”
“အေးလေးရယ်”
“အို.. မောင်ရယ် ...”

တနင်္ဂနွေနေ့
အင်းလျားကန်စောင်း

“မောင်ရေ”
“ဗျာရေ”
“နက်ဖြန်ကျရင်လေ”
“လက်မှတ်ဝယ်ထားပြီးပါပြီဗျာ”
“ဟယ် မောင်ရယ် လိမ္မာလိုက်တာကွယ်”
“ချစ်တော့ အလိုက်သိရတာပေါ့”
“လွန်ပြီဟေ့... အို..”
“ရှေးလူကြီးတွေ သိပ်တော်တာပဲ၊ ပင်လယ်ရေသောက်ရသလိုပဲ”
“ဟေး.. သနပ်ခါးတွေ ပျက်ကုန်ပြီကွာ ..”
“ပျက်လက်စနဲ့ မလှဘူး။ အကုန်ဖျက်ပစ်မှပေါ့......”
“မရဘူး...မရဘူး၊ ဖယ်ကွာ... မွန်းတယ် ...”
“အို... သိပ်စကားများတဲ့ ပါးစပ်ကလေး”
“...........................”

တနင်္လာနေ့
သမ္မတရုပ်ရှင်ရုံ

“မင်းသားက ချောလည်း မချောဘူး”
“အမူအရာ ကောင်းသားပဲ ”
“နက်ဖြန်ကျရင်လေ”
“လှမှတို့က ကြိုက်တာ”
“မောင်ကျတော့ကော”
“မောင်က ချောပါတယ်”
“ဟေ့...တော်တော့... ကဲ ဘယ်သွားချင်သေးလဲ...”
“သိဘူးလေ...ဘယ်နှနာရီလဲ”
“သုံးနာရီခွဲတော့မယ်..”
“မောင်ကော.. ဘယ်သွားချင်လဲ..”
“ဟေ့...သုံးဘီး၊ ဟိုး..ဟိုး...”
“ဗိုလ်ချုပ်ဈေးမှာ ခေါက်ဆွဲ ဝင်ဝယ်ရအောင်”
“ဒီမှာ... ကားဆရာ၊ မကြာပါဘူးဗျာ၊ ဗိုလ်ချုပ်ဈေးကို အရင်သွားရအောင်”
“ပိုပေးပါ့မယ်ရှင်”
“ပြီးတော့ အင်းလျားဂျူးဘန်းကို သွားမယ်လေ”

အင်္ဂါနေ့
တိုက်ခန်းတစ်ခု (ဝင်ဒါမီယာ)

“ဒါနဲ့ ချစ်တယ်ဆို...”
“ဒီနေ့တော့ တောင်းပန်ပါတယ်....”
“မရဘူး မရဘူး....”
“ဟင်း... မောင်နော်...
ဘို့တစ်ဘို့တည်း မကြည့်နဲ့နော်ကွာ-”
“ချစ်လို့ပေါ့”
“နက်ဖြန်ကျမှကွယ်...”
“ခုမှပဲ... ခုမှပဲ...”
“တော်ပြီမောင်... မောင့်ကိုမုန်းတယ်..”
“တကယ်လား...”
“တကယ်..”
“ကောင်းပါပြီ အေးရယ်..”
“ဟင်း ... သူ့စိတ်ကြီးပဲ...”
“မောင် ဝမ်းနည်းတယ်...”
“ဟယ် မောင်မျက်ရည်တွေနဲ့..”
“............................”
“မောင်ရယ် ခက်ပါလားကွယ်...”
“............................”
“မငိုပါနဲ့ကွယ်... တို့ပါငိုမိလိမ့်မယ်...”
“....................”
“ကဲ... တိတ်တော့နော်”
“အေးကို ချစ်လို့ပါ”
“မောင့်ကို ချစ်လို့သာပေါ့”

ဗုဒ္ဓဟူးနေ့
အနုပညာအသင်းရှေ့

“ဒီမယ်”
“ဆိုလေ”
“မအေးမယ်နဲ့ မတွေ့ဘူးလား..”
“သူ ကျောင်းမတက်တာ ကြာပြီ...”
“ကျေးဇူးပါပဲ...”

ကြာသပတေးနေ့
မန္တလေးဆောင်
အခန်း - M ၁၀၄

“ဒီမယ်... မအေးမယ်ရဲ့ သူငယ်ချင်း”
“အေးအကြောင်း မေးမလို့လား...”
“ဒါပေါ့”
“ညနေကျရင်၊ အရင်နေရာကို လာခဲ့ပါတဲ့ ...”
“ကျေးဇူးပါပဲ..”
“လိုပါဘူး”

သောကြာနေ့
ဗဟိုစာကြည့်တိုက်

ဒီမယ်... အေးရဲ့သူငယ်ချင်း”
“မနေ့က အေးနဲ့မတွေ့လို့ မဟုတ်လား”
“ခင်ဗျား.. နောက်လိုက်တာလား”
“အို့ ရာရာစစ ”
“ဒါဖြင့် ဘာလို့ အေးက စောင့်ခိုင်းတာလို့ ပြောသေးလဲ...”
“မနေ့က သူဒီအတိုင်းမှာသွားလို့ပေါ့”
“ဒီနေ့ကော - ဘာမှာလိုက်သေးလဲ”
“နောက်ကို မတွေ့ကြပါစို့နဲ့တဲ့၊ သူ့ကို မေ့လိုက်ပါတဲ့၊ သူကလည်း မေ့လိုက်တော့ မယ်တဲ့..”
“သူ စိတ်ပြောင်းပြီပေါ့..”
“စိတ်တစ်ခု... ရုပ်ကိုးဆယ်တဲ့....ရှင်”
“ခုလိုကူညီတာ ကျေးဇူးများစွာပါပဲ...”
“လိုပါဖူး”

စနေနေ့
မန္တလေးဆောင်
အခန်း- M ၁၀၄

“ဒီမယ်...အေးရဲ့သူငယ်ချင်း”
“ဘာလဲ.. အေးအကြောင်း မေးဦးမလို့ လား...”
“ဟုတ်ပါဘူး”
“ဒါ့အပြင် ဘာကိစ္စမှ မရှိပါလား”
“ရှိတာပေါ့”
“ဘာကိုလဲ”
“မေးစရာ ရှိသေးလို့ပေါ့”
“ဘာကိုလဲ”
“သြော်... နာမည်လေးသိပါရစေ”
“....................”
“ပြောလေ... နာမည်လေးက ဘာတဲ့လဲ ကွယ်...”
“သိဘူး”
“ဟယ်.ဆန်းလိုက်တာနော်၊ ဒီနာမည်မျိုး ဒီတစ်ခါပဲ ...ကြားဖူးတယ်`သိဘူး´ တဲ့”............................။


`စနေချစ်သူ’ဝတ္ထုတိုကိုတော့ ရည်းစားများတဲ့ လူငယ်တွေ အကြောင်းဖွဲ့တာပါ။ ကိုယ်တွေ့ မဟုတ်ပါဘူး။ သူငယ်ချင်း ကဗျာဆရာ မောင်သင်းအောင် (မုံရွာ) (ယခု မြင့်ဆောင်)ရေးတဲ့ ဝတ္ထုတိုလေးကို ရေးဟန်ပုံစံသဘောကျတာနဲ့ သူ့ဆီက ခွင့်တောင်းပြီး ပြန်ရေးခဲ့တာပါ။

သုမောင်

မှတ်ချက်။
ဒီဝတ္ထုတိုကလေးကို Perfect မဂ္ဂဇင်းမှ ကူးယူဖော်ပြထားခြင်းဖြစ်ပါသည်။ သိမ်းထားတာလည်း အတော်ကြာပြီ ဖြစ်သောကြောင့် မူလတင်ထားတဲ့ ပိုင်ရှင်အား ခွင့်မတောင်းပဲ တဆင့်ပြန်လည်တင်ပြခြင်းကို နားလည်မည်ဟု ထင်ပါသည်။

ဆက်လက်ကြိုးစားပါဦးမည်။

Wednesday, November 17, 2010

အမေစု၏ မြန်မာပြည်တွင်း ပထမဆုံးသောမိန့်ခွန်း(၁၉၈၈)

၁၉၈၈ ရွှေတိဂုံဘုရားခြေတော်ရင်းမှာ ပြည်သူလူထုအား အမေစုမှ ပထမဆုံး မိန့်ခွန်းဟောကြားခဲ့စဉ်က.....။

Thursday, November 11, 2010

ကုန်းဘောင်နောက်ဆုံးသွေးစက်၏ ပုံရိပ်များ




မြန်မာဝတ်စုံနဲ့ ကျက်သရေရှိလှတဲ့ မြန်မာသွေး (ရိုးရိုးသွေးတောင်မဟုတ်ဘူး၊ ဗမာ့တော်ဝင်သွေး) တစ်ဝက်ပါတဲ့ သူမအလှဟာ ဘယ်လောက်လှပ ကျက်သရေရှိလိုက်သလဲဗျာ။
ဘိုကပြား အင်္ဂလိုဗားမားတစ်ယောက်ဖြစ်တဲ့ သူမဟာ လွန်ခဲ့သော သုံးဆယ်ငါးနှစ်ကျော်လောက်တုန်းက မြန့်မာသမိုင်းမှာ ဟိုးလေးတစ်ကျော် နာမည်ကျော်ကြားဖူးသူ တစ်ယောက်ပါ။ ကျွန်တော်တောင် ကျွန်တော့် အဖေပြောပြလို့ သူမနာမည်ကို ကြားခဲ့ဖူးတယ်ဆိုယုံ လောက်ပါပဲ။ သူမနာမည်ကြားခါစကဆို အတော်လေးလှတဲ့ နာမည်ပဲလို မှတ်ယူခဲ့ဖူးတယ်။ နာမည်လေးတင်လှတာမဟုတ်ပဲ သူမဓာတ်ပုံ မြင်တော့လဲ တခေတ်တခါက အတော့်ကို နာမည်ကြီးခဲ့တာပဲဆိုတာ နဖူးတွေ့ဒူးတွေ့ယုံသွားတော့တယ်ဗျာ။သူမ အမည်ကတော့ “ရတနာနတ်မယ်” ဆိုတာပါပဲ။

ရတနာနတ်မယ်သည် နိုင်ငံတော်သမ္မတကြီးဟောင်း ဦးနေဝင်း၏ တတိယ အိမ်ထောင်ဘက် ဖြစ်ခဲ့ပါသည်။ မြန်မာပြည်ရဲ့ First Lady တစ်ဦးဖြစ်ခဲ့ဖူးပါသည်။ ရတနာနတ်မယ်သည် သြစတြေးလျ နိုင်ငံသား အင်္ဂလိပ် လူမျိုး ပြင်ဦးလွင်၊ မြင်းပြိုင်ကွင်း မြင်းဒိုင်ချုပ် ဘွက်ကီ မြင်းပွဲဒိုင် Mr Herbert Bellamy နှင့် လင်းပင်ထိပ်တင်မလတ်၏ သမီးဖြစ်သည်။ ၁၉၃၁-ခုနှစ်တွင် ရတနာနတ်မယ်ကို မွေးဖွားခဲ့၍ အဖိုးအဖွား ဖြစ်သော လင်းပင်မင်းသားကြီးနှင့် ရေနံသာခင်ခင်ကြီးတို့က အသက်ကြီးမှ ကလေးရသောကြောင့် နတ်ကပေးသော ကလေးဟုဆိုကာ လင်းပင်ထိပ်တင်မလတ်၏ သမီးကို ရတနာနတ်မယ်ဟု အမည်ပေးခဲ့သည်။ ကနောင်မင်းသား၏ မြစ်တော်တယောက် ဖြစ်သည်။


၁၉၇၆ ဒီဇင်ဘာ ၂၅ ရက်နေ့ထုတ် ကြေးမုံ မျက်နှာဖုံးသတင်း

လင်းပင် မင်းသားကြီး၏ သမီးတော် ထိပ်တင်မလတ်က အသက် ၃၆ နှစ်မှာ သူမထက် ၁၆ နှစ် ကြီးတဲ့ သြစတြေးလျ နိုင်ငံသား အင်္ဂလိပ် လူမျိုး ဘွက်ကီ မြင်းပွဲဒိုင် Mr Herbert Bellamy နဲ့ လက်ထပ်တယ်။ လေးနှစ်ကြာမှ သူမကို မွေးသည်။ သူမ ကိုယ်တိုင်ကတော့ အသက် ၂၂ နှစ်မှာ ပထမ အိမ်ထောင် ဖြစ်တဲ့ အီတာလျံ လူမျိုး၊ WHO က ဗမာပြည်မှာ တာဝန်ကျတဲ့ ဆရာဝန်တယောက်နဲ့ ၁၉၂၁ခု အောက်တိုဘာလမှာ လက်ထပ်ခဲ့ပါသည်။ သားလေး ၂ယောက် ရသည်။သူမကို အချို့က သစ်ခွစုဆောင်းသူလို့ ပြောခဲ့ကြပါတယ်။ သေချာတာကတော့ သူမဟာ မြန်မာပြည်မှာ အတော်ကြာကြာ နေထိုင်သွားခဲ့ပါတယ်။

လင်းပင်မင်းသားကြီး နှင့် ရေနံသာခင်ခင်ကြီးတို့နှစ်ဦးစလုံးက ချောမောခန့်ညားကြသလို သူတို့ရဲ့သမီးတော် ထိပ်တင်မလတ်ကလည်း ချောမောပြီး အင်္ဂလိပ်အသိုင်းအဝိုင်းမှာ ထင်ရှားခဲ့တဲ့သူဖြစ်ပါတယ်။။ သူနဲ့ Mr Herbert Bellamy ကမွေးလာတဲ့ ရတနာနတ်မယ်ကတော့ အဖေအမေ အဖိုးအဖွားရဲ့ အလှအပေတွေ စုပြီး မြန်မာသွေးနဲ့ အနောက်သွေးနှောတဲ့သူမို့လို့ အင်မတန်လှပပါတယ်။ ခေတ်ပညာတတ်ပြီး ဂုဏ်သိက္ခာရှိတဲ့ အသိုင်းအဝိုင်းထဲ ကြီးပြင်လာခဲ့သူမို့ ရတနာနတ်မယ်ဟာ လူဂုဏ်တန်နဲ့ အင်္ဂလိပ်အသိုင်းအဝိုင်းထဲမှာ ထင်ရှားခဲ့ပါတယ်။

ပြင်ဦးလွင် စိန့်မိုက်ကယ် အမျိုးသမီး အထက်တန်းကျောင်း (ယခု အထက ၄)မှာ အထက်တန်းအထိ ပညာသင်ကြားခဲ့ပြီး မြင်းစီး ကျွမ်းကျင်သူ၊ တင်းနစ်ရိုက်ရာမှာ ထူးချွန်သူ၊ အရပ်အမောင်း ကောင်းသူ ဖြစ်တယ်လို့ ဆိုပါသည်။ သူမကို တချိန်တုန်းကဆိုရင် she was once the cream of Rangoon society during the 1950s and 1960s လို့တောင် ပြောကြပါသည်။ နိုင်ငံခြားသားနှင့် လက်ထပ်ပြီး ရတဲ့ကလေး ဖြစ်ပေမယ့် ကုန်းဘောင်မင်းမျိုး အဘိုးအဘွားတွေက သူ့ကို အတော်လေး ချစ်မြတ်နိုးပုံ ရပါသည်။

ယခုအခါမှာတော့ အီတလီ၏ နာမည်ကျော် Tuscany ပြည်နယ် မြို့တော် ဖြစ်သောFlorence မှာ နေထိုင်သည့် Ms June Rose Bellamy (ခေါ်) ရတနာနတ်မယ် သည် Associazione Culturale Arte e Gastronomia Orientale ဆိုင် ဖွင့်ထားပါသည်။

Ms June Rose Bellamy

ဖလောရန့် မြို့မှာ Studio June Bellamy ဆိုသော Cooking School ဖွင့်ထားပါသည်။ သူမဟာလည်း ကျော်ကြားသည့် Chef တစ်ယောက် ဖြစ်နေပါပြီ။ သူမရဲ့ ဝဘ်ဆိုဒ်လေးမှာ မြန်မာအငွေ့အသက်လေးတွေ မြင်နိုင်ပါသေးသည်။ သူမရဲ့ ဒီအခန်းလေးထဲမှာ သူ့ဖခင် ဝါသနာပါတဲ့ မြင်းပုံတွေကို အမှတ်တရ ရေးဆွဲထားသလို သူ့အဘိုး လင်းပင်မင်းသားကြီးနဲ့ ရေနံ့သာ ခင်ခင်ကြီးတို့ရဲ့ မင်္ဂလာပွဲ ပုံကိုလည်း ရေးဆွဲထားတယ်လို့ သိရသည်။



Herald Tribune အဖွဲ့အစည်းကနေ ကြီးမှူးကျင်းပတဲ့ The World We Want ဆိုတဲ့ ဖိုရမ်မှာ မြန်မာပြည် ကိုယ်စားပြု တက်ရောက်ရ သူတွေက ရတနာနတ်မယ်နဲ့ ရစ်ချက်ထွန်းညွန့်တို့ ဖြစ်ပါတယ်။ အဲဒီမှာ နိုင်ငံပေါင်း ၁၆နိုင်ငံက ကျောင်းသားကျောင်းသူ ၃၂ဦး တက်ရောက်ပြီး ကမ္ဘာ့နိုင်ငံ တစ်ခုနဲ့တစ်ခု ကြားက ဆင်းရဲချမ်းသာ ကွာဟမှု၊ အချစ်အမုန်း အာဃာတတွေကို ဖယ်ရှားပြီး ပိုမိုကောင်းမွန်တဲ့ ကမ္ဘာ့မိသားစုကြီး တစ်ခုလို တည်ဆောက်ကြမယ် ဆိုပြီး ကျင်းပခဲ့တာ ဖြစ်ပါတယ်တဲ့။ ခန့်မှန်းချက်အရ ၁၉၅၀ ဝန်းကျင် ဖြစ်မယ်လို့ ထင်ပါတယ်။ ရတနာနတ်မယ် အသက် ၂ဝ လောက်မှာ ဖြစ်ပါတယ်။






လူတိုင်းလို ကြားဖူးခဲ့တဲ့ အနောက်နိုင်ငံရဲ့ စပိုင်လုပ်လို့ ဦးနေဝင်းက မောင်းထုတ်ခဲ့တယ် ဆိုတဲ့ ကောလာဟလကို မေးတော့ သူမက ရယ်နေခဲ့တယ်။ ဒါပေမဲ့ သူမကို ဦးနေဝင်းက ဆေးလိပ်ပြာခွက်နဲ့ ပစ်ပေါက်ခဲ့တယ် ဆိုတဲ့ မနှစ်မြို့စရာ ဖြစ်ရပ်ကိုတော့ သူမက နာနာကျင်ကျင် ဝန်ခံပါတယ်။ နောက်တနေ့ ချက်ခြင်းပဲ သူမဟာ စင်းလုံးလေယာဉ် တစင်း နဲ့ မြန်မာပြည်က ထွက်ခွာလာနိုင်ခဲ့တယ်။ လက်ထပ်အပြီး ၅ လ ဆိုတဲ့ အချိန်တိုလေး အတွင်းမှာပဲ လျင်လျင်မြန်မြန် ဖြစ်ပျက်သွားခဲ့တဲ့ အဲဒီ အကြောင်းတွေကို သူမက Sin of Pride လို့ ဆိုခဲ့ပြီး သူမကို မျှော်လင့်ခဲ့တဲ့ လူတွေအတွက် ဘာမှ မဆောင်ရွက်နိုင်ဘဲ အရှုံးနဲ့ သက်သက် ထွက်ခွာခဲ့ရတာ ဖြစ်တယ်လို့ ပြန်ပြောင်း ဖွင့်ဟခဲ့တယ်။ ၅ လတာ ကြုံဆုံ ခဲ့ရတဲ့ ဦးနေဝင်းကိုတော့ တကယ့် ဉာဏ်နီ ဉာဏ်နက်နဲ့ အရာရာကို ကြိုးကိုင် ခြယ်လှယ်နိုင်သူကြီး တယောက် လို့သာ မှတ်ချက် ပြုထားတယ်။
မကြာသေးခင် နှစ်တွေကတော့ သူမရဲ့ အသက်အစိတ် ရှိပြီ ဖြစ်တဲ့ မြေးလေးနဲ့အတူ မြန်မာပြည်ကို ပြန် အလည် ရောက်ခဲ့သေးတယ်လို့ ဆိုတယ်။ မြန်မာပြည်တွင်းက ဆရာဝန်တွေနဲ့ လူမူရေးလုပ်ငန်း တချို့ တွဲဖက် လုပ်ကိုင်နေသလို နာဂစ် မုန်တိုင်း ကယ်ဆယ်ရေး လုပ်ငန်းမှာလည်း ပါဝင် ဆောင်ရွက်နေတဲ့ အကြောင်း သိရသည်။


နောက်ပြီး ရတနာနတ်မယ်ရဲ့ အကြောင်းတွေ ထပ်သိချင်ရင်တော့ ဒီနေရာလေးတွေမှာ သွားရောက်လေ့လာနိုင်ပါတယ်။
Griffith Review
ဝီကီမြန်မာ
ညီလင်းဆက်
Studio June Bellamy
LIFE Images (ရတနာနတ်မယ်၏ ငယ်ရွယ်စဉ်ပုံရိပ်များ)

Tuesday, November 2, 2010

ပြည်တွင်းမှာ ရွေးကောက်ပွဲ ဆန့်ကျင်ရေး တိုက်ပွဲတွေ စတင်နေပြီ

တောင်ဒဂုံမှာ ကျောင်းသား လူငယ် ၁၀၀ ကျော် စတင် တိုက်ပွဲဝင်နေပါပြီ။ ယနေ့နံနက်ပိုင်းက တောင်ဒဂုံမြို့နယ် (၂၀)ရပ်ကွက် အဖွဲ့ချုပ် မြို့နယ်စည်း ဒေါ်ဥမ္မာရဲ့ နေအိမ်မှာ ပြုလုပ်တဲ့ အဖွဲ့ချုပ်သက်ကြီး ပူဇော်ပွဲ အခမ်းအနားသို့ အဖွဲ့ချုပ်လူငယ် (၁၂၀)ခန့် တူညီဝတ်စုံများ တီရှပ်များဝတ်ဆင်ပြီး တက်ရောက်ခဲ့ကြပြီး အပြန်မှာ မဲမပေးရေး လှုပ်ရှားမှုများ ပြုလုပ်ရန် ပြန်ထွက်လာတဲ့ အချိန်မှာ အာဏာပိုင် ရဲဝန်ထမ်း ၁၂ဦးမှာ တားဆီးတာခံခဲ့ရပြီး ရဲများက အုပ်စုလိုက်မဟုတ်ဘဲ လူခွဲပြီးသွားဖို့ ပြောပါတယ်..ဖမ်းတာဆီးတာတော့မလုပ်ခဲ့ပါလို့ အဖွဲ့မှာ ပါဝင်လှုပ်ရှားခဲ့တဲ့ လူငယ်တစ်ဦးက ပြောဆိုပါတယ်။ 

အဲဒီနောက်မှာတော့ လူပြန်စုပြီး အုပ်စုလိုက် တောင်ဒဂုံအခု(၅၆)ရပ်ကွက်အထိ စာရွက်တွေ ဝေငှသွားကြတာ ဖြစ်ပါတယ်။ ဆန့်ကျင်ရေးစာရွက်များ ဝေငှသွားကြတဲ့ လူငယ်တွေ အားလုံးဟာ တီရှပ်တွေမှာ.. သခင်ကိုယ်တော်မှိုင်း၊ ဦးဝင်းတင်နဲ့ ဒေါ်အောင်ဆန်းစုကြည်နဲ့ ပုံတွေပါတဲ့ဆင်တူ ဝတ်စုံတွေနဲ့ မဲမပေးရေး လှုပ်ရှားမှု စာတမ်းပါတဲ့ တီရှပ်တွေကိုဝတ်ဆင်ထားကြပါတယ်။ အခုတောင်ဒဂုံမှာ စာရွက်တွေ ဆက်လက်ဝေငှသွားမယ်လို့ သိရှိရသလို ဒီနေ့မနက် စမ်းချောင်းမှာ မဲမပေးရေး လှုပ်ရှားမှုတွေ ပြုလုပ်ခဲ့တဲ့ အဖွဲ့ချုပ်လူငယ်တွေတော့ တားဆီးခံရမှူတွေနဲ့ တော်တော် အခြေအနေဆိုးတယ်လို့ သိရှိရြ့ပီး နောက်ဆုံးရရှိတဲ့ သတင်းအရ စမ်းချောင်းမြို့နယ်မှာ မဲမပေးရေးလှုပ်ရှား စာရွက်စာတမ်းများ ဝေငှခွင့် မရခဲ့ကြောင်းနဲ့ လှုပ်ရှားမှု ပြုလုပ်နေတဲ့ အဖွဲ့ချုပ်အဖွဲ့ဝင်များထက် လုံခြုံရေး ရဲဝန်ထမ်းအင်အား ပိုမိုများပြားကြောင်း သိရှိရပါတယ်..။

မနေ့ ည က ပြည်မြို့ရှိ  လှုပ်ရှားသူများ က ရွေးကောက်ပွဲ ကိုဆန် ကျင်ထားတဲ့ ထားတဲ့ စတတ်ကာများကို တမြို့  လုံးနီးပါး လိုက်လံ ဖြန့် ဝေခဲ့ကြတယ်။ ကပ်ခဲ့ကြတယ်လို့  လည်း သတင်းရရှိသလို မနက်မိုးလင်းတဲ့အခါမှာတော့ ရဲ၊ မီးသတ်များက စတစ်ကားများကိုလိုက်လံ ခွာခဲ့ကြရတယ်လို့သိရပါတယ်။  ရွေးကောက်ပွဲနီးလာတာနဲ့ အမျှ အတုအယောင် ရွေးကောက်ပွဲကို ဆန်ကျင်တဲ့လှုပ်ရှားမှုများ  တစတစ အားကောင်းလာတာကိုတွေ့   ရှိရတာတွေဟာ မြန်မာပြည်သူထုလူက စစ်အာဏာပိုင်တွေရဲ့ ၂၀၀၇ခုနှစ် နိုဝင်ဘာလ ၇ ရက်နေ့မှာ ကျင်းပပြုလုပ်မယ့် မြန်မာပြည်လူထုကို စစ်ကျွန်အောက်မှာ ထ၀ရသွတ်သွင်းမယ့် အစီစအစဉ်ကို လက်မခံကြတော့ တာမို့ သင်လည်း  နီးစပ်ရာမိတ်ဆွေတွေကို တိုက်တွန်းပြီး ရွေးကောက်ပွဲကို အမျိုးသားရေးတာဝန်တရပ် အနေနဲ့ ၀ိုင်းဝန်းဆန့်ကျင်ကြပါ။

Saturday, October 2, 2010

၂၀၁၀ ရွေးကောက်ပွဲ မဲမပေးရေး ပြည်တွင်းလှုပ်ရှားမှု စတင်


ဗမာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ် (ဗကသ)၊ ဗမာနိုင်ငံလုံးဆိုင်ရာ လူငယ်များသမဂ္ဂ (ဗလသ) နဲ့ အခြေခံပညာ ကျောင်းသားများ သမဂ္ဂ (အကသ) တို့ ပူးပေါင်းပြီး ၂၀၁၀ ရွေးကောက်ပွဲမှာ မဲမထည့်ကြဖို့ NO Campaign လှုပ်ရှားမှုကို မနေ့က လုပ်ခဲ့ကြတာပါ။ ရန်ကုန်တိုင်း တာမွေမြို့နယ်၊ မြောက်ဥက္ကလာပမြို့နယ်၊ မြောက်ဒဂုံ၊ စမ်းချောင်းမြို့နယ်၊ ကြည့်မြင်တိုင်နဲ့ အင်းစိန်မြို့နယ်တွေမှာ လှုပ်ရှားခဲ့တာဖြစ်ပြီး အဓိကအားဖြင့် လူစည်ကားရာ ဈေးတွေမှာ စာရွက်တွေကို ညဘက်မှာ လိုက်ကပ်ခဲ့ကြသလို တခြားနည်းလမ်းတွေနဲ့လည်း ဒီစာတွေကို ဖြန့်ကြဲခဲ့တဲ့အကြောင်း ဗကသ ပြောခွင့်ရသူ ကိုဇာနည်က အခုလို ပြောပြပါတယ်။
“ကျနော်တို့ကတော့ ညဘက်တွေမှာ သွားပြီးတော့ NO ဆိုတဲ့ ဆိုင်းဘုတ်တွေ၊ နောက်တခါ ၂၀၁၀ မှာ Cross (X) ဖြစ်တဲ့အတွက် စာရွက်တွေ အဲဒါတွေ နီးစပ်ရာတွေမှာ လိုက်ကပ်လိုက်တယ်။ လိုက်ကပ်ပြီး ဒီညပြီးတော့ နောက်နေ့ မနက်မိုးလင်းတော့မှ လူတွေက အပြင်ထွက်လာတယ်။ ဈေးဝယ်ထွက်မယ်၊ ရုံးသွားမယ်၊ ကျောင်းသွားမယ်။ အဲဒီအခါမှာ ဒီဟာတွေကို မြင်ရပါတယ်။ နောက်တခု ကျနော်တို့က မိုးပျံပူဖောင်းနဲ့ စာကြဲပါတယ်။ ဘတ်စ်ကားတွေ ခေါင်မိုးပေါ်မှာ တင်ထားတယ်။ ကားမောင်းထွက်သွားတဲ့အခါ စာရွက်တွေ လေထဲမှာ ပြန့်လွင့်ပြီး ကျလာတယ်။ အဲဒီလိုပုံစံမျိုးတွေနဲ့ ကျနော်တို့ လှုပ်ရှားပါတယ်။
“အဓိက မြောက်ဥက္ကလာ၊ ကြည့်မြင်တိုင်၊ အင်းစိန်၊ အဲဒီနေရာတွေက အဓိကပဲ။ ကျန်တဲ့နေရာတွေကတော့ လုပ်တယ်၊ ဒါပေမဲ့ နည်းပါတယ်။ အဓိကတော့ ဈေးတွေဗျ။ ဈေးတွေမှာ အဓိက လုပ်ရခြင်း အကြောင်းရင်းက ဈေးဆိုတာ မနက် ၅ နာရီခွဲ၊ ၆ နာရီဆို ဈေးထွက်လာပြီ။ ပြီးတော့ ဈေးဖြစ်တဲ့အတွက် ဒီဟာနဲ့ ပတ်သက်ပြီးတော့ လူစုံရောက်တယ်။ လူထုဆီကို တိုက်ရိုက်ရောက်မယ်လို့ ကျနော်တို့က ယူဆတယ်။ ဈေးတို့၊ ကားဂိတ်တို့ကို ဦးစားပေးပြီး လုပ်တယ်။”
ဒီလှုပ်ရှားမှုနဲ့ ပတ်သက်လို့ အခုအခါ အာဏာပိုင်တွေက အနီးကပ် စောင့်ကြည့်လာနေပြီး မသင်္ကာတဲ့ တက်ကြွလှုပ်ရှားသူ လူငယ်တချို့ကို ခေါ်ယူစစ်ဆေး မေးမြန်းတာမျိုးတွေ လုပ်ခဲ့တယ်လို့လည်း ကိုဇာနည်က ဆက်ပြောပြခဲ့ပါတယ်။
“အဲဒီဝန်းကျင်မှာရှိတဲ့ သူတို့ Activists လို့ ယူဆတဲ့လူတွေကို ခေါ်တွေ့တယ်။ ခေါ်တွေ့ပြီး အဲဒါမျိုး သူတို့အနေနဲ့ ဒီဟာတွေကို တရားခံ မတွေ့ဘူးဆိုရင်တော့ မသင်္ကာမှုနဲ့ ခင်ဗျားတို့ကိုပဲ ဖမ်းရမှာပဲ၊ ဘာညာ အစရှိတဲ့ ခြိမ်းခြောက်တာမျိုးတွေ ရှိပါတယ်။ အဲဒါတွေကို သူတို့အနေနဲ့ ကမန်းကတန်းဖြုတ်တယ်၊ လဲတယ်။ ပြီးတော့ သံသယရှိနိုင်တဲ့ လူတွေကို လိုက်ပြီး စစ်ဆေး မေးမြန်းကြတယ်။ ခြိမ်းခြောက်ပြီး ပြန်လွှတ်လိုက်တယ်။ ဖမ်းတာမျိုးတော့ မရှိဘူး။”
ဒါ့အပြင် သူတို့ ဗကသ၊ ဗလသ၊ အကသ ကျောင်းသားအဖွဲ့တွေ အနေနဲ့ ဒီ NO Campaign လှုပ်ရှားမှုကို နိုဝင်ဘာလ ၇ ရက်နေ့ ကျင်းပမယ့် ရွေးကောက်ပွဲ မပြီးမချင်း ဆက်လက် လုပ်ဆောင်သွားမှာ ဖြစ်တယ်လို့လည်း ဗကသ ပြောခွင့်ရသူ ကိုဇာနည်က ဆက်ပြောပြခဲ့ပါတယ်။
“ဒီဥစ္စာကတော့ ကျနော်တို့ကို အခြေအနေပေးရင် ပေးသလို ကျနော်တို့ လှုပ်ရှားနေကြမှာပဲလေ။ အရမ်းဖိနှိပ်လာရင်တော့လည်း ပြန်ဖျောက်မယ်၊ အခွင့်သာရင် ပြန်လှုပ်ရှားမယ်။ ဒါကတော့ ၂၀၁၀ ရွေးကောက်ပွဲ မတိုင်မချင်း ကျနော်တို့ အနေနဲ့ လုပ်နိုင်သလောက် အစွမ်းကုန် ကြိုးစားပြီး လုပ်နေကြမှာပါပဲ။”
မနေ့က ရန်ကုန်တိုင်း မြို့နယ်တချို့မှာ ၂၀၁၀ ရွေးကောက်ပွဲအပေါ် သပိတ်မှောက်တဲ့ NO Campaign လှုပ်ရှားမှုကို ဗကသ၊ ဗလသနဲ့ အကသ ကျောင်းသားအဖွဲ့ ၃ ဖွဲ့က ပူးပေါင်းလုပ်ဆောင်ခဲ့တာနဲ့ ပတ်သက်လို့ ဗကသ ပြောခွင့်ရသူ ကိုဇာနည် ပြောပြခဲ့တာ ဖြစ်ပါတယ်။
ဒီ ၂၀၁၀ ရွေးကောက်ပွဲကိုပဲ NLD အမျိုးသား ဒီမိုကရေစီ အဖွဲ့ချုပ်က သပိတ်မှောက်ခဲ့ပြီး ပြည်သူတွေ အနေနဲ့ မဲမပေးလိုရင် မဲမပေးဘဲ နေနိုင်တဲ့ အကြောင်းနဲ့ NLD ပါတီကိုမှ မဲပေးလိုသူတွေ အနေနဲ့လည်း မဲမပေးဘဲ နေကြဖို့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် ကိုယ်တိုင်ကလည်း ပြောဆိုခဲ့ပါတယ်။

Monday, September 27, 2010

(၆)တိုက်မှာ လောက်ကိုက်တာ ခံဖူးသလားနှင့် အခြားထောင်ဝတ္ထုတိုများ

ထောင်.....တဲ့
နှောင်အိမ်မျှသာ မဟုတ်
လူ့ဂုဏ်ပုဒ်မှန်သမျှကို ချေနင်း
ခါးသည်းခြင်းပေါင်းစုံတို့ရဲ့ ဗဟိုချက်
ရက်စက်မှုပေါင်းစုံတို့ရဲ့ ရပ်ဝန်း
သွေးရိပ်စွန်းနေတဲ့ အမှောင်မြေ.....။
ဒါပေမဲ့...ဒီနေရာမှာပဲ
အာဇာနည်များစွာကို ဖွားသစ်
သံမဏိ စစ်မစစ် ပေတင်ခံ
မီးလျှံတွေတွင်းမှာ ဖြတ်ကျော်ရင်း
အလင်းချစ်သူတွေလဲ မွေးလာတယ်...။

Monday, September 20, 2010

ရွေးကောက်ပွဲ ဆန့်ကျင်ရေး ပို့စကတ်နှင့် ဓာတ်ပုံများ ဖြန့်ဝေ

စစ်အစိုးရ ပြုလုပ်မည့် ရွေးကောက်ပွဲ ဆန့်ကျင်ရေး ပို့စကတ် နှင့် ဓာတ်ပုံများကို တက်ကြွလှုပ်ရှားသူ လူငယ်တစုက ရန်ကုန်တိုင်း အတွင်းရှိ မြို့နယ်တချို့တွင် ယမန်နေ့ညက ဖြန့်ဝေကြောင်း သတင်းရ ရှိသည်။

“နိုင်ငံသားတိုင်း မဲပေးခွင့်ရှိသလို မဲမပေးခွင့်လည်းရှိတယ်” “မဲရုံမသွားနဲ့ မဲမပေးနဲ့” အစရှိသည့် စာသားများ ပါရှိသော ဓာတ်ပုံ၊ ပို့စကတ်များကို လှိုင်မြို့နယ်၊ မင်္ဂလာတောင်ညွန့် မြို့နယ်၊ ဒေါပုံမြို့နယ်၊ သာကေတမြို့နယ်၊ သုံးခွမြို့နယ်နှင့် သန်လျင်မြို့နယ်တို့ရှိ ဘုန်းတော်ကြီးကျောင်းများ၊ စာသင်တိုက်များသို့ အဓိကထား ဖြန့်ဝေခဲ့ပြီး သံဃာတော်များကလည်း ကူညီဖြန့်ဝေပေးခဲ့သည်ဟု ဖြန့်ဝေသည့် လူငယ်အဖွဲ့က ပြောသည်။

“အဓိကကတော့ ဒီရွေးကောက်ပွဲဟာ တိုင်းပြည်ကို ချောက်ကမ်းပါးထဲ တွန်းပို့မယ့်၊ စစ်ကျွန်စနစ် ရှည်စေမယ့် ရွေးကောက်ပွဲဖြစ်တယ်ဆိုတဲ့ အချက်ကို သံဃာတော်တွေကနေတဆင့် သူတို့ ဆွမ်းခံကြွတဲ့ ပြည်သူတွေဆီကို ရောက်သွားဖို့၊ ဒီရွေးကောက်ပွဲကို ဆန့်ကျင်ကြဖို့ ရည်ရွယ်ပါတယ်”ဟု လူငယ်တဦးက ပြောဆိုသည်။

အဆိုပါ လူငယ်များအနေဖြင့် တခြားမြို့နယ်များသို့လည်း ရွေးကောက်ပွဲ ဆန့်ကျင်ရေး စာရွက်စာတမ်း၊ ဓာတ်ပုံ၊ ပိုစတာ များ ဆက်လက်ဖြန့်ဝေသွားမည်ဟု ဆိုသည်။

ရွေးကောက်ပွဲ ဆန့်ကျင်ရေး ပို့စကတ်များ ရသည့်ပြည်သူများကမူ မဲပေးရန် ဆန္ဒမရှိကြောင်းနှင့် မဖြစ်မနေ မဲပေးရမည် ဆိုပါကလည်း မည်သူ့ကို ပေးရမည်မှန်း မသိကြောင်း ပြောဆိုကြသည်။

ရန်ကုန်မြို့ခံတဦးက “အစကတော့ မဲသွားပေးရရင် ဘယ်လိုလုပ်ရမလဲပေါ့။ ကျနော်တို့ဆီကို မနက်တိုင်းဆွမ်းခံကြွတဲ့ ကိုယ်တော်တွေဆီကနေ မဲမပေးဖို့ အခွင့်အရေးလည်း ရှိတယ်ဆိုတာ သိရတော့ သွားမပေးတော့ဘူးဗျာ။ ဒါပေမယ့် သူတို့က သူတို့ နိုင်အောင် လုပ်ထားပြီးသား နေမှာပါပဲ”ဟု ပြောသည်။

Tuesday, September 14, 2010

သခင်မ



ဆယ်နှစ်ကြိုး ကဝေအတတ်နဲ.....
(ငါ့ရင်ထဲက) မီးခတ်တဲ့ စကားလုံးတွေကို သတ်ငြိမ်း
အိပ်မက်သိမ်းတမ်း ပြူစားတတ်တဲ့......'ရွာသူ'ရေ

ရင်ခုန်သံတွေကိုပဲ 'ခေါစာပစ်'လိုက်တယ်.......
သခင်မ .......
ပျော်ပါ ......၊ ပါးပါ .......၊ စားပါ .......၊ သောက်ပါ ......

မရိုမသေ တမ်းတမိတဲ့
ဟောဒီက အမိုက်ကိုလည်း အပြစ်က လွှတ်တော်မူပါ .....။

မီးစတစ်ဖက် ရေမှုတ်တစ်ဖက်နဲ့
အကြည့်လက်လက်တွေကိုလည်း
ပေးသနားတော်မူပါ .....။

'တရားဝင် စစ်ကြေညာပြီး မတွယ်တာရရင်
ဘာကိုမှ မလုပ်ချင်ဘူး'ဆိုတဲ့
ဟောဒီက ငပျင်း ......အတွက်
လက်ကြောတင်းအောင် လွမ်းခွင့် ပြုတော်မူပါ ..........

မင်းခိုက်စိုးစံ

Thursday, September 9, 2010

၂၀၁၀ ရွေးကောက်ပွဲ ဥပဒေ တရားမမျှတ

“ဒေါ်အောင်ဆန်းစုကြည်ပြောတာက ဒီဥပဒေတွေဟာ အဖွဲ့ချုပ် အန်အယ်ဒီအတွက် အများကြီး စိန်ခေါ်မှုတွေ ပါတယ်။ ဒီစိန်ခေါ်မှုတွေ ပါတာကိုပဲ သူကျေနပ်တယ်။ ဒီလိုစိန်ခေါ်မှုတွေပါမှ ဘယ်လိုတုံ့ပြန်မယ်ဆိုတာ ညီညီညွတ်ညွတ်နဲ့ ဝိုင်းလုပ်ကြရမှာပါပေါ့တဲ့”
“ဒီဥပဒေကို ဖတ်လိုက်လို့ရှိရင် တစုံတယောက်ကို ရည်ညွှန်းပြီးတော့ ရေးဆွဲတယ်၊ တစုံတယောက်ရဲ့ အကျိုးကို ဆန့်ကျင်ပြီးတော့ ရေးဆွဲတယ်လို့ ထင်မြင်စရာ ဖတ်တဲ့လူတိုင်း တွေ့ပါတယ်။ အဲဒီလို တွေ့မြင်စရာ ဖြစ်နေတာကိုက အင်မတန်ရှက်ဖို့ ကောင်းတယ်၊ ဥပဒေဆိုတာ လူတိုင်းအတွက် လူတိုင်းအတွက်ရေးရမှာ ပုဂ္ဂိုလ် တဦးတယောက်အတွက် ရေးတယ်ဆိုကတည်းကိုက မဖြစ်သင့်တာ ရှက်စရာကောင်းတဲ့ အဖြစ်အပျက်ပဲလို့ဒေါ်အောင်ဆန်းစုကြည် ကပြောပါတယ်”
(NLD ဦးဉာဏ်ဝင်း မဇ္ဈိမသို့ ပြောကြားချက်)

တို့လို့တွဲလောင်း ဘဝများ










လိုင်းကားတွေပေါ်မှာ တို့လို့တွဲလောင်းနဲ့ လိုက်ပါသွားတဲ့ သူတွေကိုတွေ့တိုင်း ဒီလူတွေ ဘာလို့ ဒီလောက်ထိ အလျင်လိုနေပါလိမ့်လို့ ကျွန်တော် အမြဲတွေးမိတယ်..။ လက်တစ်ကိုင်စာ၊ ခြေတစ်ဖက်ရပ်စာလေး ရရုံနဲ့ သူတို့ရဲ့ လိုရာပန်းတိုင်ကို ရောက်နိုင်ပြီလို့ ယုံကြည်လို့ရင်လည်း ဖြစ်ကောင်းဖြစ်မယ်။ ဒီလိုဆိုရင်... အဲဒီလိုလူတွေရဲ့ ဘဝပန်းတိုင်တွေ ဆိုတာကရော... အဲလိုပဲ လက်တစ်ကိုင်စာ၊ ခြေတစ်ဖက်ရပ်စာလေး ရရုံနဲ့ ရောက်နိုင်ပြီလား...


စဉ်းစားမယ်ဆိုရင်လည်း စဉ်းစားစရာချည်းပဲ....

တွေးမယ်ဆိုရင်လည်း တွေးစရာချည်းပဲ...

ပြောမယ်ဆိုရင်လည်း ပြောစရာချည်းပဲ...

မေ့ပစ်မယ်ဆိုလည်း မေ့ပစ်စရာချည်းပဲ...


မနေ့ညက တာမွေအဝိုင်းကနေ သင်္ဃန်းကျွန်း စံပြဈေးဘက်ကို သွားဖြစ်တယ်...၊ စီးသွားဖြစ်တဲ့ လိုင်းကားက ဘီအမ်လေးပါ။ ကားက လူချောင်တယ်...၊ ခုံအလွတ်တွေချည်း တော်တော်များများရှိနေလို့ ကျွန်တော်လည်း ထိုင်ခုံရတယ်ပေါ့ဗျာ...။ ကျွန်တော့်ဘေးမှာလည်း အသက် (၂၇)နှစ်လောက်ရှိတဲ့ အစ်ကိုတစ်ယောက် ထိုင်တယ် ဗျ..။ ထမင်းချိုင့်နဲ့ ဘာနဲ့ဆိုတော့ အလုပ်ကနေ ပြန်လာတာဖြစ်မယ်။ ဒီလိုနဲ့ ကားခပေးကြတယ်၊ ကားခက နှစ်ရာ တဲ့...။ ကျွန်တော်ပေးလိုက်တယ်၊ ကျွန်တော့်ဘေးက အစ်ကိုကတော့ တစ်ရာတန်တစ်ရွက်ပဲ ထုတ်ပေးတယ်ဗျ။ ကားစပယ်ရာက "မရဘူး၊..နှစ်ရာ" လို့ ပြန်ပြောတယ်။ အဲဒီ အစ်ကိုက မပါတော့ဘူးလို့ ပြောလိုက်ပုံရတယ်...။ ကားစပယ်ရာက မထင်မှတ်တဲ့ စကားတစ်ခွန်းကို ပြန်ပြောလိုက်တယ်ဗျ...


"တစ်ရာဆို မတ်တပ်ထစီး...."


အဲဒီလိုပြောလိုက်ပေမယ့် ဟိုအစ်ကိုက မျက်နှာ တစ်ချက်ပျက်မသွားဘူး၊ အေးအေးဆေးဆေးပဲ မတ်တပ်ရပ် စီးရှာတယ်၊ ကျွန်တော်လည်း တော်တော်လေး စိတ်မကောင်းဖြစ်သွားတယ်။ ဒါပေမယ့် သူ့မျက်နှာနဲ့ သူ့ပုံစံအရ ကျွန်တော်က ထပြီး စိုက်ပေးလိုက်မယ်ဆိုရင်လည်း သူ့ကို စော်ကားရာရောက်မယ့် အခြေအနေမျိုး ဖြစ်နေ တယ်။ သူ့မျက်နှာမှာ သိမ်ငယ်မှု မရှိဘူး၊ ဘာပဲပြောပြော ကျွန်တော် စိတ်မကောင်းဖြစ်ရပေမယ့် အဲဒီအစ်ကိုရဲ့ ပုံစံကို သဘောကျလေးစားသွားတယ်။ နောက် တစ်ဆက်တည်း ဒါ ယောကျာ်းတစ်ယောက်ရဲ့ အတ္တနဲ့ မာန ပဲ...လို့လည်း တွေးလိုက်မိတယ်။


ဒါပေမယ့် ဒါ သိပ်တော့ သဘာဝမကျလှဘူး၊ ကားထဲမှာ ထိုင်ခုံအလွတ်တွေရှိနေပါရဲ့နဲ့ လူတစ်ယောက် မတ်တပ် ရပ်စီးနေရတယ်...။ ကားစပယ်ယာရဲ့ အတွေးအခေါ်နဲ့ လုပ်ပုံကပဲ ကျွန်တော် စဉ်းစားမရနိုင်လောက်အောင် လက်တွေ့ ကျနေတာလား၊ ဒီကနေ ဟိုကိုသွားမယ့်ခရီးမှာ...ကားပေါ် လူတစ်ယောက် ထိုင်နေလို့ ကားပိုလေး သွားမှာလား...။ ထိုင်စီးရင်လည်း ဒီခရီး၊ ထစီးရင်လည်း ဒီခရီး...အတူတူ။ ထိုင်ခုံအလွတ်တွေကို ဒီအတိုင်းထား ပြီး ငွေတရာမရှိလို့ ဆိုပြီး လူတစ်ယောက်ကို ညှဉ်းပန်းတာမျိုးလား....။


အဲဒီအဖြစ်လေးကိုကြည့်ပြီး ကျွန်တော် ဆက်တွေးမိတယ်...၊ ပိုက်ဆံတစ်ရာ မပေးနိုင်လို့ ထစီးနေတဲ့ အစ်ကိုဟာ ကိုယ့်အားကိုယ်ကိုးပြီး ဘဝကိုရုန်းကန်နေရတဲ့ ခေတ်လူငယ်တွေကိုများ ကိုယ်စားပြုနေသလား...၊ ဘာဖြစ်လို့လဲ ဆိုတော့ ငွေအားကိုး၊ လူကပ်အားကိုးနဲ့ ဘလိုင်းကြီး ကျော်တက်ခံရတဲ့အပြင် တစ်ခါတစ်ခါ မတ်တပ်ရပ်စီးဖို့ပါ အမိန်ပေးခံရတာတွေ ကျွန်တော်တို့ဘဝမှာ ဘယ်လောက်များများ ကြုံတွေ့ခဲ့ရပြီးပြီလဲ...


ဒါပေမယ့်လည်း... ကိုယ့် ရည်ရွယ်ရာပန်းတိုင်လေးတွေဆီ ရောက်ဖို့အတွက်တော့...လက်တစ်ဖက်ကိုင်စာရရင် လက်တစ်ဖက်စာနဲ့၊ ခြေတစ်ဖက်ရပ်စာရုံလေးရရင် ခြေတစ်ဖက်စာနဲ့ ဘဝကို တို့လို့တွဲလောင်း လိုက်ပါဖြတ်သန်း ရင်း ခရီးဆက်နေကြရဦးမှာပါပဲလေ....

Tuesday, August 31, 2010

မစန္ဒာ၏ စာအုပ်များ

  1. မစန္ဒာ - ဂျီဟောသူ
  2. မစန္ဒာ - ငယ်သူမို့မသိပါ
  3. မစန္ဒာ - အရိပ်
  4. မစန္ဒာ - ဘဝအိပ်မက် ပန်းအိပ်မက်
  5. မစန္ဒာ - တိမ်ဖုံးပါလို့ လမသာ
  6. မစန္ဒာ - ငြိုးမာန်ဖွဲ့သူရယ်
  7. မစန္ဒာ - နက်ဖြန်ခါ
  8. မစန္ဒာ - ဆဌဂံ
  9. မစန္ဒာ - ကွက်လပ်ကလေးဖြည့်ပေးပါ
  10. မစန္ဒာ - ပန်းစကား
  11. မစန္ဒာ - ပုစ္ဆာ
  12. မစန္ဒာ - နှင်းဆီ
  13. မစန္ဒာ - စိမ်းရွက်တစ်ဝေဝေ
  14. မစန္ဒာ - ဟိုဘက်ကမ်းက လွမ်းပုံပြင်
  15. မစန္ဒာ - စက်ဝိုင်း (ဝတ္ထုတို)
  16. မစန္ဒာ - ပန်းပွင့်ခရေနှင့် အခြားဝတ္တုများ
  17. မစန္ဒာ - မဂ္ဂဇင်းဝတ္ထုရှည်များ (၃)
  18. မစန္ဒာ - မဂ္ဂဇင်းဝတ္ထုရှည်များ (၄)
  19. မစန္ဒာ - ၀တ္ထုတိုများ ၂
  20. မစန္ဒာ - ၀တ္ထုတိုများ ၃
  21. မစန္ဒာ - ၀တ္ထုတိုများ ၄
  22. မစန္ဒာ - ၀တ္တုတိုများ ၆
  23. မစန္ဒာ - ၀တ္ထုတိုများ ၇

သုမောင်၏ စာအုပ်များ

















  1. သုမောင် - အရက်သမား အမှားတစ်ခါ
  2. သုမောင် - မျိုးရိုးထဲမှ ဆိုးပေကြီးများ
  3. သုမောင် - ခလုတ်တိုက်မိသောစရိုက်များ
Related Posts Plugin for WordPress, Blogger...